Monday, July 07, 2008

يوم الأثنين
السلام عليكم و رحمة الله و بركاته
.
مش عارف أية الداء المنيل ده الواحد مش بيكون مفيش في دماغه حاجة يكتبها و فجأة تلاقي مواضيع كتيييير جت علي دماغك
.
أولا ألف مليوووووووووووووون مبروك لأنجي سمراء النيل و طارق و ربنا يكرمهم يارب و يرزقهم بالذرية الصالحة هم الحمد لله أتجوزوا أمبارح يوم الأحد
.
أنا مؤخرا بصراحة مليان إحباط و نكد داخلي بالرغم من إني بأضحك بهبل علي طول و حاسس إن مفيش أمل بس فرح إنجي و طارق حاسسني إنه في لسه أمل محدش يسألني ليه حسيت كده و خلاص و فرحاااااااااااااااااااااااان قوي ليهم و كمان فرحااااااااان أكتر علشان أفتكروني و عزموني علي الفرح إحساس جميل قوي إن حد يهتم بيك و يعزمك علي حضور أهم مناسبة في حياته بتحس بقيمتك عند أي حد يعمل معاك كده
.
و طبعا كمان سعيد قوي إني مدون و لو لم أكن مدون لوددت أن أكون مدون
.
أنا بداية معرفتي بإنجي كانت طبعا منين من التدوين المهم بعد كده حصل لقاء الأول لي مع المدونين في دار الأوبرا و بعده كرهت نفسي و كرهت المدونين و كرهت كل حاجة و قررت مش هأقابل مدونين تاني و يمكن أكون قررت عدم التدوين مرة تانية و بعد فترة كنت بأكلم إنجي علي المسنجر و قالت لي فاضي بكرة كان يوم سبت عمري ما أنساه قلتلها لا قالت لي تعالي هنتقابل مجموعة من المدونين طبعا قلتلها حد الله مش هتتكر تاني قالت لي لا تعالي العدد هيكون قليل و بالفعل رحت و قابلت أحمد الهواري و واحدة مش بتحب أقول هي مين و أنضم لنا أشرف توفيق و واحدة صحفية و أخيرا طارق اللي بجد متكلمتش معه كتير بس هو تحس إنه شبهي قليل الكلام فطبعا أنا قليل الكلام و هو قليل الكلام فأكيد متكلمناش كتير و بعد كده دخلنا فيلم كده رضا و رقبتنا أتعوجت من المكان اللي كنا فيه
.
المهم بعده بأسبوع أتكررت الخروجة تاني و كانت أجمل و أجمل قابلت فيها حبيبي مصطفي الحسيني و الهواري مرة تانية و رشا مكان في القلب و ابراهيم محسن فاوست
.
و بجد مش هأقدر أوفي حق إنجي في إنها عرفتني علي الحسيني اللي مقابلته شجعتني علي مقابلة مفيد و منذر و كانت الإنطلاقة
.
شكرا لإنجي و الحسيني و مفيد و منذر و مانو و ساسو ورفقة و رنا ووووووو المدونين كلهم بجد أنا مش بازهق من إني أقول أنا سعيد قد أية إني مدون و سعيد قوي إني منضم للعالم ده و بجد يعني لو مفيش غير التدوين في حياتي هأكون أسعد إنسان
شكرا لكم كلكم بجد
.
نخش علي النكد
إحساس الفشل الإحساس ده كل أما أنساه أرجع و أفتكره تاني
مش معتبر نفسي ناجح في أي شئ حتي معاملة الناس
في الشغل فاشل في البيت فاشل ربنا يستر و انجح في التمهيدي
يوم السبت
مش عارف ليه البوست ده أتأخر قوي كده بدأت كتابة فيه من الأثنين و لحد دلوقتي عمال أكتب تقريبا محدش هيعلق مش مشكلة
.
أمبارح كنت رايح عند واحد صاحبي ظبطت نفسي بأعمل شئ مقرف جدا جدا وقعدت أقول هو ده محمد اللي كان و كان و كان كنت هأعيط كان نفسي أكلم أي حد في التليفون و أعيط له ناس كتير جت علي بالي أتصل بيها بس قلت لا مش هأتصل بحد بلاش معيلة بس للأسف مفيش جديد القرف اللي الواحد فيه لسه فيه
و الحاجات السيئة اللي الواحد بيعملها بيزيد فيها
و مش قادر يبطلها
.
يوم الخميس رحت عملت مقابلة في شركة موارد بشرية و دي طبعا مقابلة أولية علشان الشركة اللي منزلة الإعلان و طبعا فشلت ياجدعان
طظظظظظظظظظظظظ
بتقولي تذكر موقف أقنعت فيه حد بفكرة
هو أنا باكلم حد علشان أقنع حد
بلا هم
طظظظظظظظظظظظظ
.
المدير بتاعي أستندل معانا كلنا و نزلنا في الحوافز
طظظظظظظظظظظظظ
.
قاعد لوحدي خميس و جمعة و سبت أحسن حاجة في الدنيا
.
ناوي أنعزل عن الناس في الشغل
أحسن
طظظظظظظظظظظظظظ
.
محدش هيعلق
طظظظظظظظظظظظظظ
.
كله بيفتي في كله
انا كمان قررت أفتي في كله
مش هأعمل زي ما بأعمل و مش بتكلم غير في اللي فاهمه
لا مش هيحصل هأفتي في البتنجان و لا هيهمني
.
هاروح أصب النسكافيه و أجي
و لا مجيش
طظظظظظظظظظ
.
الواحد بيشوف حاجات من ناس بيتسغرب إنه حتي مفكرش في كده و بيستغرب أكتر إن الناس فكرت في كده
.
في طالبة جت المعمل تدريب في الصيف يعني أنا شرحت لها كل حاجة في قاعدة واحدة لأنها مش المفروض تأخد التفاصيل علشان هي مش هتشتغل دي تدريب طبعا الناس كلها في الشغل أستنكرت و أدانت و شجبت الموضوع ده
و كله طبعا بعد كده عمل فيها الشهم النبيل و هو شرحها لها طيب ليه مش من الأول يلا عالم تافهة
في واحد شرح لها حاجات مشرحهاش لي لحد دلوقتي و أنا بقالي سنتين في الشغل
.
نفسي أنفجر يا جدعان مش هينفع كده
.
حتة الحديدة علي رأي إنسانة اللي الإنسان بيشلها اللي إسمها الموبيل ده مالوش لازمة غير إني بأسمع فيه القران و الأناشيد و الأغاني و أنا رايح جاي من الشغل
الشغل اللي هو شغل الروتين و البزرميط اللي أنا فيه اللي بقالي شهر معملتش حاجة
.
في أخبار تقلق عن بعض الدكاترة في التمهيدي
طظظظظظظظظظظظظظظظظظظظظ
بس ربنا يكرمكم أقفوا جنبي لو لا قدر الله حصل شئ علشان هتكون مرحلة صعبة جدا
.
هو الحال هيفضل كده
أفففففففففففففففففففففففففففففففففففففففففففففففففففففف
أتخنقتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت
فين الناس
و لا أنا مش من الناس

5 comments:

Hu-man said...

إيه ياعم اللي انت عملوا في نفسك ده ..حرام عليك ياأخي ..إيه جو الإحباط اللي انت فيه ده ...
بص ياسيدي الدتيا فيها الحلو والوحش..انت نفسك ذكرت في البوست وجهين للحياة ..عادي جداً ولايهمك ..إتحدى نفسك وإثبتلهم العكس ..اما عن الحاجات الوحشة دي اللي انت بتعملها ..قوم دلوقتي حالاً صلي ركعتين ..بإخلاص إطلب اللي انت عايزه من ربه وإنشاء الله ربنا هايسترها معاك
...
في كتاب جميل قوي أنصحك بيه إسمه لاتحزن أكيد تعرفه
والبوست الجاي انشاءالله عايزه مليان تفاؤل

hend...hanady said...

انت جبتلى اكتئاب طب بالمرة ما كنت تخش على اكتئاب نشرات الاخبار والبلد اللى باظت علشان نخلص ونولع فى نفسنا
المهم روق كده وسيبك من اللى فات وركز على اللى جاى وان شاء الله هتروق وتنجح

فى القلب said...

محمدأنا أسفه مقرأتش الموضوع ده ألا الأن
كان الجهاز عندى عايز ريستارت عشان يشوف جديد المدونات كان بيشوف المواضيع القديمه بس

شكراااااااااااااااااااااااااااااااااااااااااااااااااااااااااااا أوىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى من العمق على المشاعر دى والله أنا كمان حبيت التدوين لما قابلت ناس زيكم دمتم لى الى الأبد

سمر الشافعى said...

والله دا نفس احساسى دلوقت بس مش قادره اقول طظظظظظظ زى ماانت بتعمل ونفسى اتكلم فالتليفون واعيط انا كمان بس مش لاقيه حد اكلمممممه

أحمد عبد العدل said...

السلام عليكم
عارف ان أحلى حاجة فى الدنيا الأمل..أكيد عارف طبعاً
طيب جربت عمرك ما تفقده؟
لسبب بسيط اننا لسه عايشين يعنى فى وقت لسه جاى .. ليه تفترض انه مبيحملش حل لكل همومك ؟هو ربنا سبحانه وتعالى مش قادر على ده؟
حالة واحدة بس أقوللك فيها اكتئب .. انك تكون واخد قرار انك تكتئب غير كده لازم تعيش على الأمل حتى لو هتبدأ من جديدة قصة جديدة كلها نجاح ولو اتأخر شوية النجاح يبقى أكيد هتكون كلها أمل لأن الحياة ...لسه
اسف للإطالة وتقبل مرورى