السلام عليكم و رحمة الله و بركاته
أزيكم ياشباب أخباركم أية؟
واحشني من زمان نفسي أكتب لكم من زمان لكن بقة ظروف النوم و الأنتخة تحول دون ذلك الواحد حاسس بحالة ملل زيادة شوية اليومين دول و إن شاء الله مش هتطول و هننتفض
الواحد تخطي الوزن مائة كيلو و نفسي أرجع تاني لما قبل ذلك و إن شاء الله هأرجع
الأخوة المدونين الواحد مبقاش يشوفهم خالص و الدنيا لهيت الواحد عن صحابه كتير بس بردوا هأرجع تاني إن شاء الله
هو مال البوست ده عمال يتحول لأمنيات ليه كده مع إني مكنتش ناوي أكتب كده بالتحديد يعني
بس أهوة الكلام جاب بعضه
الحج مرسي كان لسه بيخطب إمبارح و الحمد لله كنت نايم من الساعة ستة و نص تقريبا و شكله مقلش جديد يعني حوار جديد إنتخابات بتوافق هجايص هجايص يعني مش مشكلة
بس السؤال اللي بيشغلني دلوقتي هو مين هيروح الحوار بعد حزب النور ما قلب علي مرسي مش معقول بقي يبقي عصام سلطان بسحنته التنحة دي
يالا بردوا مكنتش ناوي أكتب ده بردوا الغريب إن مش فاكر كنت عاوز أكتب لكم أية؟
يمكن الزمالك بيكسب بالتي شيرت البينك
يمكن الواحد ...... ولا بلاش خليها في سري علشان السر لو طلع من الواحد ميبقاش سر
هو الثورة فشلت؟؟؟؟
هو مين الصح و مين الغلط؟؟؟
هو في أمل؟؟؟؟؟
نفسي أعمل حاجة مفيدة نفسي أخد شهادات نفسي أعلم نواة شغل خاص نفسي أجتهدو أسيب الكسل نفسي أنجح أوي
نفسي أشوفكم ترجعوا تتدونوا تاني
يالا و السلام ختام و لو أفتكرت حاجة تاني هأبقي أقولكم
2 comments:
حمدالله بالسلامة
:-)
وحشتنا البوستس اللي فيها مائة موضوع في وقت واحد، تجميع وتعليق وسُخرية مِن كُل الأحداث في نفس الوقت
شوية كده وحاجة حاجة هتتكشف .. يا مُسهل
مش أنا بس اللى مش عارفه اعلق على إيه ولا إيه :D
كنت فاقدهالأمل انى الاقى حد هنا فى صحراء المدونات ..ياهلا بالفضفضه من جديد :))
Post a Comment