Saturday, November 25, 2006

نكد علشان خاطر نور
الوحدة من أسوأ الشعور اللي بيراودني دلوقتي كل أما أفكر أتصل بحد أو أكلمه أقول لنفسي ليه دايما أن اللي أبدأ
المفروض الأصدقاء تسأل علي بعض
مش لازم يعني المصلحة اللي تحكمنا (ملعون أبو الصداقة اللي علشان المصلحة )
ليه مفيش صدق و حب بجد
دايما الخيانة أو مش الخيانة النفاق هم اللي مسيطرين
ليه مفيش حد يعرف حد من غير ما يكون عاوز منه مصلحة
نفرض في الأول كده طيب عملتلك مصلحتك مطنش بعد كده نحافظ علي الأتصال بس علي الأقل
مش مشكلة ماليش نفس أكتئب
بس نفسي في صديق قوي بجد
نفسي في صديق
و هتندموا علي اللي بتعملوه في وقت لا ينفع الندم
بجد

5 comments:

nor said...

ياباشا انا بحب النظام
انا معرفش غير أكون حزبي
لازم تنزل بطاقات عضوية للي عاوز ينضم لصداقتك وتنزل بيان بالخطوات عشان انا يشرفني أكون صديقك لو ترضى
أصل العملية مش سايبة أي حد كده ..!!
بس أياك تكون بيروقراطي وطول الإجرارءات

نور

وبعد كده "الوحده" ده شعار المرحلة اللي جايه؟؟
lol

mano said...

للأسف الناس مبقاش عندها وقت تعمل اى حاجة و شالوا كلمة الصداقة من قاموسهم من زمان و حطوا مكانها المصلحة. المصلحة و بس
تحياتى

memokareem said...

هاى نو فير :
وجدت تعليق لك فى مدونة وينكى حاجة صغنونه
المهم
تصفحت مدونتك
شدنى شعورك بالوحده و عدم احساسك بوجود صديق في حياتك لا تربطك به مصلحة

نو فير انا كمان جواية الاحساس ده و برده كل اللى حوليه مش بيسالوا عنى الا لما بيبقوا محتاجين منى حاجه

جذبنى النت للبحث عن علاقات لا تعتمد على المصالح و الان انا لدى العديد من اصدقاء اون لين

و على الرغم من ذلك اشعر بوحدة رهيبة فالصديق هو من يبقى على اتصال بك ليطمئن عليك و يكون بجوارك فى السراء و الضراء و يطلب مشورتك في امور حياته
للاسف لم انعم بهذا الصديق فى حياتى
حتى اولائك الذين احببتهم لم يكونوا ايضا ذلك الصديق و ستفهم قصدى بعد تصفح مدونتى

اتمنى لك ان يرزقك الله باخ صالح قريبا

و شكرا

albida said...

عارف؟!! أنك كل اللى قلته ده صح الا أننا برضه لازم نبتدى بالخير وبالسؤال مهما عمل فينا الشخص أوى
أولا: علشان دى لازم تكون أخلاقنا كمسلمين
ثانيا: علشان تحس براحة الضمير وأنك ماقصرتش فى حق أى حد وأنك مش السبب فى فشل أى علاقة صداقة من العلاقات دى

افتراض الخير من الناس أحسن.. مع أنه اصعب كتير

manal

Human said...

طب تعرف إنها بتوصل لدررجة إنى فى عيد ميلادى انا اللى بتصل بصحابى عشان وحشونى

الحمد لله على كل حال :)