Friday, February 16, 2007

بسم الله الرحمن الرحيم
السلام عليكم و رحمة الله و بركاته
مش عارف فجاة كده الناس أفتكرت تبعت لي تاجات مش عارف ليه
المهم التاج اللي جاي ده مبعوت لي مرتين في نفس الوقت من الأنسة مريم - مانو- و الأنسة رنا –روني-

مش عارف ليه مصعبين الموضوع أصلا من السؤال

و السؤال هو

أكتب السطور الثلاثة الأولي بعد الخمسة الأولي في الصفحة 123 من الكتاب اللي بتقرأة الأن؟
متقولوا من السطر السادس للثامن مش فاهم هي ناقصة عقد
المهم
السؤال ده محرج جدا بالنسبة لي بمعني الكلمة لأنني من البشر اللي بتبدأ في شراء الكتب و البدء في قراتها و عدم تكملتها
فلذلك قلت أكتب كل الكتب اللي لازالت مفتوحة الأن علي أمل إني أتحرج منكم و أكملها

الكتاب الأول
و أنتظرت أن أتعلم درسا من تلك التجربة إلا أنني لم أستوعب منها شيئا يذكر و للأسف فقد مارست نفس التجربة فيما بعد و لكن في مجال التأليف حيث استعنت بأراء جميع المؤلفين الذين كتبوا عن الخطابة العامة و جدواها لرجال الأعمال و اكتشفت أن جميع هذه الأراء متناقضة و من شأنها أن تصيب رجال الأعمال بالسخط و الضيق و ربما ألقي بهذا الكتاب في قارعة الطريق و هكذا بعد أن بذلت جهودا خارقة لمدة عام من أجل تجميع مادة هذا الكتاب و جدتني ألقي به جانبا
كتاب دع القلق و أبدأ الحياة

المؤلف ديل كارنيجي
تعريب أماني ماهر سالم
مكتبة النافذة
بدأت في قرأة هذا الكتاب من ما يقرب من السنة و لم يتنهي بعد


الكتاب الثاني
لو أنك تمكنت من الخروج بهذا الشئ فقط فلسوف يصبح حجر الزاوية في مجري حياتك.
لذلك إذا أردت أن تغير أي إنسان دون أن تزعجه أو تثير أعصابه فعليك بإتباع القاعدة (8) – حاول مخلصا أن تري الأشياء من وجهة نظر الشخص الأخر--
كتاب كيف تكسب الأصدقاء و تؤثر في الناس
المؤلف ديل كارنيجي
تعريب أماني ماهر سالم
مكتبة النافذة
بدأت في قرأة هذا الكتاب منذ ما يقرب من ستة شهور تقريبا و لم ينتهي طبعا
المؤلف بتاع الكتابين دول تقريبا هو منشأ علم البرمجة اللغوية و العصبية
و سمعت أن المؤلف ده أنتحر مش عارف لو في حد عارف الصح يقولي و النبي

الكتاب الثالث
و قد عرفت جما من أصحابي يقلدون الرجل فيما دق أو جل من شأنه كله و يحبون في التقرب إليه أن يكونوا صورا متشابهة من أعماله و أحواله
الكتاب جدد حياتك
المؤلف الشيخ المرحوم محمد الغزالي
نهضة مصر
أشتريت هذا الكتاب في شهر ديسمبر 2006 و لم أنتهي من قرأته
الكتاب ده كتبه الشيخ الغزالي بعد قرأته للكتاب الأول اللي كتبته فوق
يعني نفس الفكرة من وجهة النظر الإسلامية
أشتريت هذا الكتاب بنصيحة من الأنسة رنا إحدي صاحبتين السؤال اللي بجاوب عليه ده


الكتاب الرابع
, but we didn't want seeing home. He received that piece of information with a yell of laughter, and dropped back, but came slouching after us at a little distance

Great Expectations
Charles Dickens
Penguin Popular Classics
تقريبا أشتريت هذا الكتاب في سنة 2005 و لم أنتهي من أول عشرين صفحة في القصة المكونة من 443 صفحة



الكتاب الخامس
و هناك بحث تم إجراؤه علي الفئران لمعرفة قدرتهم علي التصرف فوضعوا فأرا في متاهة في أخرها قطعة جبن و بدأ الفأر يبحث و يبحث و في كل مرة يجرب طريقا مختلفا إلي أن وصل أخيرا لقطعة الجبن و أكلها.

الكتاب المفاتيح العشرة للنجاح
الدكتور إبراهيم الفقي
المركز الكندي للتنمية البشرية

الكتاب السادس

لَيْسَ عَلَى الَّذِينَ آمَنُواْ وَعَمِلُواْ الصَّالِحَاتِ جُنَاحٌ فِيمَا طَعِمُواْ إِذَا مَا اتَّقَواْ وَّآمَنُواْ وَعَمِلُواْ الصَّالِحَاتِ ثُمَّ اتَّقَواْ وَّآمَنُواْ ثُمَّ اتَّقَواْ وَّأَحْسَنُواْوَاللّهُ يُحِبُّ الْمُحْسِنِينَ
الأية 93 سورة المائدة
القرآن الكريم

بدأت في هذه القرأة من شهر رمضان الماضي و مستمر فيها إن شاء الله

أنتم أتخنقتوا صح
هأكتب أسامي الكتب الباقية
Advanced Chemistry Mathews
The Molecular nature of matter and change Silberberg
Introduction to physical chemistry Ladd
نفسي حد يشجعني علي الإنتهاء من قرأة هذه الكتب
منتظر نصائح واقعية أهم شئ الواقعية
سلام
مخنوقين مني صح

9 comments:

مـحـمـد مـفـيـد said...

حبيبي
بجد كتب جميله ورائعه
حاول تخلصها لان القراءه دي متعه

rony said...

ياساتر يارب
ياابنى انت حد بيدفعلك علشان تقرا الكتب دى ومتكملهاش
وبعدين انت كده بتقرا كتاب واحد فى اتنين الكتاب الاول بتاع ديل كارينجى والتانى محمد الغزالى
يلا ربنا يوفقك واضح ان ملكش خلق للقرايه

واحد من الناس said...

كتب رائعه قرات بعض منها
و على فكره كل كتب ديل كارينجي ممتازه و بالذات دع القلق و ابدأالحياه

بس انا نفسي في كتاب جدد حياتك للشيخ الغزالي
لأنه تعريب اسلامي لكتاب دع القلق وابدأالحياه

ومبروك عالتيجان الي بتجيلك
وده دليل انك محبوب من كل الناس

No Fear said...

السلام عليكم

محمد مفيد
قول يارب

روني
مش عارف ليه أنت منتهنضاني خالص
مش فاهم الكلمة اللي كتبتها دي الحقيقة

واحد من الناس
فعلا الكتب روعة جدا بس النفس اللي تخلصها
و الله يا عم لو الواحد يحس أن الناس بتحبه يكون شئ جميل جدا
أنا بفرح فرح مالوش حل لما حد يجي يحكي لي اللي مضايقة بحس إن لي قيمة مش عارف ليه
شكرا لكم جميعا

Carmen said...

no fear

الكتب فعلا جميلة قوى

ولو قريتها كله هاتفيدك..


حاول انك تمسك كتاب كتاب تخلصه ....عشان ماتزهقش لما تلاقيك فتحت كل الكتب دى ومخلصتهاش ...


ولما تخلصهم بقى ...ابقى خش على واحد تانى...


هى الففكرة دى نفعت مع ناس انا اعرفهم ...

جربها وقولى عالنتيجة


وربنا يكرمك

يا مراكبي said...

أيوة إتخنقنا .. قالوا أكتب عن كتاب واحد مش عن كل المكتبة اللي عندك

ههههههه

عموما أحييك على التنوع الثقافي ده

إنسان || Human said...

إيه ياعم كل دي كتب
وبعدين ديل كارنيجي ده تحفه عندي له الكتاب بتاع كيف تكسب الاصدقاء الكتاب ده فادني جدا

baby me said...

no fear
fenk msh bayn lih
enta kont bt2oly an elly nset elblog bta3y
yarab tkon b khir
yaret tetmna 3nnk b2alk ftra msh btktb
hope u r fine

saso said...

طيب نصيحة واحد: ماتاخدش نصيحة من حد لان دي ميول وميولك اكيد هتختلف عن ميول حد تاني
المهم... لو عاوز تجرب انسب وقت للقراية بيبقي قبل ماتنام بساعة الدنيا هديت مفيش جرس تليفون ولا مواعيد وراك
الاهم نقي الكتاب اللي يشدك اوي..لو الكتاب شدك صح مش هتعرف تنام غير ما تخلص منه حبه كتير لو ماتشدتش يبقي العيب في الكتاب ارمية فورا
نصيحة اتنين.. تشارلز ديكنز بجد يجيب اكتئاب ماله ماركيز ومالة دوستوفيسكي علي الاقل مش رغايين وبينقوا الالفاظ المكلكعة كانة عِند
ممم ايه كمان،مش لازم كل الكتب تبقي مهمة ومفيدة لو بتقرا كتاب مهم اقرا معاة رواية او حاجة بسيطة وشوف انت مشدود لانهي اكتر

لما تخلص الكتب او تجيب كتاب حلو ..قوللي علشان اقراة انا كمان
:)