Friday, November 17, 2006

هي حالة القرف دي مالهاش نهاية
طيب ليه حالة الفرح اللي الواحد أحيانا بيقع فيها مش بتستمر
يعني مثلا الشغل مش حابب المجال خالص
الكمبيوتر البرسيسور 3 جيجا و بطئ جدا
النت دي أس إل و بيفصل
مقلش الكبيرة قوي
الأصدقاء
إما مفيش إما مش أصدقاء
الناس اللي في الشارع يا مش لا بسين هدوم يا مكشرين أكتر مني
الجيران زبالة
أية تاني
حال البلد مش هأتكلم عليه
حال الإسلام بردوا مش هتكلم عليه
طيب أهاجر
فين الدولة العبيطة اللي تاخد واحد زي
طيب ندور علي الشيخ أسامة
مش لاقين الشيخ أسامة
طيب نعمل أية
نحلم أدينا بنحلم
طيب نحقق حلم واحد من اللي بنحلمه
قولوا يارب
طيب بلاش و النبي نفكر في الحب الحياة مش ناقصة نكد
هأطلب منكم طلب
لو قبل 3 سنين قلتلكم إني هأحب أو هأتجوز أمانة فكروني بأحلامي
و طموحاتي و قولولي أرجع
دي أمانة
سلام

8 comments:

sarah la tulipe rose said...

ايا نهار ابيض ؟ ايه الكأبةدددددددددددددددددددددددددددي!!
دة الحياة بقي لونها بمبي و الدنيا ربيع و الجو بديع و العيشة فل الفل و المرتبات مكفيانا و عندنا تامين صحي و بنركب مواصلات مكيفة و كراسيها من ريش النعام و عندنا احتياط بترول مغرقنا فبنديه لاسرائيل مدعم!
و الديموقراطية مغرقانا و ايه كمان في احلام اليقظة دي؟
هم عاوزين يوصلونا للحالة دي ماتديهومش الفرصة لازم مانبطلش امل لازم حت لو الدنيا سودة و مهي مش سودة بس الصراحة دة السواد دخل عليه لون كحلي و زيتي لازم برضة غصب عنهم نشوفعا بمبي
هم مين ؟ لا مش بارارنويت هم الي ربنا يستجيب لدعواتي عليهم امين يا رب
الا مين الشيخ اسامة ؟

إنسان || Human said...

اكتئاب وبعدين لو انت عملت كده وغيرك وغيرك وغيرك .هانعمل ايه بقى نقعد نلطم الخدود ونشق الهدوم ......من رأى منكم منكر فاليغيره ....مش لازم بلسانك لكن اهم حاجه من جواك والمهم ماتعملش زيه ............وبعدين لو بطلنا نحلم نموت على رأي الكنج ....صح ضع امامك هدف وابحث داخلك عن ا تلك الفولدرات والأ بشنات الجديده التي لم تكتشف بعد

مـحـمـد مـفـيـد said...

والله كلنا زيك بس لازم يكون الحزن ده
دافع لكي نتحرك وليس لكي نجلس ونضع الايدي علي الخدود ونبكي
هيا نتحرك كلنا لنتخلص من كل ما هو سئ

No Fear said...

2

أجدع واحد في الشارع said...

بص بقا انا زيك بظبط بس قررت انى اغير كل حاجة حلوة او وحشة ابداء من جديد احلم احلام تانية غير اللى كنت بحلم بيها وابدء احقق احلامى الصغيرة وبعدين احلام بحاجة اكبر وهكذا اما الحب فبلاش احسن وانت كده بتفكر صح متزلمش نفسك او تظلم اللى انت هطرتبط بيها معاك غير لما تكون مظبط امورك وايك بتعي يومين اللى كل شاب بيمر بهم ولازم تبقا ضعيف اوى فى اليومين دول هتحس انك من غير اهل ومن غير اصدقاء ومن غير اخوات ومن غير كل حاجة حتحس انك وحيد لحد لما تلاقى حد تتكلام معاه تقوله على اللى جواك ويقولك اعمل كذا وتحس انك لمكش اى لازم مش عارف تعمل ايه ولا تروح فين هى الدنيا كده يا صاحبى صدقنى بس حاول انت انك تكسبها بحلوها وبمرها
اكسب الدنيا تكسب نفسك
وجرب وتقول انا غلط او صح
لو غلط اديك كسبت شرف المحولة
كسبت يبقا الحمد الله
بس اهم حاجة انك تحب نفسك
عشان لو معرفتش تحبها هتبقا ولا حاجة
انا والله مريت بالظروف دى ولسه بمر بيها وان شاء الله هكسب نفسى الاول وبعدين اكسب الدنيا
وكل حاجة هتبقا تمام
يريت مكنش طولت عليكى سلام يا صاحبى

mariam said...

كنت اتمنى ان تكون خرجت من تلك الحاله. كل شىء حولنا اوضاعه سيئة و الحياه زى ما انت شايف. بس هنعمل ايه. مفيش غير الأمل. لازم نتمسك بالأمل و بحقنا فى حياة افضل. و بلاش حكاية الشيخ اسامة دى

حنيــــــن said...

كلامك ماكانش مفاجاه خالص
مش هاقولك ده حال الناس كلها

انا وكل اصحابى بنمر على الاحساس ده من وقت للتانى

وبلاقى احيانا ان كل اللى حواليا محبطين اوى
وده فى حد ذاته مش بيساعد ابدا

بس بحاول بجهد شديد انى اعوم ضد تياره

بيغلبنى اوقات وبغلبه

معنديش كلام كتير اقوله لان حل الحاله دى مش عندى

بس على الاقل ما تستسلمش

على رأى جاهين

أنا دقت من ده ومن ده عجبى
لقيت الصبر مر وبرضه اليأس مر
عجبى

Zika said...

كلامك مش كئيب ..كلامك واقعي
........................
مدونتك فيها مقالات جامده بس
ياريت تبقي تكبر الفونت
وتحط عنوان .لأن كده الارشيف محدش هيعرف يدور منه علي حاجه
او يلاقي فيه حاجه
ده لو عايز تحافظ علي مقالاتك القديمه
تحياتي