Friday, December 18, 2009

أفتكرت

المريلة البمبي بتاعت حضانة عمر بن عبدالعزيز
باب العربية لما أتقفل علي صباعي و فرمة
مريلة حدائق شبرا الكحلي الكاروه
أبلة هانم أهم شخصية اثرت في حياتي مدرستي من أولي لتالتة إبتدائي
أحمد و طارق و هيثم و محمدات كتييييير و نشوي و فاطمة و أسماء زملائي في إبتدائي
أستاذ حمدي و أستاذ سعيد
مدرسة الترعة في إعدادي خصوصا سنة أولي السنة الوحيدة اللي في حياتي كانت فترتين
مدرسة التوفيقية ثانوي و مايكل جاكسون و أيشة الشاب خالد
التمثيلية اللي كانت بتيجي الساعة 12
سنبل أبنائي الأعزاء شكرا ضمير أبلة حكمت أبو العلا البشري (إحنا الثنائي محسن و عمرو
ميعاد الفطار عند جدتي الساعة تمانية الغداء أتنين و نص العشا براحتي لما أطلع من الشارع
مدرسة الكورة بنادي إسكو و الرجل بتاع السجق اللي جنب النادي و التروماي اللي أتلغي
أيام الإمتحانات في إبتدائي لما كنت بأذاكر المنهج كله من الأول للأخر مرة تانية ليلة الإمتحان
رحلات الدروس الخصوصية في البيت و الشارع
فاكرين الأذان كان زمان إزاي كان جميل قوي خصوصا أذان الضهر في التلفزيون كان جميل قوي
فاكرين بقة الموسيقي بتاعة الأذان علي القناة التانية
الشيخ الشعرواي يوم الجمعة الساعة أتنين
عالم الحيوان و سر الأرض
تتر الماتشات بتاع زمان هييييييييييييييييييه
سينما مودرن و شبرا بالاس اللي اتهدت و أفلام نادية الجندي و فيفي عبده و عادل إمام
مترو شبرا لما كان بيتعمل و قافل شارع شبرا
الزلزال بتاع 92 لما أخدنا أجازة بتاع شهر في البيت
عفت نصار و إسماعيل يوسف و أحمد رمزي و إيمانويل و حسين السيد و هشام يكن و جمال عبدالحميد و أشرف قاسم و أيمن منصور و نادر السيد و حسين عبداللطيف و الجوهري لما درب الزمالك
و لما مدرس الرسم قال كل واحد يرسم حلم حياته و رسمت ملعب كورة
الشارع و لعب الكورة
بيت هاني صاحبي اللي كنا بنقضي عنده النهار
لما كنت بألعب كورة أنا و أخويا في الشقة و لما نتخانق مع بعض و نضرب بعض و الجيران تقول لماما و هي راجعة من الشغل حرام اللي بيعملوه في بعض ده

14 comments:

Towtor said...

Welcome back
i'm checking yr blog every day for a new post , lovely memories , i've almost the same memories about TV , life was simple and less noisy , u forgot "amany we aghany " , morning of rainy days , simple problems, great dreams , hope to live these days again .

Meshmesha

No Fear said...

Towtor
السلام عليكم
كل يوم
علي أية يعني؟
ده أنا كده أكتب بوست كل يوم
:)
بالنسبة لأماني و أغاني
أنا في حاجات كتير مكتبهاش لأني حسيت إني كتبت البوست ده قبل كده
:)
فاكرة أنت برنامج حياتي كان بيجي يوم الجمعة الساعة خمسة تقريبا كان برنامج نكدددددددد

Anonymous said...

eh elhodo2 elly fe elpost da ??? :) tt7esed

:P

Anonymous said...

Nice post ... still you can never be back home :(

Zoomy

رفقة عمر said...

فعلا احلام ايام هى ايام الطفوله
وتقريبا كل الجيل بتاعنا مشترك فى نفس الذكريات
سبحان الله
كانت ايام جميله قوى
فى الزمن د نقول ليت الطفوله تعود يوما

Anonymous said...

السلام عليكم
ذكريات جميلة فعلاً

فاكر بوركينا فاسو في 98 ولا فاكر محاولة إغتيال الرئيس في 95
كل تلك ذكريات تضاف لجيل تلك المرحلة

Ola said...

السلام عليكم
إزيك يا بشمهندس؟ سبت المصنع؟ عرض المعمل مازال قائما بالمناسبة! والله الأيام دي مافيش أحسن منها، فين بقلظ و كرنبة و ماما سامية شرابي:) عام سعيد ان شاء الله

فى القلب said...

مع أنى اكبر منك بعشرسنين و بالمناسبه كل سنه و أنت طيب ولو أنها متأخره
نرجع بقه لموضوع البوست
مع انى اكبر منك بس صدقنى كنت مستغربه لان زكرياتك هى نفس زكرياتى

No Fear said...

P:
السلام عليكم
الهدوء الذي يسبق العاصفة
:)))

No Fear said...

zoomy
السلام عليكم
أنت جاي المدونة علشان تقرفني
ياأخي سيبني أفضفض شوية
هو أنا قتلك الماضي هيرجع

No Fear said...

رفقة عمر
السلام عليكم
الحمد لله عشنا أيام حلوة
و إن شاء الله اللي جاي أحسن

No Fear said...

أحمد شريف
السلام عليكم
منور المدونة
بس محاولة الإغتيال من ذكريات الجيل
يمكن
:))
بوركينا فاسو لا كأس العالم تسعين هو اللي ذكري
عدالة السماء إلي أرض باليرمو
انت شكلك أصغر مني و لا أية؟
:)))

No Fear said...

Ola
السلام عليكم
طيب أستني شوية لحد سبعة يناير و هأرد عليكي
و أقري البوست الجديد
:)))

No Fear said...

في القلب
السلام عليكم
أية الغيبة الطويلة دي
الذكريات سهل جدا تكون مشتركة أنها كانت مرحلة طويلة قوي من الأشياء المشتركة