السلام عليكم
الحمد لله أنا حاليا أحسن ده للي عاوز يطمن علي حالتي النفسية
معلش أنا قرفتكم معاي الفترة اللي فاتت و اللي متقرفش ممكن يقرا أخر كم بوست و هو يتقرف المهم
في موضوع عاوز أستشيركم فيه أنا أتكلمت فيه قبل كده بس بجد الموضوع ده عقدة بالنسبة لي
هو موضوع الحب أو موضوع الإعجاب ببنت
هأكتبه في نقط و لو حد عنده حل ربنا يكرمه و يقوله
أولا أنا مش بفكر في الجواز خالص دلوقتي
و بما أني مش بفكر في الجواز مش عاوز أفكر في الحب
لكن الغريب إني
بأعجب (دايما مش حب)جدا بأي بنت بسهولة جدا و ممكن يعني أعمل فيلم علي أي حاجة
و أقعد أحب فيها مع نفسي طبعا لحد أما واحدة تانية تظهر
وهكذا
أنا زهقت من نفسي بسبب الموضوع ده و مش عارف أعمل أية
مش عارف أنا قدرت أوصل لكم اللي في نفسي و لا لا
مش عارف أعمل أية
أرجو النصيحة بحاجات واقعية مش عاوز حاجات صعبة و مستحيلة
skip to main |
skip to sidebar
قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ
رقصت على جثث الأسود كلابا
عرفت ليه باحب الفيلم ده
تصويري
About Me
- No Fear
- Cairo, Shoubra, Egypt
- I'm Muslim, Alone,Want to be Good,Try to find true love, i want to change the world to better
قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ
دستورنا
وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآَنَ مَهْجُورًا
أمتنا و أخلاقنا
إنما الأمم الأخلاق ما بقيت
فإن هم ذهبت أخلاقهم ذهبوا
فإن هم ذهبت أخلاقهم ذهبوا
ترك المعاصي
شكوت إلي وكيع سوء حفظي
فأرشدني إلي ترك المعاصي
و أخبرني بان العلم نورا
و نور الله لا يهدي لعاصي
فأرشدني إلي ترك المعاصي
و أخبرني بان العلم نورا
و نور الله لا يهدي لعاصي
و الله العظيم عندي مدونة تانية
بدأت أقراها هتخلص أمتي الله أعلم
الأسود و الكلاب
لا تأسفن على غدر الزمان لطالمـــــا
رقصت على جثث الأسود كلابا
لا تحسبن برقصها تعلو على أسيادها
تبقى الأسود أسوداً والكلاب كلاب
تبقى الأســــــود مخيفة في أسرهـــــا
حتى وان نبحت عليها كــــــــلاب
لا تحسبن برقصها تعلو على أسيادها
تبقى الأسود أسوداً والكلاب كلاب
تبقى الأســــــود مخيفة في أسرهـــــا
حتى وان نبحت عليها كــــــــلاب
تبقى الأسود أسوداً والكلاب كلاب
تبقى الأســــــود مخيفة في أسرهـــــا
حتى وان نبحت عليها كــــــــلاب
تبقى الأســــــود مخيفة في أسرهـــــا
حتى وان نبحت عليها كــــــــلاب
حتى وان نبحت عليها كــــــــلاب
القارئة
Message
عرفت ليه باحب الفيلم ده
الزمالك و بس
Mounir
My Friends
- 01-في الصميم
- 02-Mano
- 03-صاحب البوابة
- 04-Monzer
- 05-RaNa
- 06-Sarah la tulipe rose
- 07-إنسانة
- 08-Saso
- 09-Hend
- 10-البنت الشلبية
- 11-رفقة العمر
- 12-سمراء النيل
- 13-We2am
- 14-جبهة التهييس الشعبية
- 15-esraa
- 16-Metkazy
- 17-Sherehan
- 18-عين ضيقة
- 19-Mazen(Noor)
- 20-Catroz
- 21-Mesh2dra
- 22-في القلب
- 23-Dr Tantawy
- 23-كوشيا
- 25-أنا حرة
- 26-روح
أنا حولت
Nescafe
تصويري
Blog Archive
-
▼
2006
(25)
-
▼
November
(7)
- السلام عليكمأزيكم يا من أتمني تكونوا فعلا أصدقائيم...
- وحدةوحدةوحدةوحدةوحدة وحدةوحدة
- نكد علشان خاطر نورالوحدة من أسوأ الشعور اللي بيراو...
- شكرا م/محمد عبدالمنعم الصاوي علي.......ساقية الصاو...
- السلام عليكمالحمد لله أنا حاليا أحسن ده للي عاوز ي...
- يارب أنا عارف إن كل اللي أنا فيه ده من غضبك علي و ...
- هي حالة القرف دي مالهاش نهايةطيب ليه حالة الفرح ال...
-
▼
November
(7)
13 comments:
اللي إنت بتحكي عنه ده طبيعي جدا يحصلك في المرحلة اللي إنت فيها و أنا حصللي كده برضه لما كنت في نفس المرحلة دي .. المرحلة اللي فيها الواحد بيدخل علي مستقبل جديد وكل حاجة فيه مجهولة .. يا تري هاسلك أنهي طريق في حياتي العملية؟ يا تري البداية اللي أنا فيها هاتوصل لنتيجة كويسة ولا لا؟ يا تري مين هي الفتاة اللي هتشاركني حياتي اللي جاية؟ إلخ من الأسئلة اللي بتخليك في قلق علي طول لأنك حاسس إن أي إختيار غلط يمكن يخسرك كتير في المستقبل
نصيحتي ليك إنك في الأول تفهم إن القلق ده طبيعي .. ساعتها نفسيتك هاتستقر شوية وتقدر تفكر بعقل شوية في كل خطواتك .. ساعتها هاتشوف البنات اللي بيمروا في حياتك – أو بتمر في حياتهم – بعين مختلفة لأن ساعتها العقل هايفرمل القلب شوية .. إوعي تختار شريكة العمر بقلبك بس .. إوعي تختار شريكة العمر بعقلك بس .. وكمان إوعي تفتكر إنك هاتقدر تحدد إمتى هاتحب أوإمتي هاتتجوز زي ما إنت فاكر .. كان غيرك وغيري أشطر
السلام عليكم
كتير علي كده زيارتك مرتين لي
ده شرف كبير
شكرا علي مشاركتك
بس بجد موضوع الزواج ده أنا مش هأقدر عليه خالص
أنا مش قادر أحدد حياتي هتمشي إزاي مش ناقصة أضيع حد معايا
هو ده السبب الحقيقي يعني حتي لو وجدت الزوجة و الحبيبة المناسبة علشان بحبها مش هينفع أرتبط بيها
علشان أنا مثلا مش عاجبني المجال اللي أنا فيه فممكن تكبر في دماغي في أي لحظة إني أتركه و مش عارف الحياة هتمشي معايا إزاي
بس بردوا مقلتش حل لحالتي
مفيش حلول .. الموضوع بسيط عيش حياتك زي ما هي
وعشان تبقى واخد بالك معايا .. مفيش حاجة اسمها حب اصلا
علي فكره إنتوا رجعتوني لذكريات عشر سنين لورا وعلشلن كده أنا مستمتع بالموضوع ده جدا. بصوا بقى
أولا- بغض النظر عن إنك مستعد للجواز ولا لأ .. لازم تعرف إن كل واحد دايما عنده فضول إنه يعرف مين ياترى شريك العمر؟ الفضول ده هو اللي بيخليك تحلم مع نفسك لما تشوف إنسانة جديدة وتتخيل إنك بتحبها .. أحلام اليقظة دي هاتقل مع مرور الزمن كل ما تحقق حاجة في حياتك وتتلغي من أجندة أحلامك أوفضولك .. لأنها هاتكون إتحولت لواقع خلاص .. لو عايزني أقولك على حل يخليك ما تحلمش يبقى لازم تعرف إنه مافيش حل .. لازم تحلم .. المهم إن الأحلام دي ما تلغيش عقلك وإنت بتتعامل مع اللي إنت حلمت بيهم دول
ثانيا- بالنسبة لموضوع تغيير مجال العمل اللي مخليك خايف إنك ترتبط .. فيه نوعين من الإستقرار: العام والخاص .. يعني إيه؟ يعني إنك يكون ليك مجال عمل وماشي فيه من أول السلم وطالع - وهو ده الإستقرار العام - لكن المكان اللي إنت بتشتغل فيه ممكن يتغير كل فترة لسبب أو لآخر – وهو ده الإستقرار الخاص – وممكن ماتغيرش المكان خالص. لو عندك في حياتك إستقرار عام .. ماتفكرش أبدا في إستقرار المكان اللي بتشتغل فيه .. ممكن تضطرك الظروف إنك تغيره حتى لو كنت كبير ومتجوز وعندك ولاد .. الأرزاق بيد الله .. وإنت مجرد أداه توصيل لرزقهم اللي هايجيلك من عند ربنا من حيث لا تدري
ثالثا- مش كل الناس بتلاقي بسهولة الزوجة المناسبة و طبعا يا ريت تكون الزوجة هي الحبيبة. لو حصل ولقيتها إوعى تسيبها .. جايز ماتلاقيهاش تاني أبدا .. وفيه ناس بتعيش وتموت وماتلاقيهاش خالص
رابعا- لمياء بتقول مافيش حب .. بلاش تتشائموا قوي كده .. ياما هاتحصل لنا حاجات مش كويسة وهانزعل ونكتئب لكن الحياة هاتستمر سواء رضينا أو لا .. لو بطلنا نحلم إن بكرة يكون أحسن .. هانموت من جوانا قبل ما نموت و نندفن بجد .. ده غير إن فيه كمان أنواع كتيرة من الحب غير الحب بين الولد والبنت .. لازم تعرفوا إن فيه في الدنيا حب ولازم نحلم بإننا في يوم هنلاقيه حتى لو اللي فاضل في عمرنا مش كتير
عزيزى نو فير
انا بحمد ربنا معاك انك بقيت احسن
وعلى فكره انا مقرفتش ولا قريت البوستات القديمة عشان اقرف
عارف ليه .. عشان مش بدور على حاجه تزعلنى وخلاص
بص يا رومانسى .. انت عارف فين مشكلتك ودا كويس
فكر ف اى مشكلة اكنك مش فيها وصدقنى حلها هيكون اسهل
يعنى مثلا قول نو فير بيعتقد انه بيحب فلانه
هو بيعتقد ليه بكدا .. وابتدى شوف مين فلانه .. ممكن تقول ف الاخر عنده حق .. وممكن اعذرنى تقول دا بيستهبل دا مش حب
واكيد كل دا هينتهى لما تلاقى نصك التانى بجد
تحياتى يا باشا
بص دى حاجات كل الشباب اللى فى نسنك وسنى بيمرو بيها
اولا انت مهتم انك تعرف بنات
وعايز تعرف بنات
دى حاجة فيك انت حول متفكرش فيهم
اشغل نفسك بإى حاجة شغلك
درستك اى كان
حاول متوهمش نفسك اكتر من كده
انت لسه فى الاول
وعيش حياتك
احمد الله عز وجل انك اجتزت هذه المرحله سريعا
ولكن نصيحه من اخ اكبر
اشغل وقتك وحدد هدق نصب اعينك وتجد نفسك كنت تضيع وقتك في شي لا يهم وتجد البنات تأتي ولكن في الوقت المباسب
لا اله الا الله يااخى
فى ايه...عمال تقولى ادخلى ادخلى انا قولت انت اترشحت للرياسه من ورايا ولا حليت كل مشاكلك ولا حاجه
المهم ياسيدى وما ستك الا انا...انت اللى بتقلق نفسك من كل حاجه...ماتسيب الدنيا تمشى الاول وبعدين ابقى اتضايق منها
مشاكلك مع اهلك...كلنا اهلنا مش طايقينا واحنا مش عاجبينهم عادى يعنى لما تبعد عنهم هايحسوا بيك والحاجات دى او حل تانى اعمل الخير وارميه فى البسين
الحب والبنات وكده جرب تطلع طاقتك العاطفيه فى اصحابك تحبهم وتهتم بيهم اكتر من قبل كده وسيبهم يقربوا منك
وبعدين انا على مااذكر ان كان فيه مشاريع وخطط كتير اوى انت ناوى تعملها وعلى معلوماتى برضه انك سيبتها كلها ونايم تحت البطانيه وبطلعك من تحتها بالعافيه
فين كل الحاجات اللى كنت بتقول هاتعملها ومتعملتش طبعا...ذهبت مع الريح طبعا....وبعدين انا عرفت حل مشكلتك ايه
هافكرك بكل اللى كان نفسك تعمله علشان تخرج من تحت البطانيه تعمله ويمكن ربنا يسهل وقتها وتبقى كويس وتحب وتتجوز وتجيب بنت تسميها رنا....علشان زى ماانت عارف كل العباقره اسمهم رنا
والله انا مش عارف كم التفاؤل اللي بيتكب في الرد على البوست بتاعك جايبينه منين؟؟
والله لو حد عنده سبب بس ياريت مقنع ومنطقي للي بتقولوه ياريت تدوني وصله منه!!؟؟ " على فكره انا مش بتتريق" لا سمح الله
انا طبعاً ياعم مش جاي أضلمها فوق نافوخك بس حقيقي الكلام هنا استفزني .... أنا كنت جاي أعرف أخر أخبار حزب اللي ناويين يولعوا في البلد على أساس اني حجزت عضوية عاملة فيه لكن للغرابة أكتشفت أنك حزفت الموضوع وعملت بلوج قال أيه متفاءل قلت وماله نشوفه أتفرجت منين يمكن ينولنا من الحظ جانب ... بس أيه انت ذي الشاطر رجعت لأراضيك سالماً ورجعت تعترف باللي احنا فيه .... قلت أكيد دي نزوة وهيعقل بس تقول أيه.....لقيتك شغال تقلب في المواجع وموضوع الحب ..اللي أعترف أنه موجود بس أكيد مش هيعيش في الزفت اللي احنا فيه لأنك ببساطه عاوز واحدة من طراز شمشون الجبار وصبر أيوب و " حلم الجنوبي." عشان تتحمل الي هتشوفه... والنوع ده شح اليومين دول
الأستاذ العزيز ثروت ربما أنت شايف اننا في بداية الطريق وخبرتنا قليله وده صحيح و إن التشاؤم اللي احنا فيه مبالغ فيه
ممكن أسألك سؤال واحد....؟
قريت الجرنان النهارده؟؟!!؟؟
تصدق وتؤمن بالله أنا حست من كلامك كأنك بتتكلم عليا تمام
وعشان مستنى أسمع النصيحة معاك
عزيزي نور
توضيح بسيط ..أنت كده دخلت الموضوعين في بعض .. الحب وأحوال البلد .. فبالنسبة لأحوال البلد أحب أعرفك إني أخذت جرعات تشاؤم تكفيني العمر كله لدرجة إني من يوم ما سافرت مش بأحب حتى أنزل أجازة لولا إن أبويا نفسه يشوفني .. لكن إحنا هنا بنتكلم عن حاجة تانية في البوست ده .. تحياتي ليك ودايما بالتوفيق وهأبقى أزورك هناك في بيتك .. قصدي في البلوج بتاعك
ياباشا شكراً لتشريفك بيتي...
واقدر أقول كده....انه " البيت بيتك"..م
يمكن انا شايف ان البيض في وضعنا ده كله في سله واحدة ومهما يبان إننا ممكن نفرق نلف نلف ونرجع لنفس النقطه.... للأسف اللي هي هي الصفر ويمكن عشان اليومين برد حبتين .. تبقى تحت الصفر.
على فكرة ممكن تزود عدد اللي عاوزين يشوفوك في مصر.. واحد كمان
by the way, sometimes the solution could be as simple as going to a psychiatrist. I know that there's a big stigma connected to going to a shrink but its only because our society is retarded. I myself go to a psychiatrist and I'm being treated from depression and one of the reasons I immediately related to your blog is because I think what you suffer is extremely similar to what happened to me.
The brain sometimes gets ill and when it does you have to see a doctor for it. Think of depression as an illness, its actually an imbalance in the brain chemistry and the balance could be regained by medical intervention.
Many people commenting here think that its an inner feeling and that you are putting yourself in this depressive mood and thats what everybody used to tell me too but I discovered that some people have a genetic tendency to be depressed and telling somebody who's already depressed to cheer up is not going to work.
Post a Comment