Monday, August 18, 2008

إن شاء الله بداية جديدة

السلام عليكم و رحمة الله و بركاته
أزيكم يا شباب أخباركم أية؟
ياريت يعني لو أي حد هيعلق يكتب لي أخباره أية علشان انتم وحشني جدا جدا جدا حقيقي و الله معلش الفترة اللي فاتت دي كنت مش بأكتب كتير لأسباب كتير مختلفة يعني النتيجة البؤس إني شيلت مادتين و الغريب إني عرفت إن الدكتور اللي كرهه الدفعة كلها و شيلها كلها مادته اللي هي كمبيوتر و تخصصنا إحنا كيمياء أتغير السنة اللي جاية بعد أما عمل اللي عمله في دفعتنا و كمان بعد أما إحنا عرفنا الكورس بتاعه و بقة سهل المذاكرة يلا الحمد لله
الواحد مش عارف يكمل و لا لا و محتار قوي دعواتكم
و عرفت موضوع في الشغل بيسرع من أسبابي للبحث عن مكان تاني أشتغل فيه و يسلام لو ربنا يكرم و مجال تاني أشتغل فيه
.
بس الحمد لله الحياة لسه فيها أمل إن شاء الله
يعني أهوة الأخ منذر ربنا كرمه و أتجوز و أسف مش هأقدر أنزل الصور علشان ممنوعة النشر
ألف مبروك يا منذر و بجد أنت واحشني قوي و نفسي أشوفك قوي أنت و مفيد و الحسيني علي فكرة من يوم جوزاك متقابلناش خالص مش قادرين نتقابل من غيرك أو بصراحة مش عارفين لو عرفنا هنتقابل متأخدش مقلب في نفسك و قول لمفيد يخف عني شوية أحسن له
.
و كمان في موضوع تاني كده الحمد لله مخليني مش مصدق السعادة اللي أنا فيها بجد ربنا يديمه يارب و مضيعهوش بغباوة مني كالعادة طول عمري
.
معرفش كانت طالبة معايا تفاؤل أمبارح قوي من الصبح
يعني ربنا كرمني بسواق أتوبيس طيب كده و حسسني إن لسه الناس فيها خير و ممكن تخاف علي بعض
معرفش خلاني نفسي أكتب بوست و أدعي فيه ربنا إنه يهدينا كلنا و يخلينا نخاف علي بعض و نحمي بعض و إن شاء الله الأخلاق و التربية الحسنة هترجع لنا تاني و إن شاء الله مش هيكون زمنا اللي الرسول صلي الله عليه و سلم قال فيه ستكون فتن كقطع الليل المظلم و إن شاء الله مش هيكون زمنا اللي ماسك فيه علي دينه كالقابض علي الجمر و هيكون اللي إحنا فيه ده فترة ضعف و بعد عن ربنا مش هتطول و هنرجع كلنا لربنا تاني
.
بيني و بينكم لو زمنا اللي الرسول حذرنا منه ربنا يستر علي علشان أنا مش قوي كده و غالبا ممكن أضعف
لا
إن شاء الله هنرجع تاني لربنا و هترجع الطمأنينة لينا و الأمان
.
و أمبارح كمان زي ما تقولوا ربنا كان كارمني فيه قوي يعني عرفت فيه الموضوع اللي ضايقني في الشغل أو كان المفروض يضايقيني و يخليني أكتب بوست أسب و ألعن فيه بس الحمد لله قبله مباشرة ربنا كان كارمني بهدية من عنده مكنتش أحلم بها
الحمد لله
.
و يوم الجمعة اللي فاتت كان يوم من أسعد أيام حياتي بجد أو يمكن أسعدها فعلا
يوم مفرحتش فيه كده من زمان
الحمد لله
.
و يوم الخميس ظبطت الكمبيوتر تمام لأنه كان خانقني و سبحان الله ناس كنت بأحسدها علي حياتها لاقيتها بتقول علي مهتم عنها في حاجات هي شايفها أهم
هو تقريبا مفيش حد راضي بحالة غير القليل و إن شاء الله أكون من هذا القليل اللي هيكتر إن شاء الله برجعونا لربنا كلنا مرة تانية إن شاء الله
.
معكننش حياتي الفترة اللي فاتت دي غير الزمالك و لاعبيته أقول أية اللي معندهاش دم
.
في حاجة كمان معرفش عندي حالة كسل غريبة و عدم مقدرة علي عمل شئ مش عارف ليه
ربنا يعجل بزوال هذه الحالة علشان مفيش وقت يضيع لسه كمان
.
يوم الجمعة اللي فاتت بردوا بعد الصلاة قابلت واحد صاحبي من الطفولة و هو ألتزم حاليا وأفتكرت أيام حلوة قضيتها و أنا صغير و قعدنا نحكي و نحكي
و أنا قاعد معه جه علي بالي فيلم طيور الظلام علشان إحنا كنا أربعة صحاب واحد مسيحي وثلاثة مسلمين أنا و و احد بقة ظابط شرطة و صديقي الأخير الملتزم
صديقنا المسيحي تجنبنا من إعدادي أو بداية الثانوي و الأتنين التانين واحد ألتزم و التاني ظابط بيسلموا علي بعض بالعافية و أنا اللي طبعا عمال أترنح في هذه الحياة
محدش يسألني فين فيلم طيور الظلام
:)
.
كفاية عليكم كده بقة علشان الواحد صايم وعطشان قوي بيني و بينكم
ربنا يكرمنا جميعا
دعواتكم لي ربنا يكرمكم

14 comments:

مـحـمـد مـفـيـد said...

محمد
والله العظيم والله العظيم واحشني
ونفسي اقعد معاك واتكلم معاك في مواضيع كنت محتاجك فيها والله
خلاص يا ريس هانت
وانا مقدرش احل عنك ده انت حبيبي
وربنا يهنيك يا ريس
بس ميه ميه

إنسان || Human said...

إن شاء الله بداية جديدة , وتأكد إن الحياة كده وكده فيه وحش وفيه حلو
ولو فيه حصلتلك وحشه مع البدايه دي إوعى تيأس
سلامي ليك

Anonymous said...

لو على المادتين روق ان شاء الله هيعدوا بسهولة وربنا يريحك من اى دكتور بيشيل واحمد ربنا ولو مضايق ابقى روح اتفرج على المدبلرين هتتعظ ساعتها
وبعدين الدنيا بخير اكيد زى ما الرسول صلى الله عليه وسلم قال الخير فى وفى امتى الى يوم الدين
بس على فكرة القابض على دينه كالممسيك على جمرة من النار حصلت فعلا ايام سقوط الاندلس هى ممكن تتكرر تانى واحيانا يتهيأ لنا انه زماننا بس لما نسمع ازاى حصلت ايامها هتتأكد اننا فى نعمة
بس اشمعنا طيور الظلام ليه مش الارهابى ولا الارهاب والكباب

rony said...

السلام عليكم ورحمه الله وبركاته
ازيك عامل ايه؟
يارب تكون كويس
انا الحمد لله كويسه ومبسوطه اوى الحمد لله
انا هحاول ادخل كل شويه كده ابقى طمني عليك
سلام

Anonymous said...

backlink url seo sites backlink service high quality backlinks

Anonymous said...

newmido26.blogspot.com have a peek at this web-site بسته بر نوع ساختار درآمد کرده اید ، شما مالی از بانک ها و یا وام دهنده های اقتصادی خود را به دست آورد

Anonymous said...

www.newmido26.blogspot.com your input here برای رشد در سه ماهه بعدی ، می تواند از وام خانه آمد در حالی که آنها انتظار دارند وام خانه نرخ بیش از حد کاهش یافته است به عنوان آنها را با این سال به اوج خود رسید

Anonymous said...

newmido26.blogspot.com learn this here now پیدا کردن که در آن شما می توانید هزینه ها را کاهش دهد ، تقویت تصویر مالی فعلی خود را

Anonymous said...

newmido26.blogspot.com bonuses پرداخت پول نقد برای چیزهایی زیر یک مقدار مشخصی این زمانی است که مصرف کنندگان حق را بهبسیاری از مشکلات پولی را اجرا کنید زمانی که آنها از کارت های اعتباری خود را وابسته به صرف چیزهایی است که به راحتی ممکن است مراقبت از گرفته شده به صورت نقدی و یا از طریق چک و یا کارت بدهی

Anonymous said...

newmido26.blogspot.com [link] با این حال ، کسی که باید مراقب باشید در حالی که به دنبال نرخ ارز

Anonymous said...

newmido26.blogspot.com internet هنگامی که بر روی کارت اعتباری ساخته شده است ، آنها معمولا از یک کارت اعتباری به طور منظم معامله در نرخ بالاتر از منافع بزرگ متهم شده است، و عادیدوره بدون بهره است که عادی به دارندگان کارت که بازپرداخت بیل خود را به طور کامل هر ماه ارائه شده جذب نمی

Anonymous said...

Hello! I just would like to offer you a huge thumbs up for your great information you have here on this post. I am returning to your website for more soon.

[url=http://onlinepokiesking4u.com]http://onlinepokiesking4u.com [/url]

Anonymous said...

Hi! I simply wish to give you a big thumbs up for the great information you have right here on this post. I'll be returning to your web site for more soon.

[url=http://xrumergeek.com]view here[/url]

Anonymous said...

You are so interesting! I do not believe I have read something like that before. So good to discover somebody with unique thoughts on this subject. Seriously.. thanks for starting this up. This site is something that's needed on the web, someone with some originality!

[url=http://truebluepokies4u.com]pokies bonus[/url]