Thursday, December 11, 2008

هلاوس عيد 2

متهيألي مفيش حد غيري بيدون في العيد حتي الناس اللي بتتدخل علي النت في العيد مش بتفكر تتدخل علي المدونات
.
حاسس إني هأتجنن خلاص
.
نفسي أحط صورة واحد ماشي علي شريط قطر و مدي ضهره للناس و ماشي و ماشي و ماشي
.
ساعات بأحس إني بدأت أرجع زي مسلسل سارة في أخر حلقة و الغريب إني بأحس بالموضوع ده جسديا بجد
.
طبعا صحابي نكدوا علي أهلي أمبارح أو أول أمبارح بالتحديد و رحنا قريب من بيتها قوي قوي قوي
.
عمال باهبل و أعمل حاجات غريبة
أضيف ناس علي المسنجر
أرخم علي ناس في الفيس بووك
محدش يزعل
أعذروني
ضايع
.
بأدعي ربنا إنه لو أختبرني تاني بأي حاجة مكنش بالضعف و القرف اللي كنت عليه في الموضوع ده
.
زهقااااااااااااااااااااااااااان
.
حاولت أشغل نفسي بس بردوا بألف ألف ألف و أتعب نفسي و أجهد نفسي بس بردوا أرجع و أعمل بلاوي
محدش يسأل أية البلاوي دي
.
تعبااااااااااااااااااااااااااان
.
الحمد لله علي الأيام الجميلة معها
.
كنت حسيت خلاص إني فقت و الدنيا أهيه هتمشي
أية اللي حصل بس
.
تخيلوا دخلت نمت حوالي ساعة منها نص ساعة عياط و لا يهمني و نص ساعة نوم و صحيت فايق جدا و كتبت البوست العبقري ده
.
مش عارف أعمل أية؟
ده أنا حتي مش عارف نفسي في أية؟
بالرغم من إني لسه معيط بس نفسي فيه تاني
:)
.
أنا يمكن مكنتش فارق معها
بس هي كانت كل حاجة بالنسبة لي
يمكن ربنا حرمني منها علشان كده
.
حاسس إني هأخسر ناس كتير قوي قوي قوي الفترة دي
ربنا يستر
.
نفسي الواحد يكون عنده المقدرة يقول ستوب و أفكر في اللي حصل لي و أعيد حسباتي بس ده شئ صعب أقرب للمستحيل
.
تعرفوا أجي أستغطي باللحاف أكون حران جدا و أتخنق منه و أجي أشيله من فوقي أبرد جدا
.
يااااااااااااااااااااااااااااااااااااااااارب
هو أنا لو دعيتك ترجعها لي يبقي غلط
أستغفر الله العظيم
أةةةةةةةةةةةةةةةةةةةةةةةةةةة
يارب
يارب
يارب
يارب
يارب

8 comments:

Bella said...

ازيك يامحمد
كل سنة وانت طيب
وعيد سعيد

انا نفسي بجد تطلع من الحالة اللى انت فيها دي وتعيش حياتك
مش باقول لك تدوس على زر تنساها فتنسى مباشرة

بس حاول تخرج نفسك من الحفرة العميقة اللى انت رامي نفسك فيها بمزاجك دي

يعني مثلا حاول تجرب تمارس اي هواية جديدة
شوف انت كان نفسك تتعلم ايه او تعمل حاجة ماعملتهاش قبل كده واعملها

هات كتاب كوميدي ظريف واقراه يضحكك شوية بدل ماتبقى قاعد لوحدك وتبكي

شوف

هات كتب احمد رجب
روح اي فرع من فروع اخبار اليوم ح تلاقي كتب احمد رجب
هات واحد بس وخللى الباقيين للمعرض واهو قرب اهو

حاول ماتقعدش كتير لوحدك

ولو لقيت نفسك مش عارف تنام هات اي كتاب اقراه ح تلاقي النوم كبس عليك بسرعة

دي وصفة مجرباها بقالي فترة وبتنفع كويس

ربنا يفك كربك ويفرج همك
ويلهمك النسيان يارب

عايزة اسمع منك اخبار كويسة الايام الجاية بقى

وجهز نفسك لمعرض الكتاب وشوف ح تشتري ايه منه

اغلبنا بيبتدي يجهز قوائم كتب

اعمل زينا واشغل نفسك بالحكاية دي

ربنا معاك

تحياتي

Bella said...

باقول لك صحيح
ماتيجي الجايكو

القعدة هناك مسلية قوي فيها رغي وحواديت للركب

لو عايز دعوة عرفني وانا ابعت لك دعوة عليه

No Fear said...

Bella
السلام عليكم
و انت طيبة عيد سعيد علينا جميعا إن شاء الله
و الله أنا نفسي أخرج من الحالة دي أكتر منك
حاولت حاجات كتير و تعبت و شغلت نفسي بس مش قادر أشغل نفسي علي طول بمجرد ما بأقعد مع نفسي بافتكرها و بيكون نفسي أتصل بيها احكي لها علي كل حاجة عملتها
المشكلة الكبر إن أنا بقيت أحس إني رخم في اي خروجة مع حد لذلك مش باخرج كتير بأحس إني هأزعل الناس مني و مش هتفهم اللي أنا فيه علشان متعرفوش أساسا
فبتكون النتيجة الوحدة ذاكرت قريت حاجات للشغل قريت روايات كله مفيش فايدة
أنا بأنام و أصحي الأقي نفسي بأفكر فيها
ربنا يقدم ما فيه الخير
الحمد لله
شكرا علي إهتمامك

صاحب المضيفة said...

اتغطى باللحاف ولون حياتك بالطاعة وكل سنة وانت طيب يا جميل


اوعى الدنيا تاخدك وخليها دايما في ايدك مش في قلبك


تحياتي يا رقيق

No Fear said...

صاحب المضيفة
السلام عليكم
و أنت طيب و بخير دايما يارب
نورت المدونة من جديد
انا أتغطيت لحد ما الأجازة خلصت
الحمد لله الدنيا مش قلبي هو شئ واحد بس اللي في قلبي

new life said...

مش هقولك نصايح تانية لإنك واضح انك مازلت مصر انك تخنق كل حاجة حلوة جواك
بس هدعيلك ربنا يعينك على نفسك

No Fear said...

new life
السلام عليكم
مش عارف ليه أنت داخلة بتتخانقي معايا
:)
شكيت فيكي في الأول إنك أنت هي مش عارف ليه
بس طلعتي زهرة الياسمين
أنت ليه غيرتي المدونة
كل سنة و أنت طيبة

Frustrated said...

ماهو انت مشممكن تقنعني ان مافيش حاجة أبدا ممكن تخرجك من جو الآبة ده!!! دور يا محمد و أكيد حتلاقي، و بعدين بجد حاول تقرب من ربنا أكتر من كدة!! الأمور كلها حتتبدل لأحسن حال ان شاء الله و سعتها ممكن تنسى الدنيا كلها.
انت عارف، التدين الحقيقي يأتي دائما بعد هزة عنيفة تصيب الانسان، فيلجأ الى الله بكل جوارحه و يستطيع عندها التغلب على كل آالمة و يخرج من أزمته أقوى بكثير مما كان.
ممكن تجرب تسمع سلسلة العبادات لعمرو خالد، أكيد حتفيدك ان شاء الله