Monday, September 10, 2007

السلام عليكم و رحمة الله و بركاته
أزيكم يا شباب
...
السبب الاول إني أكتب البوست ده إني أنسي البوست اللي فات علشان كل أما بأشوفه بيتحرق دمي
الحمد لله
في حاجات كتير كالعادة نفسي أقولها لكم
...
أولا صديقاي العزيزان مصطفي و محمد أخبروني عن لقاء المفروض كنت أروح معهم بس للأسف مرحتش
أولا علشان أنا جبان زي ما قلتلهم و قلتلكم قبل كده و ثانيا علشان رجعت من الشغل لاقيت واحد جارنا توفي و روحنا دفناه بعد صلاة المغرب
...
النت كمان كان فاصل عندي اليومين اللي فاتوا دول و كنت هاتجنن علشان مش بعرف أعمل بوستات و لا تعليقات من الشغل
...
أمبارح معرفش ليه طلبت غم و نكد معايا حاولت أتصل بحد اكلمه معرفتيش
مش عارف جه لي أحساس بالخوف من إني مش هألاقي الإنسانة اللي أكون سعيد معها مش عارف ليه
كل ده بسبب أبويا كلمني مرة تانية في موضوع الجواز
مش عارف خايف جدا من الموضوع ده
مش متخيل أني أعيش مع واحدة كده و خلاص
نفسي حياة حياة يعني
و بعدين خفت من المستقبل أنا عارف أنه بأيد ربنا بس خفت أعمل أية
...
يارب
...
و بعدين بإقتراب رمضان تذكرت كأبة السنة اللي فاتت و أمتحانات التمهيدي الفاشلة اللي فيها و تضيعي لوقتي و للفلوس و مكملتيش الأمتحانات و رمضان مصليتش التراويح و مختمتيش القرأن يارب كل ده يتمحي السنة دي يارب
الحمد لله علي كل شئ
...
مع تغيير الساعة بأحس إني بأروح الشغل الظهر مع أني بأنزل الساعة ستة و نص
أحلي حاجة أني بارجع من الشغل مصلي الظهر و العصر و كمان العشا بدري الواحد بيخلص اللي عليه و هو مرتاح مش قلقان ينام يكسل أو أي حاجة من اللي بيحصل في الصيف
و بحب الشتا جدااااااااااااااااااااااااااااااااااااااااااااااااااااااااااا
و يارب الجو اللي إحنا فيه ده يدوووووووم علي طول
أو البلد اللي أهاجر لها يكون جوها كده علي طول
...
أخيرا كل سنة و أنتم بالف خير و ربنا يتقبل منكم الصيام و القيام و قرأة القرأن
و اتمني ما أعملش أي بوست طول رمضان علشان ده هيدل علي شئ عظيم بس ما أعتقدش ده هيحصل
سلام يا أصدقائي

12 comments:

sarah la tulipe rose said...

رمضان كريم
و كل عام و انت بخير
و السنة دي احلي انشاء الله

مـحـمـد مـفـيـد said...

بصراحه يا محمد بجد كانت ناقصاك
ويا ابني تخاف من ايه
العمر واحد والرب واحد
بجد كنا زعلانين انك مجيتش

رفقة عمر said...

كل سنه وانت طيب

ربنا يتقبل منك صالح الاعمال اللهم امين
رمضان كريم

mariam said...

كل سنه وانت طيب
رمضان كريم
و يا رب تقضى رمضان سعيد

No Fear said...

sarah la tulipe rose
السلام عليكم
البلوج منور
كل سنة وأنت بألف خير

No Fear said...

محمد مفيد
المرة الجاية إن شاء الله ممكن مجيش بردوا
:)
كل سنة وأنت طيب

No Fear said...

رفقة العمر
السلام عليكم
كل سنة و أنت بألف خير يارب
ربنا يتقبل منا جميعا إن شاء الله

No Fear said...

مانو
السلام عليكم
كل سنة و أنت طيبة
و يارب كلنا نقضي رمضان جمييييل
و علي فكرة أنا متفائل قوي بإذن الله
يارب خير

Monzer said...

تخاف
يعنى ايه تخاف
هههههههههههههه
ده كان هناك حاجات لظيظة قوى
واحد يقولك انه اتعذب بكهربا وحاجات من ده، كل ما واحد يتكلم يقولك انه اتعذب بأداه شكل
يعنى كنت هاتنبسط والله
احنا بتوع الاوتوبيس كان متجسد هناك

بس ايه موضوع الجواز ده، هي موتة ولا أكتر
لا عاوزك تشد كده، علشان هانعمل افطار فى رمضان وأساسى أساسى جاي
وبص
أنا فى الافطار ده، مش هاكلم زيك، انا وانت نقعد ناكل، ونسيبهم يتكلموا
ههههههههههههههههههههه
اي خدعة، سعدت جدا بالترعف عليك والتواصل مع، وسعيد اكتر، ان عرفت وبقيت زائر دايما للمدونة ده
كل سنة وانت طيب يا شقيق

البِـئرُ والظمّأْ said...

السلام عليكم
ان شاء الله ان شاء الله ربنا هيوفقك و يقف معاك طوول ما نت معاه
و بعدين ايه يعني اللي يقلقك
ان شاء الله تلاقي اللي بتحبها و تقدر فعلا تعييش معاها
و رمضاتن كريم
سلام
.
زيزي

No Fear said...

Monzer
و الله
طيب الحمد لله اني مروحتيش

.
خالينا في موضوع الفطار هو ده الكلام ناكل و خلاص احلي شئ في الدنيا الأكل تعرف أخر يوم في شعبات أكلت أربع مرات و أكل أكل يعني
علشان أنت فاهم الواحد يادوب في رمضان بياكل مرتين بس
:)
أنا اللي أتشرفت أنك بقيت من الزائرين لمدونتي المتواضعة دي
كل سنة و أنت طيب و بالف خير
انت ملهوف علي الجواز ليه
متقلقش هي مرحلة و بعدين لو ربنا كرمك و متجوزتيش هتنسي أية الجواز ده أصلا
:)
كل سنة و أنت طيب

No Fear said...

meekness
السلام عليكم
ربنا يسمع منك هو حد يكرهه
الله أكرم
و كل سنة و أنت بالف خير
تشرفت بزيارتك و ياريت تتكرر