Thursday, January 24, 2008

مقدمة
السلام عليكم و رحمة الله و بركاته
سبب شغفي لكتابة هذا البوست هو محو البوست السابق ده أولا الحمد لله علي كل شئ و كمان الحمد لله حالتي حاليا كويسة نوعا ما بسبب بعض التغيير الذي حدث لي في حياتي أدعوا لي بالتوفيق
.
أنتم طبعا عارفين إحساس إنك تكون عاوز تكتب و مش لاقي أفكار أنا كنت كده عاوز أكتب علشان ألغي أخر بوست الغريب أنه كان رقم مائة و مش لاقي أفكار و إذ فجأة نزلت عليا تسعة ألأف فكرة و مش عاوز أكتب كل نقطة في بوست لوحدها مش بحب كده بحب اللي علي بالي أكتبه علي طول
.
المهم
حوار زميلي الأكبر مني في الشغل
تبدأ القصة من إن في واحد كان حاططني في دماغة من ساعة أما أشتغلت المهم حظه معايا كان وحش كان كل أما يحطني في حاجة زي الإختبار كده منجحش فيه أو يحدث إختلاف في وجهات النظر المهم الرجل ده متفهموش بيحبني لله في لله كان الأول اللي يعلم عليه من أول مرة مفيش فرصة تانية المهم الرجل ده إداني فرصة و التانية المهم كان المجمل كويس
.
بس هو كان عاوز تظبيط من حاجة تانية مش عارف أسميها بإسمها و لا أية بس طبعا مش بإسمها علشان الناس اللي بتتدخل هنا كلها محترمة هو عاوزني أتملقه يعني و أطلع أصبح عليه كل يوم كده يعني المهم طبعا أنا معرفش أعمل كده و لا هأعمل كده المهم زميلي ده بقة كان أخد زنبة من واحد قبل كده عن الرجل ده فمن ساعتها الرجل مش بيحبه و هو شايفني كويس الحمد لله بالتعامل مع كل الناس الكبير و الصغير في السن و المقام
.
المهم الرجل الأولاني ده إداني شغل تاني إختبار تاني فأنا عادي بقول للناس و هم كده كده بيعرفوا المهم زميلي ده أنا كنت مرة سألته عن شخصيتي في الشغل كويس و لا لا قالي الحمد لله و الله مش تفاخر و لا منظرة قالي أنت احسن واحد من التلاتة الجداد اللي جم هنا انا اشتغلت ومعايا و احد و جه بعد سنة واحد تاني جديد
.
المهم اللي خنقني بقة وضايقني قالي أن الأتنين الزملاء الجداد اللي معايا دول الأتنين بيعملوا يتحججوا بأي حاجة علشان يطلعوا لدرجة أن هو شخصيا فوجئ بزميلي الجديد اللي جه بعدي بيطلع للرجل ده و الله أعلم بينقلوا أخبارنا و لا اية و يقلوا مش عارف مين حضرتك بيسلم عليك و كده يعني و بيقولي التاني اللي أشتغل معايا بيعمل كده بس مش قوي علشان هو كارهه الرجل ده علشان كلمه في موضوع أول أما أشتغلنا ضايق زميلي ده
هو قالي أنا عارف أنك مش هتعمل كده و حتي لو عاوز تعمل كده مش هتعرف بس أنا بقولك علشان متكنش زيي حاول تبقي تتطلع للرجل ده
.
أنا كنت بين نارين سعي جدا بكلامه إني أحسن واحد من الناس الجديدة و الناس الحمد لله حاسة بكده بس كنت بتقطع علشان مش هأعرف أعمل كده مش عارف هأقدر أستمر في الشغل إزاي
أنا نفسي في شغل محترم يا جدعان مش هأقدر علي كده
أو أدعو لي إني أكون لامؤاخذه علشان أقدر أعيش و أستمر في الشغل ده
مش عارف بجد أعمل أية
.
أنا و الله يا شباب باكون صاحي من النوم مش طايق أقوم و مش عاوز أروح الشغل من القرف اللي فيه حتي لو نمت عشرين ساعة مش بأقوم فايق لأني نسيا مش مرتاح و مش عارف أعمل أية
أففففففففففففففففف
أستغفر الله العظيم
.
لقطة بهجة
انا و أنا رايح الشغل يا شباب الصبح بأكون علي الطريق الدائري و بشوف بقايا الأراضي الزراعية التي هربت من التجريف و لكنها لن تهرب منه طويلا و كأنه الموت و القدر في منطقة جميلة باعدي عليها النهاردة كان شكلها رائع وساحر كان هناك طبقة من الشبورة فوق الزرع و يطلع منها شجيرات و أشجار و كأنها سبحان الله الجنة علي الأرض و الشمس حاجة جميلة و لكني للأسف غير مستمتع بها لأني أعرف أنها لن تستمر و لن أراها و لأنني ذاهب إلي الشغل و مافيه
.
كلنا بلاوي
كنت بأشرب سيجارة في الحمام في الشغل لأن مش كل الناس تعرف إني بدأت أدخن هبل علي كبر بعيد عنكم المهم في أتنين تلاتة يعرفوا المهم رجعت لاقيت واحد منهم بيتكلم عن أية برنامج هزي يا نواعم و بسم الله ماشاء الله المحروسة اللي كسبت كسبت كم سبعين ألف دولار يا ربي بتتعب بجد
.
و حكي لي عن العبقري ظاظا اللي بيعلمهم الرقص أستفزني جدا الموضوع ده و أستفزني أني أفتكرت أنه صديقي ده كان كل أسبوع بيقعد يكلمنا شوية عن البرنامج ده أنفجرت فيه قلتله يابني حرام عليك أنك تتفرج علي البرنامج ده أنت كده بتديه أهمية و تخلي الناس بتعمل برامج تانية مشابهة ليه قالي يا عم هو أنا باتصل و لا بأصوت قلتله كفاية أنك بتتفرج عليه قالي اللي يشوفك بتتكلم كده ميشوفكش جاي منين انا أتحرجت بصراحة و كمان أفتكرت كل الذنوب و البلاوي اللي بعملها عرفت إننا فعلا كلنا بلاوي و مذنبين و مش بنعمل حاجة مش فالحين في غير إننا نمثل إننا بتوع ربنا و خلاص
.
المهم في أتنين تانين حكوا لنا النهاردة مش عارف النهاردة كان ألعاب في الشغل حكوا لنا مواقفهم القذرة قبل الزواج و عما كانوا يفعلوه واحد منهم حكي أنه كان القطر مرة و أتعرف علي واحدة أرملة و كان بيكلمه بعد كده في التليفون و بعد شهر من تعرفه عليها عمل معها حاجات مش كويسة في ميكروباص الغريب أنه لما كان بتصل بها كان أبنها واخدين بالكم أبنها بيقوله بتصلي
.
مش فاهم الناس دي عايشة إزاي الواد ده بحبه قوي طبعا قرفت من أهله أصلا انا مش بأقول إني ملاك بس متوصلش للدرجة دي خالص يعني الحمد لله مستحيل يعني المهم الحوار جابنا و أتكلمنا علي الناس اللي عندنا في الشغل و بتتفرج علي الأوربي يعني و نتخيل مرة بنته تتدخل عليه و تشوف لقطة كده و لا كده نتوقع من بنته دي أية و كمان الواد ده كان عمل اللي عمله مع أرملة جه في دماغي نظرتنا السيئة للأرملة و المطلقة و إننا حتي مش بنشجع الرجالة علي الزواج منهم من الأخر وصلت لحاجة مهمة جدا إننا فعلا اللي بنعمل كده في أنفسنا و الفساد و قلة الأدب و البلطجة سببها إحنا كلنا بلا أستثناء كلنا مدانين
.
المهم و أنا راجع من الشغل كمان خطرت علي بالي كم موقف كده يعني أخواتي البنات المصريات اللي عملوا مظاهرة علشان تامر حسني هرب من التجنيد و الدفاع عن بلده بصرف النظر عن اللي بيحصل في الجيش يعني و رعبي إن أدخله عملوا اية لما واحد مدون أتقبض عليه و لا واحد أضرب في مظاهرة و لا أتعذب في السجن علشان يخلي البلد تعيش في العدل و الحق
.
جه علي بالي أقولها متزعليش يا أختي لو حد اتحرش بك في الشارع لأنك موقفتيش جنب اللي حاول يدافع عن شرفك و عرضك و و قفتي جنب اللي بيهز و لا مؤاخذه و اللي هرب من الدفاع عن أرض بلده
.
و هأقول لأمهاتي متزعلوش لو واحدة من بناتكم أنتهكت في الشارع لأنكم معملتوش حاجة غير مصمصة الشفايف للي وقف قدام الظلم و قعدتي حضرتك تتفرجي علي الساعة العاشرة بعد المسلسل العربي و نمتي و لا علي بالك
.
و هأقول لأبائي و اخواني متزعلوش لو حد من ولادكم طلع بيشرب مخدرات و لا بانجو علشان أنت سمعت الأغاني اللي بتحيي المخدرات و البانجو و العنب و متزعلش علي بنتك لو عملت حاجة غلط علشان كانت بتشوفك و أنت بتتفرج علي الأوربي يعني انت بتعمل حاجة مش غلط أكيد علشان أنت أبوهم هي و هو لازم تقلدك
.
و هأقول لنا كلنا متزعلوش لو جعنا بعد كده و مش لاقيين حد يأكلنا علشان شفنا أهلنا في غزة جعانين و مش لاقيين الدوا و سكتنا و سيبكم بقة من فتح المعبر و الكلام ده الناس الجعانة هي اللي فتحت السور بالقوة مش عاوز حد يضحك عليكم يعني لأن الجوع يصنع المعجزات
.
و أقسم لكم أننا جميعا سوف نشعر بما أقول أنتم أو من في ظهوركم و أصلابكم و سوف يلعنونكم علي سكوتكم ضد الظلم و ليس سكوتكم فقط و لكن تشجيعكم له و محدش منكم مش مذنب
.
و أخيرا أقسم لكم أيضا أن النصر قادم لا محالة و سيكون من مصر لأن مصر هي بلد الشجاعة و النصر عفوا لكل إخواني العرب و المسلمين النصر فعلا لا يبدأ غير من مصر لكن أدعو الله أن أكون ممن يعيشوا هذا النصر و يشاركوا فيه بأي صورة و لو حتي بكلمة حتي يسقط من علي ظهري الذنب و الأثم الذي أشارك به الأن
مش عارف أية الرغي الكتير ده
الناس كلها قالبة المدونات صحافة و كل من هب و دب بيتكلم مجتش علي يعني
:)
كفاية كده

8 comments:

رفقة عمر said...

السلام عليكم
بالنسبه لموضوع الشغل
تذكر قوله تعالى ومن يتق الله يجعل له مخرجا ويرزقه من حيث لا يحتسب
ربنا معاك ويوفقك اللهم امين
وبقيه البوست كلامك كله صح وفعلا علشان نكون كويسين لازم نصلح من انفسنا ومانكونشى عندنا ازدواجيه فى التصرفات والمعتقدات
على فكرة اول تعليق ليا
بعد رجوعى

No Fear said...

السلام عليكم
حمد لله علي السلامة
أتشرف إنك تعلقي عندي أول تعليق بعد العودة
الحمد لله الواحد عارف و متأكد من ده بس أنت عارفة إحنا بشر و النماذج اللي حوالينا تقلق قوي خصوصا من ناحية الشغل
ربنا يكرم
الواحد بيجتهد و بيحاول علي قد ما يقدر
ياريت نبدأ نتغير فعلا
ربنا يهدينا جميعا

Anonymous said...

اهم حاجة انك بتراعى ربنا فى عملك غير كده ميهمكش حاجة وكن على يقين انك مدام مراعى الله فاى حاجة هتحصل ولو كانت فى نظرك وقتها شر فهى خير وعسى ان تكرهوا شيئا وهو خيرا لكم وكما ذكرت رفقة عمر ومن يتق الله يجعل له مخرجا

No Fear said...

hend
السلام عليكم
الحمد لله بأجتهد و الله في الشغل بس ساعات مش بيكون في شغل أساسا و ده بيقتلني و مش عارف أعمل أية
الحمد لله علي كل شئ
منورة

mesh2dra said...

السلام عليكم

من كتر الكلام اللي عاوزة اعلق بيه
مش عارفة اعلق بولا كمة

بس اللي حعرف اقوله
انك تعمل اللي يرضي ضميرك
دينك وضميرك ومبادئك
عشان تستريح من الناحية النفسية
ومتجيش تلوم نفسك او تزعل منها في المستقبل

البوست ده تعبني

سلاماتي

wael said...

كلامك كله صح بضم صوتي المتواضع لصوتك
وياراجل اتكلم مهو كله بيتكلم

No Fear said...

مش قادرة
السلام عليكم
و الله أنا دخلت عندك و معرفتش أعلق و اقول أية علي أخر بوست بس كويس أنك دخلتي و علقتي
قولي ايرب أقدر اكمل علي اللي أنا فيه
انا أسف إني تعبتك
بجد أنا كمان تعبت نفسي بس مش عارف أعمل أية؟
منورة

No Fear said...

وائل
السلام عليكم
أنا سعيد بتشريفك هنا كان نفسي يكون بوست قصير بس أنت حظك جه كده
هات صوتك جنب صوتي و نعمل صوت كبير و لا حد هيسمعه بردوا
انا بتكلم أهوة شايفني خرست يعني
:)