Tuesday, June 09, 2009

أزمة قلبية

السلام عليكم
أزيكم يا شباب أخباركم أية و الله ليكم وحشة
طبعا أنت عارفين إني لسه معايا مادتين من التمهيدي اللي هأخلل فيه ده من السنة اللي فاتت
و الله التمهيدي ده جميل قوي الواحد مش عارف مصمم و صابر عليه ليه يعني جربت في القاهرة و بعدين رجعت لحلوان و شيلت مادتين و كملت بردوا
المهم امتحنت مادة من كم يوم و طبعا مادام مكتبتش فمحدش يسأل عملت فيها أية الحمد لله علي كل شئ المهم بقة المادة التانية كانت النهاردة هي في الأصل كمبيوتر تتضمن مقدمة إتش تي إم إل و أي سي دي إل و جزء من الكيمياء محدش يسأل إزاي جزء الكيمياء ده المهم
المفروض كان في جزء أكيد من الكيمياء جاي و جزء بونص و الباقي بقة كمبيوتر
انا من أمبارح أخدت أجازة من الشغل و قاعد أحرت في الإتش تي إم إل و أفتح موديولات الاي سي دي إل و كنت بأستغرب و أنا بأذاكر
كان نفسي أكمل في نفس المود اللي بدأت فيه الكتابة بس الحمد لله قدر الله و ما شاء فعل بس هأكمل بردوا
المهم و أنا بأذاكر كنت بأستغرب إزاي الدكتور هيمتحنا في الكلام ده بالكتابة ياربي إزاي إزاي
الي أن ذهبت للإمتحان مش عاوز أقولكم دي أول مرة تقريبا في حياتي الدراسية كلها أروح الإمتحان علي وقته بالظبط دايما بأروح بدري و أحب أقعد أراجع و أهرج شوية قبل الإمتحان سواء مذاكر و لا لا المرة دي أتأخرت
المهم دخلت الإمتحان
أن أن أن
لاقيت السيكشن كله مردوم لاب توبات و الناس عمالة تقول أوبن بوك و في بنت كانت معايا السنة اللي فاتت جت لي و حاسة و شايفة شكلي عامل إزاي قالتي يا محمد الإمتحان أوبن بوك خد معاك أي ورق قلتلها ورق أية أنا حفظت كل حاجة و الدكتوة اللي واقفة تراقب علينا تقولي يابني خد أي ورق معاك أعمل أي حاجة أقولهم أعمل أية بييييييييييه و قلت بقة كمان الدكتور طالب عملي و أنا كده خلاص ضعت و كنت خلاص علي وشك ألف و أروح مهو مالوش لازمة بقة أكمل و كان نفسي أتف تفة كبيرة كده علي كل العيال اللي في السيكشن اللي كانوا معايا السنة اللي فاتت و السنة دي محدش منهم يقولي حتي علشان الصدمة يعني
يا جدعان منظر اللاب توبات في اللجنة يخض
و حظي الهباب كمان كنت قاعد في الأول و سامع نقاشات الدكاترة اللي بتوزع الورق ده إمتحان عبقري سابق زمانه أية التهريج ده مش في لايحة
قلت اللهم صلي علي النبي إذا كان الدكاترة عاملة كده أنا بقة هأعمل أية
و الورق أتوزع ثواني أروح أعده لكم أررررربعتاشر ورقة سبع ورقات وش و ضهر قلت تمام كده وضحت الرؤية الحمد لله الإمتحان نفسه أتحل في خمس ورقات تقريبا لأنه كان إختياري و أسئلة تتجاوب في سطر واحد بس مش عاوز أوصف لكم شعوري و أنا داخل اللجنة و ألاقيها كلها لاب توبات ربنا ما يوريكم
و أنا عمال أحفظ أكواد حفظت أكواد الإتش تي إم إل يا جدعان مش ممكن يعني ده أنا حتي مبصيتش في الورق اللي الدكتور كان جايبة إسترشادي في الأررررررررررربعتاشر ورقة
ختاما دعواتكم علشان الواحد خبط شوية في المادة اللي فاتت و ربنا يستر و يارب النتيجة تظهر بسرعة بقة علشان الواحد يعرف راسه من رجليه و يعرف هيعمل أية
أمانة عليكم الدعاء بالتوفيق في كل حاجة
.
إضافة بسيطة و أنا راجع من الإمتحان لفيت لفة غريبة و عجيبة المهم وصلت لشئ غريب قوي إن لو واحد ماشي دايما في إتجاه واحد و فجاة رجع نفس الطريق بس في الإتجاه العكسي بيشوف حاجات كتيييييييييير جديدة قوي
و يبقي حد يقابلني لو فهم حاجة علشان أنا أساسا مش فاهم
.
الواد عمر بيقولي عاوز أعمل ال كا تا كيت مش عارف أعمله الكتاكيت مع مين
؟؟؟؟؟؟؟؟؟؟
:)

3 comments:

No Fear said...

أية يا جدعان الإستهبال ده و لا تعليق ماشي يا بني أدمين

Pinky said...

لا انا هعلق اهو
متزعلش انت بس
هدعيلك انن شاء الله ومتقلقش
عشان احنا لو دورنا هنلاقي نفسنا كلنا بننجح بالدعوات اساسا بانظمة التعليم الهايلة اللي احنا فيها دي
بس انا لحد دلوقتي مش فاهمة ازاي انت مكنتش عارف ان الامتحان اوبن بوك؟؟
اول ما تفهم موضوع الطريق الاتجاهين ده قولي
سوري على التاخير بس الامتحانات وما ادراك اكيد انت فاهم بقة
ربنا معاك ومعانا والنتيجة تظهر بقة
سلام

No Fear said...

Pinky
السلام عليكم
ربنا يوفقك و ربنا يكرمك رفعتي من روحي المعنوية كنت فقدت الأمل إن حد يعلق بس اللي كان مصبرني إني كنت متأكد إن في اتنين علي الأقل قروا البوست و معلقوش
:)
.
مكنتش عارف موضوع الأوبن بوك علشان مكنتش بأحضر و كنت علي إتصال بناس بأخد منها ورق
.
موضوع الإتجاهين
ملخصه
إن إن شاء الله الحياة فيها أمل
و ربنا دايما بيرزق بالخير في كل حاجة
.
ربنا يوفقك و ننجح كلنا في كل حاجة