Monday, September 03, 2007

السلام عليكم و رحمه الله و بركاته
أزيكم يا شباب أخباركم أية؟
يارب تكونوا بخير
كنت هأضيع منكم يا شباب تخيلوا
بس الحمد لله
.
حكيت لكم اللقاء بالمدونين السابق من حظي الحلو قابلتهم تاني او مجموعة منهم مع ناس تانية جديدة يوم السبت بردوا الساعة 1 حكينا و أتغدينا و دخلنا سينما تاني بناءا علي رغبة واحدة عسولة كانت معانا مش عارف في ناس أتضايقت إن أنا قلت عليها المرة اللي فاتت فانا مش هأقول قابلت مين بس أكيد هم هيعرفوا إن أنا بتكلم عنهم يعني
المهم بردوا عبده الصامت اللي هو أنا خنقهم كالعادة ده حتي لما بأتكلم مش بيسمعوني و أية أية بتقول أية بس الحمد لله هم كانوا كتير و كانوا فايقين و أول مرة معظمهم يقابلوا بعض فمحدش أتخنق مني قوي يعني
.
المهم كان معانا زي ما قلتلكم واحدة صغيرة عسولة لها شخصيتها أنا أتخيلها محامية بصراحة تخلي القاضي يترهب منها الحقيقة و هي اللي دخلتنا الفيلم اللي دخلناه الغريب إن كلنا بعد الفيلم يعني قلنا الحمد لله إننا خرجنا من السينما بس هي كانت فرحانة و زعلت إننا خلاص هنروح
و قعدت تحكيلي عن شوية نكت عسل
.
و كمان كان معانا واحد تمام جدا مسرحي هو يعني أنا حبيته جدا و هو شخصية غريبة دماغه كبييييييرة جدا جدا
أنا مش عارف أحكي براحتي عن اللقاء ده خايف حد ميكنش بيحب أقول أسمه و لا هو مين
المهم كان يوم حلو قوي كمان
.
بس بصراحة قبل أما أقابلهم بخمس دقايق مش عارف ليه محسيتش براحة زي يوم ما كنت رايح أول يوم في الشغل اللي أنا فيه ده حسيت بعدم راحة و فعلا صراحة في بعض حاجات معجبتنيش في اللقاء ده محدش يسألني عليها علشان مش هأقووووول
بس بردوا مجمله كان راااااااااااااااائع
.
مفيش فعلا حاجة كاملة بس بردوا مش هأقول
و كمان أتقابلت مع صاحب البوابة ده هأقول عليه علشان هو بلطجي مش فارقة معه
ياله و المسرحي ده فاوست
مش فارقة و اللي بيخاف يروح
بس و اليوم خلص و روحت و نمتتتتتتتتت
و شغل
.
و بعدين رجعت لاقيت إيميل من مدون رهيييييييب علي إتفاق إننا نتقابل يوم الأتنين أيوة النهاردة يعني
قابلت النهاردة يا جدعان محمد مفيد تخيلوا مش ممكن و كمان منذر و كمان صاحب البوابة تاني محسسيني أنه مفيش غيره ده أنا خايف أفتح الدولاب الأقيه ماسك كتاب و قاعد لي
.
أنا هأخلي البوست ده حكاية عامة عن اللقاءات علشان مش هينفع أقول كل اللي فيها مرة و احدة
المهم مجمل اللقائين دول لاقيت نفسي كنت خلاص هأشت و فكرت أعمل تقسيم للمدونة و أعمل عناوبن و و أعمل مدونات تانية و حاجات من الهبل و الخزعبلات دي بس الحمد لله ظبطت نفسي
كنت خلاص فعلا هأروح منكم
بس عرفت الحل
.
شغلت فولدر الشعبيات و الحاجات اللي قلبكم يحبها علشان أعرف أكتب البوست ده من الأخ عماد بعرورو سعد الصغنن و المرحوم رمضان البرنس و ناس مجهولة تانية
.
هو هو هو العنب مقطع من أغنية العنب
.
أصل بجد يا جدعان كلامهم غريب الحل البديل و اليسار و إنطباعات و صفصطة فارغة و حاجات كده من يعني ميكلش معايا خالص الحمد لله رجعت علي طووووول
المهم لو حسيتوا إن هاتغير فكروني بنفسي و النبي علشان الناس دي تأثيرها جامد قوي و ربكم و الحق يعني نفسي يغيروني بس هأوحش نفسي قوي لو أتغيرت و الكأبة شكلها هتمشي و طبعا هأكتئب علشان الكأبة هتسيبني
بس في داهية يعني
.
الأخ صاحب البوابة شكله حطني في دماغه و مش هأيسبني
.
انا عاوز أقوله بس أنت جميل قوي بس بتحلم جامد قوي خايف عليك مش منهم خايف أنك تصطدم بالواقع و يارب أكون أنا اللي غلط بس بردوا خايف عليك و ربنا يوفقك و أنا معاك يا زعيم
.
العجيب بقة أن كل الناس اللي قابليتني الحمد لله مش مصدقة إن أنا اللي علي البلوج هنا لذلك أنصحكم محدش من اللي بيحبني هنا لو في يعني يقابلني علشان ميتخنقش

حول العالم
أنا نفسي اعمل ملف يا نهار أسود ملف انا لسه متعدلتيش الله يسامحك يا صاحب البوابة و لا أية عن أغاني الميكروبازات الحقيقة نفسي حد ياخد الفكرة دي و يعملها حاجات خزعبلية
.
الأهلي أةةةةةةةةة كسب
الزمالك أةةةةةةة مشاكل
مش عارف أحمد فتحي ده الزمالك بيقرصه و لا أية مش عاوز يجي ليه مادام ما هو في الشارع كده
.
الواد محمد زيدان جاب حتة جون في أوليفر كان حكاية
كنت هأطير من الفرح لما عرفت إن ريبيري أسلم و أسمه بلال ريبيري لسه في أمل الحمد لله
.
خبر شؤم كنتاكي اللي في التحرير قلبها صابون خلاص يعني محدش يتقابل هناك تاني هئ هئ هئ
انا كنت فاكر بتوع الكشري بس اللي بيعملوا كده اتضح أنه حتي كنتاكي
.
مش عارف مين الحاقدين اللي طلعوا إشاعة موت الرئيس الحاقدين
هو في رئيس بيموت يا جهلة
.
أنا من يومين كده مش بقرا الجرايد بإنتظام بس باقرا كل العناوين اللي في جرنال الأخبار من اللي بيركب قدامي في عربية الشغل في أيامك يا مترو حلوان المهم عاملين ملفات كل يوم مرة اللحمة الحمرا غالية و مرة الفراخ غالية و مرة الخضار كل بقي مجنون مش الطماطم بس مش عارف هناكل أية
.
اة
هو البوست بيكبر ليه كده
.
بما اني من رواد الطريق الدائري كل يوم بالأقي ناس بتبور الأراضي الزراعية بطريقة مهولة في اراضي تانية في حتة تانية في أي مكان في العالم يعني ممكن نروح نتسنكح و نبلطج عليهم و ناكل أكلهم و لا العالم كله زينا كده بيبور الأراضي و هنجوع كلنا إن شاء الله
.
و أخيرا مش عاوز أقول لكم اغنية عمرو دياب خليك معايا علي الدائري ليها إحساس تاني خالص غير اللي أنتم بتحسوه خالص خصوصا مع سواق يا عم أهدي مش عاوزين نروح الشغل بدري بس أبدا
خلاص بقة كفاية علشان أنا صدعت الحقيقة
.
يادي النيلة
خلاص أخر حاجة

أنا من ساعة أم الكابتشينو ده حاسس إني دماغي مشدودة لورا مش عارف ليه عاوز انام و أرتااااااح شوية
ربنا يستر
تصبحوا علي خييييييييييييييير

19 comments:

مـحـمـد مـفـيـد said...

محمد
بجد أنت أنسان جميل وهادئ جدا جدا
وغير ما توقعتك خالص
احنا مش بنتقابل كمدونين
لاء احنا اخوات واصدقاء
انا ومصطفي ومنذر نعرف بعض من فتره فواخدين علي بعض
وانت كمان ان شاء الله هتندمج معانا وبعدها يا عم محدش هيعرف يكلمك

بجد شرفت جدا جدا بمعرفه شخص جميل ورائع هادئ جدا مثلك يا محمد والي لقاءت أخري سويا يا حبيبي
ولكن لابد من توضح أنطباعك عن كل شخص فينا

smraa alnil said...

هههههههههههههههههههههههههههه
ههههههههههههههههههههههه

تصدق ان الكابتشينو برضه من ساعه ما شربته وهو عاملي دماغ
ودايما عايزة ارجع
هههههههههههههههه

بص يا محمد

احنا بعد كدة لما نتقابل مش نجيب زي بعض
مش ملاحظ ان اي حاجة نجيبها نبقي زي بعض فيها

وبعدين يا بيه انا اسمي ليه مش موجود في ام البوست دة

دةانا اولعلك فيه

انا يبقي في بوست ومش يبقي فيه سمراء النيل
يا نهار اثوت

بس عارف
البنت العسولة دي كانت اكتر دماغ
مش عارف مين بيتكلم عن الحكم واللي بيتكلم عن الافلام والسينما
واللي بيتكلم عن الاخوان

انت بقي اخدتها من قاصرها وسمعت نكت
هههههههههههههههههه

البوست دة يحصل فيه تعديل واسمي يتكتب بالبنط العريض
انا بس مش كت عارفة اعلق الفترة الي فاتت عندك لان انت كنت عارف نفسيتي

واعمل حابك علي السبت الجاي مش كل شوية هتصل بيك وابعتلك رسايل
وارثة انا يعني ولا ايه

بس صحيح هنتقابل ادام كنتاكي ازاي بعد كدة

سلام يا عسولة

dr.Roufy said...

دي اول زيارة لمدونتك..
بس بجد مدونة جميلة ..وبوست رائع
تحياااااااتي

dr.Roufy said...
This comment has been removed by the author.
mariam said...

ماشى يا عم على اللقاءات
كويس بجد انك بتقابل ناس جميله كده
مع انى فعلا زعلانه منك و كنت مش ناويع اعلق
علشان سوء النيه
بس يلا ما علينا
شوف تعليقى على البوست اللى فات

حــكــايــة said...

مقضيها انت مقابلات يا محمد :)
انا مش باحسد يا سيدى , انا باقر بس



خلاص , لا هاحسد ولا اقر اهه , ربنا يكرمك و علاطول تكون مبسوط كدا

انا اولا البوست اللى فات معلقتش عليه لعدة اسباب هيطلعوا كلهم فى الآخر سبب واحد .. ما علينا

المهم يعنى انى ساعتها فى الطبيعى كنت مخنوقة , قريت كلامك قمت رحت على مدونة سمراء قريت اللى هى كاتباه اكتأبت أكتر و مردتش فى اى جهة و حتى اتقرفت من المدونة بتاعتى و قلبت حالة قرف من الدنيا كلها

كفاية رغى بئا

المهم يعنى اكيد موضوع الدوشة اللى الكابتشينو عاملهالك دى هتروح ان شاء الله , مفيش حاجة بتفضل

و ربنا يحبب فيك الناس كمان و كمان
حسيت انى ام معرفش ليه

ما علينا تانى بردو

سلام يا استاذ محمد نو فير
كل سنة و انت طيب :)

صاحب البوابــة said...

كمان أتقابلت مع صاحب البوابة ده هأقول عليه علشان هو بلطجي مش فارقة معه

----------

كمان صاحب البوابة تاني محسسيني أنه مفيش غيره ده أنا خايف أفتح الدولاب الأقيه ماسك كتاب و قاعد لي.

-----------

الأخ صاحب البوابة شكله حطني في دماغه و مش هأيسبني.

-----------

حطيتك في دماغي بس ؟؟؟

ده أنا هدبحك يا محمد

بس لما أشوفك

:)

والله العظيم أنا سعدت بمعرفتك فعلاً

وسعدت بالحديث معك في اللقاءين

حقاً تشرفت بالتعرف عليك

تحياتي عزيزي

Monzer said...

أنا اليوم ده راجع
بقول لمحمد مفيد انه كان يوم رائع
وطبعاشكرت فيك جدا
فعلا انا مبسوط انى عرفت إنسان مثلك

بس مش عارف حاسس ان واحد غيرك هو الى كاتب البوست :)) زي ما كانوا بيقولوا
وهيده حلاوة التدوين طلعت المواهب بتاعتك يا حلو

ىه صحيح فين الصور الى قعدنا ساعة نصور فيها وطلع بطنك جوه وخرج بطنك بره
هتلاقى الميل فى البلوج

وانت كده
شؤردت للحسينى فى كل حته
هو بصراحة يستاهل :))))
بس ده بينى وبينك، ماتقولوش

تحياتى العطرة ليك ولكل الناس الحلوة

رفقة عمر said...

مبسوطه انك سعيد
ربنا يفرحك كمان وكمان
وتتعرف على ناس كتير
وتعمل لقاءات كتير

No Fear said...

محمد مفيد
السلام عليكم
ربنا يكرمك ده من ذوقك بس
و زي ما بيقولوا تحت السواهي دواهي حرص مني
أنا فعلا أعتبرتكم أصدقائي و أخواتي بالرغم من إنها أول مرة نتقابل و يارب متكنش الأخيرة
يارب أندمج بسرعة علشان أنتم الجو ما بينكم رائع الحقيقة
ربنا يوفقكم و نفضل كلنا أصدقاء و أخوات علي طول
انا أتشرفت بمقابلتكم و يارب يارب يارب متكنش أخر مرة
مينفعش الأدني يقول أنطباع علي الأعلي
انتم شايفين أنه ممكن يجي مني
يارب

No Fear said...

سمرا نيل العسل
تصدقي أنا نسيت الكابتشينو ده أنا كنت بتكلم علي التاني مش بتاع الشنبة بمناسبة التاني ده الله يسامحك أنا كنت نسيته
اععععععع
أنا بردوا بقول كده بس المشكلة إننا بنجيب أسهل حاجة في المنيو مش عارف نعمل اية
أومال لو جبنا الصعب هنعمل فيه أية
يا فندم أنا اعملك بوست مخصوص بالجزر و اللاتزانيا يعني مش أضيفك علي البوست المتواضع ده
كفاية عليكم كده ثلاثة أسابيع ورا بعض تتعبوا مني مش هأقدر الحقيقة
بس بجد شكرا علي أنك عرفتيني بالناس الجامدة دي
بس نفسي مرة أتكلم مع طارق سيبيه شوية حرام عليكي
:)

No Fear said...

dr roufy
السلام عليكم
منورة المدونة
يارب متكنش أخر مرة
أنا أتشرف بزيارتك و كلامك الجميل
كل سنة و أنت طيبة

No Fear said...

مانو
السلام عليكم
و الله أنا بهرج و بجد و الله انا الناس اللي زيك كده فعلا أنا اللي أخسر لو أزعل منهم
و أنا أسف
بس أزاي تفكري متدخليش هنا ماشي ماشي
أنت متقدريش ألا متدخليش السحر اللي في المدونة هنا هيشدك تاني
:))
بجد متزعليش
إحنا في أيام مفترجة

No Fear said...

حكاية
السلام عليكم
و الله فعلا الدنيا مش مستاهلة كأبة و حزن
بس هنعمل أية هو ده الإنسان
علي العموم الحمد لله علي كل حاجة
و تقريبا سمرا بقت كويسة عملت بوست ريحته و حشه
:)
في حاجة انت بتقولي
حسيت انى ام معرفش ليه
أم صح
مش فاهم معني الكلام الحقيقة ياريت التوضيح
كل سنة و أنت طيبة و بخير

No Fear said...

صاحب البوابة
السلام عليكم
حبيبي
أزيك أخبارك أية
أنت متقدرش تدبح فرخة
انت هتمثل
أوعي يغرك جسمك
انا و الله كمان أتشرفت بمعرفتكم جميعا و يارب نكون أصدقاء و أخوات علي طول
أية أخبار أبناء مصر
:)

No Fear said...

منذر
السلام عليكم
أخيرا دخلت عندي يا وحش
منور و الله
أكيد طبعا مش أنا اللي قابلتكم
:)
و الله أنا أتشرفت بمعرفتكم و ياريت تقبلوني أخ و صديق بينكم
بمناسبة الصور هأبعتها حالا إن شاء الله

No Fear said...

رفقة العمر
السلام عليكم
و الله دايما بتحرجيني بكلامك المحترم الجميل
و الله أنا كمان أتشرف بمعرفتك فعلا
و لولا إني عارف لو قلتلك تعالي في لقائتنا حاسس أنك مش هتوافقي
كنت قلتلك تعالي
بجد ناس جميلة و محترمة قوي
بس علشان الحق مفيش إنسان كامل يعني
صحيح ممكن تيجي

مـحـمـد مـفـيـد said...

حبيبي محمد
مفيش حاجه بيننا أسمها مقام ادني ومقام اعلي
فكلنا أخوه ونكمل بعضا البعض
انت رائع ومحترم وهادئ جدا جدا
ودي كانت مفأجاه
احنا بنتقابل كأصدقاء
وعلي فكره امبارح كنت مع منذر ومصطفي
وخلاص الناس دي حطيتك في دماغهم
انا بقولك أهو بيني وبينك
حرًص من الاتنين دول علشان دول لما تطلب معاهم شر اوعي
:)
أنا مش قولت لك حاجه
خليها في سرك
بجد سعدت بك جدا جدا وبمعرفتك الكريمه

No Fear said...

أخي محمد مفيد
السلام عليكم
يا عم ميهمكش أنا قدهم
و خصوصا منذر مدونته تقلق ربك و الحق و كمان مصطفي انا عارف أخريتي معهم أية بس و لا يهمك
بس انا زعلان منكم تتقابلوا من غيري خيانة دي
ماشي ماشي