Tuesday, August 14, 2007

السلام عليكم و رحمة الله
شكرا يا رفقتي لو تسمحي لي أقولك كده
علي فكرة بفرح لما حد بيعمل لي تاج بحس إني في دماغ حد
بس الموضوع دع صعب جدا
ياريت بلاش تاجات تاني
بس طبعا شكرا
و ياريت إجابتي تحوذ رضي السادة الزائرين
و لو محذتش عادي يعني
_____________________________________

اسم مدونتك؟
No Fear
لماذا اخترته ..وماهي نيتك من وراء اختياره؟
أنا علاقتي بألأسم ده من زمان قوي كان أخويا أشتري بوستر أسود كده و مكتوب عليه نو فير و لزقته علي دولابي بس و من ساعتها الأسم عجبني قوي بستخدمه في حاجات كتير
هل فكرت في إغلاق مدونتك؟ والسبب؟
ياااه كتير بس في الأول لأنني كنت بأزور ناس كتير في مدونتها الأقي اللي كاتب شعر و اللي كاتب قصص أحسن من نجيب محفوظ و اللي بيحلم حلم كبير و اللي بيكتب في السياسية كأنه مصطفي كامل حسيت إني صغير قوي بالنسبة للناس دي علشان كده فكرت أقفلها بس أنا كنت متعود أصلا أكتب حاجات ظي مذكرات أو يوميات قلت خلاص بدل ما أكتبها علي الورق أكتبها علي النت بالرغم من شعور إنها تافهة بس أهوة علي أمل الحاجة اللي أحبها تبقي تدخل و تقري
صورتك في المدونة ورمزيتها ؟؟
الكابتن الصغير اللي واقف في الشباك مستني فرج ربنا في أي صورة
بحس إن و أنه اللي في الصورة يعني مستنين إي تي فون هوم كده يعني
لماذا دخلت عالم التدوين من الاساس؟
كنت عرفت هذا العالم من الكاتب الكبير محمد حسنين هيكل لما جه في الجزيرة و بعدين عرفت تفاصيله من رنا و هي كانت قالت لي عليه من غير ما أسألها علي فكرة توارد أفكار يعني
جمله قيلت لك فى وصف مدونتك؟
و الله كتير أنا أصلا لما بالأقي حد معلق عندي أصلا بأطير من الفرح
التعليقات بالنسبه لك ,اهميتها؟
أهم من كلامي شخصيا علي فكرة ساعات في ناس بتعلق عندي و تقول كلام عن الموضوع اللي بتكلم فيه أحسن مني
تحس كده بروح تتكلم و ناس ترد عليك

احلى بوست كتبته ...ضع اللينك , ثم اذكر لماذا؟
كلهم أبنائي
حتي البوستات اللي شايف أنها سيئة أو هي فعلا سيئة بردوا بحبها علشان كان لها تأثير في بعد كده و الحمد لله حالتي كويسة و أنا بأجاوب علي التاج ده
و يارب تكون كويسة و في طاعة دايما
أفضل بوست قرأته؟ وضع لينكه؟
و الله كتير قوي
أنا مش عاوز أقول أسامي بس بجد مدونات مانو و سمرا و ساسو تحس أنهم عاليين قوي خصوصا مانو خسارة في صيدلة الحقيقة دي سياسة و اقتصاد خسرتها جامد
أفضل مدونة قرأتها؟
كتيرررررررر
حد قل أدبه فى التعليق إيه رد فعلك؟
الحمد لله لا و يارب دايما
أسوأ مدونة؟
سمعت عن مدونات كتير سيئة بس الحمد لله لم أقع في أي منها
أسوأ بوست أسوأ مدون
الحمد لله مشفتيش و بعدين لو شفت هأغتاب الرجل يعني
هيحصل ايه لإيميلك لما تموت ؟؟
أسألو الهوتميل و الجيميل و ياهوو
اديت الباسوورد لحد قبل كده؟
عمري
في هذه اللحظة حسيت إني جاوبت التاج ده قبل كده بس هأكمل بردوا
كانت إيه طبيعة علاقتك بيه؟
قلنا مفيش
اسمك؟
محمد
المشهور بيه وسط اصحابك؟
أسم العيلة
شخصيتك نوعها إيه؟
تشريد بتشريد
جبان
قليل الأدب مع نفسي
حالم كبير
عمل مفيش
أفكار مؤدبة
أفكار قذرة
السفر بالنسبة لك؟
حلم عمري
وقت فراغك بتعمل فيه إيه؟
نوم
كمبيوتر
رايح جاي في الشقة
المود بتاعك؟
عتيق تحس إني من أيام الهكسوس
الأكلة المفضلة؟
كتير
بس البفتيك أهم
الصفات اللي أخدتها من بابا؟
بعيد عنكم السلبية
الصفات التي أخدتها من ماما ؟
معتقدش في
اكتر ست حاجات بكرهها؟
الخيانة
الظلم
الفقر
بعدي و بعد الناس عن ربنا
التكبر
ضعفي
البنات الجميلة لحد ما أتجوز
الأهلي
اكتر ست حاجات بحبها؟
هي مش حاجات بس بحبهم
ربنا
سيدنا محمد صلي الله عليه و سلم
الإسلام
:
:
:
النجاح
الطموح
الإخلاص
العلاقات الإنسانية الدافئة اللي بأشوفها و نفسي أعيشها
:
:
:
:
الزمالك
عمرو دياب
الشغل بالنسبة لك؟
أهم شئ في الدنيا بس لو شغل حقيقي يارب أجده
الانترنت بالنسبه لك؟
الصداقة حاليا
فيضان معلومات

16 comments:

رفقة عمر said...

الحمد لله اول واحدة اعلق
كل دة انواع شخصيتك طيب نتعامل مع اى واحده فيهم
عجبنى قوى تقضيه وقت فراغك راح جاى فى الشقه كلنا كدة مش تقلق على نفسك دى ظاهره صحيه
رزقك الله لزوجه الصالحه الجميله اللهم امين يارب العالمين
شكرا على قبولك التاج
جزاك الله خيرا

خالد منصور said...

تاج جميل و شخصيتك لذيذة مع انك زملكاوي

No Fear said...

السلام عليكم
رفقة العمر
أنا اللي سعيد إن صاحبة التاج هي أول واحدة تعلق
شكرا جدا
ياريت فعلا تكون صحية
يارب
أنا اللي أشكرك علي التاج
جزاكي الله كل خير
بتحرجيني جدا بذوقك علي فكرة

No Fear said...

السلام عليكم
خالد منصور
منور البلوج
أنا بحب أسم خالد ده جدا للعلم
الحلو ميكملش هنعمل أية الحمد لله
الله يسامحهم
سلام
ياريت متكنش أخر مرة

soha said...

حلوة قوي اسئلة التاج دي و علي فكرة انا زيك برضه بفرح قوي بتعليق الناس ع البوست بتاعي اكتر من فرحتي بكتابتي

No Fear said...

السلام عليكم
منورة يا سهي
خير
و علشان تعرفي فرحتي شوفي جاوبت بعد أما عملتي تعليق بكم ثانية
شكرا علي مرورك و ياريت متكنش أخر مرة

حــكــايــة said...

استاذ محمد

حلوة اجاباتك
و حسيت ان السبب اللى خلاك تعمل مدونة فيه شبه من اللى خلانى بردو اعمل مدونتى
اما تعريفك بشخصيتك
فمفهمتش بصراحة يعنى ايه تشريد بتشريد

و يا راجل , مفيش ولا صفة من مامتك , خالص كدا

و على فكرة بئا , كانوا عاوزين 6 حاجات بس فى الحب و الكره , كان لازم يعنى تزودهم عشان تقول انك بتكره الأهلى :p

لا بجد اجاباتك جميلة و شخصيتك اجمل مع انك شايف غير كدا بس دا رأيى بئا :)

No Fear said...

السلام عليكم
حكاية
مبدئيا بلاش أستاذ دي لو دعابة يبقي ماشي
يعني متفقين كويس
يعني أقصد اللي قلتله بعد كده
ده اللي حاسس بيه
أنا عندي كتير بحب و أكرهه بس كنت بأكتب بدون شعور
للعلم بأكرهه الأهلي زي كرهي لأمريكا بسبب تعاملها مع العرب بالرغم من إنبهاري بها مش بحب التسلط و بسط النفوذ و البلطجة من الأخر و الكلام الكبير علي الفاضي
ده اللي بيخوفني من معرفة الناس علي فضاء شبكة المعلومات الدولية إن الناس مش بتكون ظاهرة قوي
يعني أنا أكييييييييييد لو عرفتيني في الحقيقة هتبقي عاوزة تتخلصي من شكلي أصلا أكيد زي اللي عملت معايا المقابلة كده
:))

smraa alnil said...

والله عملت الجزر

فين انت بقي

اه يا زملكاوي بقي بتحب الزمالك

mariam said...

ايه ده
اسمى مكتوب
شكرا ليك بجد رأيك يشرفنى
و اسعدنى جدا

كان نفسى اعرف رمزية الصوره لأنها عجبانى بس تفسيرك لأنتظار الفرج زاد قيمتها

مين قال ان كتابتك تافهه
لأ بالعكس انت بتعبر عن نفسك
و احنا بنشاركك

No Fear said...

السلام عليكم
سمرا النيل
و الله أنا سعيد جدا بالجزر
ربنا يسهل
بتكون حظوظ للعلم
يارب حظي يكون كويس


الزمالك عندك حق مش هتكلم
الله يسامحهم

No Fear said...

السلام عليكم
مانو
و الله اللي قلته حقيقة
انا اللي حصل لي الشرف

أي خدمة عرفتي رمزية الصورة
أية الكلام الكبير ده بس
تخيلي بقة كمان إي تي ينزل من السما يااااه

و الله كلامك ده بيرفع من روحي المعنوية قوي بس مش هيغير في رأيي في نفسي علشان هي دي الحقيقة
بس مش هنختلف يعني

شكرا لك

علوة said...

من أكتر التاجات اللطيفة اللي قريتها
بجد انا مبعرفش أجامل
صباح الفل يا محمد

ابو صهيب ( الجمعاوي الاصيل)سابقاً said...

جميل جداًالردود بتعتك
مع اني اختلف معاك لانك زملكاوي لكن ربنا يفيد بك وبمدونتك وننتظر من المزيد وادعوك لزيارة مدونتي ميخا
http://miikha.blogspot.com/

No Fear said...

السلام عليكم
علوة باشا
المدونة منورة
و شكلي هتعود عليك هنا
ياريت متحرمناش من الزيارة
سلام يا باشا

No Fear said...

السلام عليكم
الجمعاوي الأصيل
ياسيدي الحمد لله إننا مختلفين في شئ تافهة بس ياريت نكون متفقين في ما هو أهم يارب
شكرا لزيارتك و أنا أتشرف بزيارتك و دعوتك لي