Saturday, October 28, 2006

البلد دي خلاص مبقاش ينفع يتعاش فيها
أي حد عنده طريقة علشان أمشي منها ياريت يبعت لي
كفاية كده
و مش عاوز نصايح

18 comments:

mariam said...

صدقنى مش قصدى اديلك نصايح
بس دى بلدنا بلاش نسيبها
هنسيبها لمين؟
البلد دلوقتى فى مرحلة صعبة و محتاجة اللى يحبها

We2am said...

lla2asaf ma3ndesh 6are2a..tro7 belslama..mate2ta3sh elgawabat b2a :D

karakib said...

الغربه في الوطن هي اسوء ما يمكن ان يحدث لبني ادم
للاسف الشعور ده عند كل الناس بس هس بلدنا و لازم نخليها حلوه مش نصايح صدقني بس هي دي الحقيقه
انتوك

saso said...

مش هاديلك نصيحة طبعا
بس اسالك.. لما بلدك باظت باظت من جوة بس؟
ولا بوظت صورتك كمان برة

اديني اسم بلد واحد هيبتسم ويفرح ويرحب بيك ويشغلك ويقدرك لما يعرف انك مصري

لو لقيت اتفضل.. وهتلقي نص البلد معاك..انا مش خارجة منها .. مش مثالية ولا تفاؤل .. بس هنا هاتبهدل بس انا صاحبة حق وعايشة في بيتي براها هتبهدل برضة وهيتبصلي من فوق برضة وعايشة غريبة

No Fear said...

السلام عليكم
أنا يا شباب اللي مضايقني إننا إحنا اللي بناكل في بعض
كلنا بلا إستثناء مش مثلا في فئة ظالمة لا ده أي حد بيكون تحت أيده ناس بيفتري و يظلم فيهم
و التانين ساكتين بيمصمصوا شفافيهم و خلاص

سابرينا said...

سافر وجرب
يمكن التغيير يكون احسن لك

No Fear said...

sabrina
تعرفي طريقة علشان الواحد يغور من البلد دي
حتي لو طريقة فاشلة

rony said...

ايه يااينى ....خلاص قررت تسيبنا وتهاجر...طب يلا والقلب داعيلك بس طبعا بما انى عارفاك كويس اوووووووى وعارفه انك هاترجع تانى انا بقول تاخدها من الاول كده وتطلب حق اللجوء السياسى للفيوم واحنا على اتم الاستعداد اننا نوجدلك فرصه شغل وشقه وعربيه لو تحب وهانجوزك بالمره ...كل ده متوافر فى جمهوريه الكتاكيت المتحده..كاك كاك كاك

No Fear said...

و الله يا رولي الواحد الحالة اللي هو فيها متستحملش تهريج بس هتدوني كم بيضة في الشهر
و في تأمينات و لا لا
علي فكرة لو العرض مغري ممكن أفكر و هجرة بهجرة و خلاص

rony said...

ايه ياعم شوكى....هانهرج ولا ايه...بيض ايه وبتاع ايه مسمعتش عن انفلونزا الطيور ولا ايه
وبعدين انت لاقى اصلا علشان تتبطر...انت عارف كمان انا لازم اسيب الفيوم فى رعايه حد ومش هالاقى غيرك امين عليها لما انا اتكل بعون الله
وكفايه بقى الفواكه الى احنا عايشين فيها دى

مـحـمـد مـفـيـد said...

هذا قدرنا ومينفعش نهرب من القدر لازم نواجه ونحاول نقومه
تعالي عندي هتلاقي بوست عن الكلام ده لسه كاتبه وبعدين انت زملكاوي اول اختلاف بيني وبينك

Carmen said...

ممكن اسالك سؤال؟

انت متاكد ان البلد التانية اللى انت هاتروحها هاتفتحلك دراعتها وتقولك اتفضل


ومتاكد ان العيشة هناك هاتكون احسن والناس احسن


ومتاكد انك مشش هتقابل هناك مشاكل قد اللى قابلته هنا وزيادة؟


لو متاكد هاجر

بس انا عايزة اقولك حاجة كمان

ان اللى وصل البلد دى للى هيا فيه دلوقتى هو سلبيتنا ... زى مانت ناوى تعمل دلوقتى ..يبقى مانجيش نشتكى ونقول البلد بقى ماينفعش يتعاش فيها ...طالما احنا ماعندناش استعداد اننا نعمل لها اى حاجة عشان نصلح الوضع ده...

Unknown said...

انت غلقت باب النقاش بمنعك النصائح0

بس هقولك حاجه انا حسيت بيها رغم كل اللى بشوفه واللى بيحصل و الخراب والفساد0
لكن كل ده بيدفعنى اتمسك بيها اكتر0

هنسيبها لمين؟؟

مصر كلمه كبيره وكيان ضخم لازم ندافع عنه مش معنى انها اتبهدلت بين ايدى من لايخشون الله انها لا تستحق العيش ولا رفع هامتها بالعكس يفترض بينا اننا نقومها ونرد ليها كرامتها0

والله ماهى خطبه بس انا اتضايقت اننا وصلنا لمرحله عايزين نطفش منها


لو هتسافر وهترجع تصلحها سافر
لو غير كده اقعد وخلى واحد حرامى هو اللى يمشى

nor said...

"no fear"السيد الاستاذ
بعد التحية
أخطر سيادتكم برغبتي للإنضمام للحزب الموقر المرجو تكوينه للراغبي السفر للخارج مع التوديع النهائي والإستثنائي
مع طلب ملحق مؤكد بعلم الوصول عن أخبارنا عن أي وسيلة الفرار
مقدمه لسيادتكم
مواطن طهقان ومطحون حتى النخاع

Anonymous said...

بص انت تتطلع على اسكندريه
وتاخد فلوكه
وتقعد تأدف تأدف لحد متوصل اليونان
ياعم بلاش هجس
تسافر ميين
اقرا قصيدة على اسم مصر لصلاح جاهين
فيها حته حلوه قوي
شوف


على اسم مصر التاريخ يقدر يقول ما شاء

أنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر التاريخ يقدر يقول ما شاء

mariam said...

اتمنى ان تكون خرجت من تلك الحالة. و نحن فى انتظار بوست جديد

Anonymous said...

هاجر كينيا ........عايزين عماله عندهم مشكله في العماله .....تخيل اسرائيل عندها اكبر عدد من العلماء في كل مجالات العلوم المتقدمه

We2am said...

how enta lessa masfretsh?! :P