Friday, April 06, 2007

السلام عليكم و رحمة الله و بركاته
أزيكم يا شباب يارب تكونوا كلكم بخير
النهاردة يوم مهم النهاردة اليوم اللي كل الناس بتعمل فيه حاجات كتيرة لزوم التلميع الإعلامي
مش مهم ده معايا
.
عاوز النهاردة أقولكم لازم كلنا نبدأ من النهاردة مساعدة المحتاجين بصراحة أنا أول مرة هأشارك النهاردة في حاجة زي دي مش عارف بردوا هتيجي لي الشجاعة و أروح و لا هأتحجج و أرجع في أخر لحظة
أنا مبدئيا مش بحب أسم اليوم ده و مش عارف الأقي له أسم و اللي يعرف ياريت يقول عليه و مبدئيا مخنوق أنه يوم واحد و نفسي يكون كل يوم
علشان فعلا الواحد قبل أما يدخل السعادة و الإحساس أنه الأيتام دول مش لوحدهم بيحس هو شخصيا براحة من عند ربنا أكبر
ياريت ميكنش يوم و ياريت نساعد في تعليمهم و تربيتهم و ياريت اللي عنده أسلوب علمي للتعامل معهم و الإجابة علي ٍأسئلة الأيتام و اللي مش معروف لهم أباء يشرح الطريقة دي و إزاي نرد علي أسئلتهم بدون كذب و بدون ما نسبب لهم ألم
.
و كمان الناس اللي بتعمل حاجة غلط و تصلح الغلط بغلط و ترمي ولادها قدام جامع و لا ملجأ و لا كنيسة ربنا يهديهم و يقلوا علشان هم مش هيخلصوا
.
ربنا يكرمنا جميعا و نكون كلنا في عون بعض عند الحاجة
و يارب ناخد العظة و العبرة من الأولاد دول و نعرف أن الخير اللي بنعمله هو اللي بس هيفضل لنا و هيعود علينا

3 comments:

smraa alnil said...

عارف

كان نفسي كلنا نتقابل النهاردة ونروح
بس مش حبيت انه يكون يوم مناسبة عشان نروح
لاني سمعت جملة من واحدة دائمة الزيارة للدارت دي
ان الاطفال بيقولوا احنا بنحس اننا قرود ودول جاين يزورونا يرمولنا السوداني وخلاص

مش حابة الاحساس دة
ان اي طفل يحس اننا جاين عشان يوم في السنة

ايه يوم اليتيم دة
اسم سخيف لا يمثل اي شئ

يوم الطفولة
ليه فرقوا بينهم وبين الاطفال
يفرق ايه يوم اليتيم عن يوم الطفولة

ولا عيد الطفولة

كرهت تخصيص يوم عشان نطلع فيه مشاعرنا

بس ربنا يقدرك لفعل الخير يا محمد يارب

lost said...

ana kman 3mry m3mlt 7ga llaytam w nfsy as3dhm inshllh rbna y2drny w a3ml kda ana m3a smra lazm mngr7sh msha3rhm w n7sshm enhm msh mkhtlfen 3nna aw 3n elatfal eltanyin

No Fear said...

السلام عليكم

سمرا
منورني
أنا معاكي و صاحبتك عندها حق
بس أنا كان نفسي يكون النهاردة البداية يعني و الحمد لله كان عندي الشجاعة و رحت و كانوا ثلاثث ساعات حلوين و مقلكيش علي الإكتئاب

Lost
منورني
أي حد في أيده يعمل أي حاجة ياريت يعملها