Friday, October 27, 2006

سا محيني رسول الله

خطر لي هذا الموضوع من مدونة" حفصة" فقد كتبت بوست عنوانه وحشتيني يا مصر
و قمت بالتعليق عليه و قامت هي بالرد علي المهم
محاور هذا الموضوع خطرت لي في طريقي لصلاة الجمعة و خلال الخطبة التي لا تتضمن سوي حكايات عن ناس من الصالحين و كيف يرضون بالقليل و لا يقومون بشئ في الحياة غير عبادة الله لذلك هم في نعيم بالرغم من حالتهم الرثة
لا يتسرع أحد منكم في الظن السئ بي من كلامي
و أيضا تذكرت إعلان عقيم من التلفزيون كان بيقول مش فاكر عن أية بالتحديد المهم كان بيقول
الجهل المرض الفقر مش فاكر بقه بيعملوا أية
فتجمعت نقاط الموضوع كله في رأسي
و فكرت بكتابة أربع كلمات في البوست بدلا من ثلاثة بس و الناس تفهم بس قلت ما دام أنا فاضي ليه مشغلش الناس بكلام فاضي فسوف أقوم بتفصيل الأربع كلمات
والأربع كلمات تلك هي

البلطجة + النفاق + القناعة الزائفة+ السلبية = مصر

ملحوظة:أثناء الكتابة دلوقتي دخلت علي مدونة" سارة زهرة التيولب" قال يعني الموضوع ناقص نكد
البلطجة
أصبحت هذه الكلمة منتشرة جدا هذه الأيام و أصبح البلطجية كتير
و أصبحت الحكومة تستخدم البلطجية يعني شغلهم قانوني و المعارضة تستخدم البلطجية حتي الإخوان يستخدموا البلطجية و رجال الأعمال الشرفاء قبل الحرامية و لا أنسي طبعا أصدقائي الشباب اللي متربين في الجيم و الله مش حقد
و أصبح الأنسان لا يأمن علي نفسه في بيته في الشارع في الشغل في أي مكان و زمان
و هناك أنواع جديدة من البلطجة أو ما أسميه تقنين أي جعلها قانونية و ليست تقنين أي تقليل
فكل من يريد أن يكون زائع السيط يفتح أي حاجة في الشارع حتي لو وقف بكرتونة فاضية و يشارك في جميع الخناقات للناس الكبيرة أي التجار وأصحاب المحلات
و من الظريف خالص أصبح هؤلاء الناس يتحكمون في كل شئ حتي مصير الأنتخابات فمثلا في منطقتنا الغراء هؤلاء يتحكمون في كل شئ و يفعلون مايريدون و الغريب أنك تجد جميع الناس تريد رضاهم أو أمان شرهم ومن صفات هؤلاء الناس وجود أهم معلم و هو زبيبة الصلاة
و الصلاة في المسجد هو أة لما بيصلوا في الجامع بيجعلوني أنسي الوقوف أمام الله و متابعتهم في الجامع لكن بيصلوا في الجامع و يقومون بالإشراف علي موائد الرحمن و كما سبق و قلت الأشراف علي الإنتخابات و تحديد النتيجة
و مش عارف ليه معظم هؤلاء الناس حلاقين و الله مش معترض عليهم علشان حلاقين لكن المشكلة تلاقيهم بيعملو بلاوي و تلاقي القرأن شغال
أة في واحد ظربف قوي سمعتوا بيقول لواحد كلمة جميلة بالرغم من إقتران أسمه و للأسف بكلمة حاج بيقول " لو نزل لي نبي من السما مش عارف هيعمل فيه أية " معلش علشان في بنات و كده أنا أتكلمت في البلطجة و جزء من السلبية
لو كلامي كويس قولوا علشان أكمل لو مش عاجبكم أكيد هأعرف
و إلي اللقاء في النقطتين الأخرتين بناء علي رغبتكم
و النبي قولوا أكتبهم علشان أنا كده كده هأكتبهم

1 comment:

Hafsa said...

سلام يا نو فير
شوف يا سيدي
اولا سواء اللي انت كتبته ده عجبنا او لا معجبناش انت اكتب لان المدونة دي عاملة زي بيتك انت اللي عايش فيها و احنا بس اللي بنيجي نزورك
و الحلو انك ناوي تكتب مهما كانت ردودنا و ده جميل
تانيا
حرجع اقلك انك لسه ملخبط النظام الفاسد اللي بيحكم مصر و مصر نفسها
و عشان اوضحلك ايه مصر يا لا خوف فحقلك
مصر هي النيل بالليل بهدوئة او في الصبح بدوشته و غباره
مصر هي المكان اللي انت بتمشي عليه سواء فرحان او زعلان
سواء ماشي للصلاة العيد او صلاة الجنازة
هي دي مصر و مش حاحب اظل عليك في كلامي عشان متزهقش
هي دي مصر اللي عمرها ما حتتغير يا نوفير
لكن النظام اي نعم بقاله هو هو نفسه من ديزيليون سنة لكن برضة حيمشي في يوم من الايام

مش معقولة نسيب مصر وقت المحنة و نفتكرها لما تكون كويسة؟صح برضة؟
المهم ارجو ان حالة الغضب او الاكتئاب اللي عندك تروح و انت كنت سالتني علي كده من فترة و مش عارفة اذا شفت ردي
لكن مالهاش حل غير انك تدعي ربنا و تصلي بس مش في جامع
تحياتي