Monday, February 26, 2007

السلام عليكم
أزيكم يا شباب مع إن مفيش زباين من فترة
المهم أكيد الزباين هترجع تاني بعد التخفيضات اللي عملتها
بعد يوم رخم في الشغل و لأنني مضطر معملش عادتي الرائعة و هي النوم لأنني عندي إمتحان في الكورس بكرة و مضطر أقعد أذاكر قلت أجهز محموعة من الأغاني علشان أسمعها و أنا بأذاكر لو ذاكرت المهم معرفش إزاي أيدي وصلت لأغنية عمرو دياب أخر كلام عندنا القدس دي أرضنا و طبعا تذكرت مشهد الشهيد محمد الدرة منظر مؤلم و خصوصا إن أنا أول أما شفته قعدت أقولي زي المجنون هم قتلوه قتلوه قتلوه فاكر اللحظة دي كويس جدا
المهم جه علي بالي إنني عاوز أساعد في تحسين حالة البلد دي بجد البلد دي ممكن تكون حلوة قوي بجد
و ربكم و الحق أنا بخاف جدا من الشرطة الحقيقة يعني
بس جه علي دماغي سؤال هم إزاي الناس دي بتعمل كده التعذيب و التخويف و بهدلة الأهل ليه في سبيل أية يعني أنا ساعات بأتنرفز علي صحابي و أقول لهم كلام جارح ممكن ما أنامش من تأنيب الضمير إزاي الناس دي ممكن تموت بني أدم برئ أو حتي مش برئ بس عقوبته متنكش الموت و التعذيب و البهدلة و الأهم أية ذنب الأهل مثلا لو في حد منهم مش كويس
بجد شعور الغدر لما يكون من حد قريب منك بيكون صعب قوي
يعني مثلا أيام إحتلال الأنجليز علي ما أعتقد اللي كان مضايق الثوريين و يخوفهم أكتر من الإحتلال هم أعوان الإحتلال لأن الإحتلال معروفين المشكلة في أعوانه اللي مش معروفين
و برده خطر علي بالي دلوقتي كمان منظر بشع للأسف شفته علي موبايل واحد صاحبي مشهد نحر واحد بيقولوا أنه جاسوس لأمريكا في العراق
مين أنتم علشان تحكموا عليه و تنفذوا الحكم
و كمان الطريقة دي علي ما أعتقد و أعرف عن الدين العظيم اللي هو أعظم نعمة من نعم ربنا علينا الإسلام مش بيقول كده خالص و لا حتي فيه حاجة ممكن يحصل فيها لبس يؤدي لفهم حاجة زي كده غلط
مش عارف إزاي إي بني أدم أصلا يموت و لا يعذب أي بني أدم تاني بصرف النظر عن دينه و جنسيته و عقائده مش عارف
بس هأقول أية دي حكمة من حكم ربنا في الكون
يارب جنبنا هذا الظلم و أرفع مقتك و غضبك عنا
في جملة قرايتها النهاردة للأسف علي عربية نقل بس هي جملة قرأنيه
و هل لك في الأمر من شئ
سبحان الله
الجملة دي ريحتني قوي لما قرايتها يارب تريح كل اللي يقراها و شايل هم لحاجة تشغله
ربنا يوفقنا جميعا

3 comments:

esraa said...

أنا أول واحده(:
بص ياسيدي اللي بيعذبو الناس دول, مش أولاد ادم, دول أولاد قابيل, عارفه, أها اللي قتل أخوه ده.
ربنا يهدي المصرين والعرب كلهم لأن فعلا الحاله كده بقت صعبه أوي وصعب بجد ان حد يستحملها.
وفعلا لو كل صاحب هم يرمي همه علي ربنا, ويعرف انه هيفرجها هيستريح كتييييييير, لا تقل يارب عندي هم كبير ولكن قل ياهم عندي رب كبير.

ibn nasser - ابن ناصر said...

بص يا سيدي أنا هاريحك بالنسبه للشرطه فاللي بيعملوا كده دوول مرضي وأنا بكلمك بأسلوب علمي لان اللي بيعمل كده ده شخص سوداوي ومريض لانه بيتلذذ في الام الاخرين وده المفروض يخضع لعلاج ,, هتقولي يعني كل ظباط الشرطه اللي بيعملوا كده مرضي أقولك أه لكن كل واحد مريض من حته مختلفه وبالنسبه للعراق هاقولك حاجه واحده انا عارف الاسلام مأمرش بكده لكن لا تستطيع أن تحكم وأ،ت ليس في ميدان المعركه وشكرا لك واسف علي التطويل
وتحياتي

lost said...

elaya d ry7t alby bgd
rabna yry7 albk dymn:)