Wednesday, April 29, 2009

كوليكشن

السلام عليكم و رحمة الله و بركاته
مقتطفات و يبقي حد يقابلني لو حد فهم حاجة
.
إحساس قميئ إنك تفتقد إحساس اللمس
.
إحساس أقمئ (مش عارف جبتها منين دي)إنك يكون نفسك تعيط كل أما تنفعل و متقدرش تتطلع كل اللي جواك مش عارف هي إحترام و لا ضعف و لا الواحد مقتنع إنه مريض نفسي فبيعفي نفسه من إن الناس تفهم كده
و لا هو الواحد فعلا مش صح
.
من زمان الواحد بيحب أغاني نكد و هو مش واخد باله إنه هيسمعها و هيعيشها
زي أنا ليه مكنش علي الجراح قادر كنت باعيط لما بأسمعها مش عارف ليه مع إنها مكنتش بتفكرني بحاجة و مكنش في أي حاجة
و هي دموع و لا أكتر كنت بحبها جدا و سمعتها النهاردة في نجوم إف إم و بيني و بينكم هي في محلها خالص خصوصا النهاردة هي دموع و لا أكتر و كل ما بنقيد شمعة في عيون مش مبتسمة تيجي تاخدها القسمة و تسيب حزن تصور
قشطة علي النكد اللي جاي
و يا أهلا بالنكد اللي جاي
و هأنسي الموضوع اللي فات تماما و شبعتكم منه نكد محدش يقلق خالص زورونا تجدوا ما ينكد عليكم
نكدنا جديد في جديد
.
مش فاهم أنا الدائري حوادثه كتير و الأعداد في زيادة مفيش حاجة تزورنا كده قريب
.
و بما إن الفنون جنون
فغالبا أنتظروا مني فنون رهيبة المرحلة اللي جاية
.
يارب كفاية كده علي
أنا لو أذنبت من قبل أما أتولد ميكنش جزاءك كده
يارب أنت الغفور الرحيم
رحمتك

7 comments:

زهرة الجنة said...

بسم الله الرحمن الرحيم

(( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ

إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ ))

صدق الله العظيم




حاول تغير المود اللي انت فيه
كلنا بنمر بلحظات ضيق
بس برضه بيجي وقت ونرجع تاني كويسين
اي شيء في الدنيا بتولد صغير وبعدين بيكبر الا الحزن بتولد كبير ومع الوقت بيصغر

كللنا بنذنب وبنرجع نتوب لربنا بس الاهم نكون متاكدين ان ربنا هيغفر لنا


واسمع إلى هذا النداء الرباني
« يَا ابْنَ آدَمَ إِنَّكَ مَا دَعَوْتَنِي وَرَجَوْتَنِي غَفَرْتُ لَكَ عَلَى مَا كَانَ فِيكَ

وَلَا أُبَالِي يَا ابْنَ آدَمَ لَوْ بَلَغَتْ ذُنُوبُكَ عَنَانَ السَّمَاءِ ثُمَّ اسْتَغْفَرْتَنِي

غَفَرْتُ لَكَ وَلَا أُبَالِي يَا ابْنَ آدَمَ إِنَّكَ لَوْ أَتَيْتَنِي بِقُرَابِ الْأَرْضِ خَطَايَا ثُمَّ لَقِيتَنِي لَا تُشْرِكُ بِي شَيْئًا لَأَتَيْتُكَ بِقُرَابِهَا مَغْفِرَةً »

يا ابن آدم !

لوبلغت ذنوبك عنان السماء ثم استغفرتنى

غفرت لك ولا أبالى


ربنا يغفر جميعا باذن الله

No Fear said...

ربنا ياخدني علشان نخلص

مـحـمـد مـفـيـد said...

تفتكر ده حل لما تموت

عليك بخير الصحبه

momken said...

ومين قال ان الموت هو الحل

انت بس مكتئب شويه

فكك من الجو ده وتوكل على الله

تحياتى

روح said...

خنقتني بضعفك

حصلك اية يعني
قلبك اتجرح الف سلامة

بيحصل كدة للالاف كل يوم
مش انت لوحدك

يابني انشف بقي كلنا بنمر ببلاوي
هو احنا فين هنا احنا في الاخرة؟؟

لا احنا في دنيا يعني في تعب لغاية ما نموت المهم نعرف ازاي
نعالج نفسنا ونهون علي نفسنا

ووسط دة كله نقرب من ربنا
ونأدي حقه علينا

اتقي الله في نفسك
واعمل نفسك عبيط

وانسي اللي فات وكل ما الشيطان يفكرك
خليك ازكي منه واستعيذ بالله
منه ماشي ولا نقول كمان

Pinky said...

ليه بس كده
"لا تَقْنَطُوا مِن رَّحْمَةِ اللَّهِ "
ضاقت ولما استحكمت حلقاتها فرجت
وان شاء الله هتفرج قريب
واكيد الموت مش حل لكل ده
ربنا معاك

يا مراكبي said...

ده إسمه كوليكشن تشاؤم

مش حل أبدا أبدا