Saturday, April 21, 2007

بوست مش كئيب عاطفيا كئيب مصريا
السلام عليكم و رحمة الله و بركاته
بالرغم من خروجي بدرجة كبيرة جدا من الحالة اللي كنت فيها و ممكن أمخمخ في بوست علشان أقولكم إزاي خرجت من الحالة بس للأسف لما خرجت من كأبة العاطفة لاقيت كأبة من نوع أخر
للأسف شفت حلقة من حلقات البرنامج عن التعذيب في مصر سمعت فيه كلمة طلعت من واحد علي قدر متوسط من التعليم و المستوي زي كتير مننا
قال كلمة حسيت إنها بتتردد في دماغي زي الصدي اللي الواحد بيسمعه في الأفلام الرجل قال
مصر مبقتيش بتاعتنا
حسيت بالكلمة دي قوي حسيت إنها طالعة مني شخصيا و حسيت إن نفسي أقولها بصوت عالي
مش عاوز حد يقلي بقي البلد دي لو مهما حصل مش هنسيبها هنفضل وراهم لحد أما يتعدل حالها
أنا شايف خلاص أنه مفيش أمل (أو مفيش أفل علي رأي زعيم الأمة اللمبي مستنين أية من بلد العلماء فيها بتخرج و الناس مشغولة بالرياضة و الحوادث و سيرة الناس أكتر من حال بلدهم و أصًبحت الحوادث الفتاكة زي المياه و الأكل يعني تسعين واحد ماتوا النهاردة اللي من حوادث علشان سرقة و علشان بلطجة و علشان شكلهم معجيش و النهاردة كمان يا عشر بنات بس أغتصبوا و تلات ولاد في سن السابعة هتك عرضهم بس ده أمبارح مش عارف كانوا كم و النتيجة مصمص ياعم شفايفك و أتفرجت علي العاشرة أمبارح شفت مش عارف مين سرق كم و مين حط أية في أية و لا تسعين دقيقة شفت جابوا أبو الواد اللي و لا البيت بيتك ده بقة بيجيب حاجات جامدة و عديت علي كم محطة علي الأوربي عجب مش عاوز أقلك
هو ده شعبنا يا سادة
شعب كان فيه أتنين جالهم سكتة قلبية علشان الزمالك طلع من بطولة أفريقيا و وراها بطولة العرب و لا تهتز منه شعرة علشان 170 قتيل في العراق و خمسين في فلسطين و جوع في الصومال فين الأمل
مش عارف
بس لاقيت بردو حتو نور من بعيييييييييييييييييييد لاقيتها جاية من أمريكا بس للأسف أنطفأت قبل أما توصل
النقطة دي أسمها وليد شعلان المهندس اللي أستشهد في الجامعة في أمريكا و هو حاول يوقف المجرم و أنقذ زميله من القتل
بس للأسف ربنا لم يكمل فرحتنا به
لحكمة لا يعلمها غير الله
ليه كده كل ده بيحصل مش عارف
يارب أرحمنا برحمتك

6 comments:

FATMA said...

انا لما شوفته قلبي وجعني

مـحـمـد مـفـيـد said...

حمد لله علي السلام
والله علي الوجع

No Fear said...

السلام عليكم

توتة توتة
المشكلة لما قلبك وجعك عملتي أية
أو حتي فكرتي تعملي أية
للأسف مفيش

محمد مفيد
الله يسلمك بس أنا مكنتش غايب يعني ده الفترة اللي فاتت دي كنت موجود علي طوووول
أمتي هيروح الوجع ؟

Unknown said...

أنا مش هقولك احنا وراهم لحد مامصر تتعدل.
أنا بس هقولك مصر ذنبها ايه نسيبها يبهدلوها كده.
بالنسبه للكوره الموضوع مش كده, الشعب قال بلاش سياسه وحط همه كله في الكوره يعني هي اللي بتفرحهم وهي الحاجه الوحيده اللي بينتصرو فيها, حب الناس للكوره مش أكتر من قناع.

Anonymous said...

السلام عليكم

والله فاضل شوية
صغنتتين من الامل
وبعد كده الواحد
حيتجنن
بجد ربنا يستر

بس العيب مش في الحكومة
ولا في البلد
بس

لا العيبب في الشعب
الانسان هو السبب في هلاكه
غش وخداع ونفاق ورياء

طبيعي يكون ده حالنا
غضب من عند ربنا

ربنا يسترها

elgharep said...

أنا برضه شفت الحلقة بجزئيها وعجبتنى جدا
خصوصا لأنها أد أيه بتعرينا قدام نفسينا وبتوضح أد أيه الشعب مسحوق تحت الألة ألأمنية لوزارة الداخلية