Wednesday, November 29, 2006

السلام عليكم
أزيكم يا من أتمني تكونوا فعلا أصدقائي
مش عارف ليه نفسي أكتب بوست عن روني
بصراحة أنا حتي وقت قريب جدا جدا كنت شايف إن الصداقة بين بنت و ولد حرام أو مالهاش لازمة
علشان كده عمري ما حاولت إني أكون صداقة مع بنت
و كنت طبعا نفسي أحب و أعيش حالة حب بس
مش صداقة
المهم فشلت طبعا تريليون مرة في الحب لأني كنت عبيط جدا في الموضوع ده الطريقة يعني
المهم بعد كده بعد التخرج من الكلية أتعرفت علي رنا عن طريق النت
و كعادتي في صداقات الشات كنت بعد شوية بأقول رأي في العلاقة بين البنت و الولد
و كتير فقدت ناس كانت ممكن تكون أصدقاء كويسة جدا معايا بسبب الرأي ده بنات طبعا
لكن روني حصل معها كده بردو و فعلا قعدنا ما يقرب من سنة منتكلمش مع بعض بس معملناش بلوك لبعض
لغاية فترة قريبة أنا بدأت أتكلم معها مرة تانية
و بجد عرفتني أنه ممكن يكون في صداقة بين ولد و بنت و عرفتني أنه ممكن يكون أصلا في صداقة كويسة بين إنسان و إنسان
المشكلة بس أنها في الفيوم و أنا في القاهرة
بس بجد كان نفسي أعترف بجميلها علي أنها أستحملتني و وافقت تكلمني تاني أصلا
و أتعلمت منها حاجات كتير
ده حتي هي اللي عرفتني علي عالم المدونات الرائع ده
ياريت نكون أصدقاء علي طووول يا رنا
شكرا يا رنا

11 comments:

rony said...

اخجلتم تواضعى والله العظيم
وانا والله بعتز بصداقتك وثقتك فيا اوى وربنا اللى يعلم ومش زى ما افكارك السوده دايما بتصورلك
يامحمد لازم تفهم ان الصديق مش بيستنى كلمه شكرا من صديقه ....ومش بيستنى ان صديقه يقولى استحملنى او متسبنيش او ياريت نفضل اصحاب على طول...لانه غالبا بيبقى امر واقع
بس المهم اننا بعون الله قادرين على امداد الصداقه ان شاء الله لاولادنا
بس والنبى بلاش نكد وسلبيه علشان انت عارف انى بتخنق من الحاجات دى اوى
ولو فى حاجه كويسه فى حياتك ممكن يكون فيه اكتر بس انت قول يارب
ربك لما يريد
الصعب بيتهون
والحزن بيتلون
طول ما الايد فى الايد
ربك لما يريد
هلاقيك بتقربلى
تفتح حضنك قبلى
ولا فيه بينا حدود

حب كأنك حلم معدى
عيش عيش
متخلياش ولا ثانيه تعدى
عيش عيش
خد من حبك اروى حنينك
واقسم حزنك بينى وبينك
وارضى بكل اللى بيتقسم
ده المكتوب مكتوب

nor said...

أحم احم ... نحن هنا
ايه ده
انا كده هغير
مش عارف مش لازم فكرتك تكون غلط او صح
بس تعرف احنا مش ملايكة احنا بشر
والعملية بتاخد وضعها في النهايه..

saso said...

اخيييييييييييييرا
الحمد لله ..كده انت مقتنع انك ممكن تتعامل مع انسان مالوش ذنب ان كروموسوماتة جت غلط وتقاطعة لمجرد انه مش ولد
يارب تفضلوا دايما اصحاب..واحنا كمان صحابك طبعا
:))
بليييز خلي الموود الحلو ده حبة

dandana said...

مش مهم صدقك بنت ولا ولد

المهم انه يكون فعلا يستحق كلمة صديق

جميل انك تقدر تطور افكارك...لو ماتغيرتش ماتبقاش عايش

وربنا يديم صداقتكوا

mariam said...

الحمد لله اتأكدت انك لو بصيت هتلاقى صحاب
على العموم شكرا لرنا

allfollowsome said...

ربنا يخليكو لبعض اقول ايه يعنى

Tamer Nabil Moussa said...

الصداقة هيا الصداقة سواء بنت او ولد لان الاثنين انسان المشكلة عندنا ازمة ثقافة

تحياتى محمد

We2am said...

esh6a..rabna ye7'lko so7ab 3la6ol..w kowes enk bt3'yar r2yak amate3rf eno 3'l6 :))

عبدالله مفتاح said...

طيب اقول رايي

بص يا سيدي

انت لما تقول ان الصداقة حرام ده راي
انك تكون صداقة ده مينفيش انه حرام
ده اولا

ثانيا: كلام النت لا يعتبر صداقة فالواقع شيء آآآآآآآآخر

ثالثا: لو عندك ايميل كممكن تضيفني عشان عايز اقول كلام بيني وبينك
و...تقبل تحياتي

wantedkey2@yahoo.com

عبدالله مفتاح said...

لحسن كلامي يزعل روني ولا حاجة
روني انا مش هجيب سيرتك خالص:)

بس انا حاسس انه خام شوية وطيب شويتين بس هحاول اخربشه:)

نو فير اوعى تزعل مني اظن اننا ممكن نبقى حبايب

Adham Khairy said...

Man, you've become my friends since you stepped in to my blog. I'm sorry I deleted my comment prematurely but I'm sure you will find it in you e-mail inbox! cause I get notified every time somebody leaves a comment on my blog, thats the only reason why I erased it!

Anyways, I'm frequenting your blog now, and I'm going to open the subject of "love" soon and I'll be really glad to have your input on it.

Thanks for linking to my blog too, you're the first one to do it I guess, I'm really flattered.