Sunday, October 30, 2011

يالله

اللهم ارضني بما قسمته لي ثم بارك لي فيه

من سخريات الكلام اللي سمعته من الناس مؤخرا كنت بأقول قدر الله و ما شاء فعل حد بيقولي يعني خلاص شئ تافهة و عدي و ده دليل علي إن كل حاجة نسبية حتي الكلام الواحد بيقوله بنية معينة و الناس بتستقبله بنية تانية مناقضة تماما



الحمد لله بقالي فترة مقاطع الفيسبوك و التويتر



الحمد لله الحياة ماشية في سلام و هدوء ممكن تكون مصحوبة بإحساس بنقص شئ مهم في الحياة لكن هي دي الحياة مش بتدي كل شئ و لازم نرضي باللي مقسوم لنا و نتعامل مع فقدان أي شئ نفقده أوي أي حد و نرجع نقول الحمد لله



أحيانا كتيرة كنت بأكون علي وشك الضعف و ممكن يكون البوست ده من هذه الفترات بس أهو المدونة بالنسبة لي أهم من الفيسبوك و تويتر و الضعف في المدونة مش ضعف

الحياة كانت ممكن تكون أحسن من كده بكتير بس بردوا الحمد لله قدر الله و ماشاء فعل



حسيت إني كبرت أوي بعد عيد ميلادي 29 و حسيت إن خلاص يالا حسن الختام



حلو أوي شوية الفضفضة دول و كفاية لحد كده علشان منعكش

3 comments:

Anonymous said...

السلام عليكم
اول زياره لي على مدونتك الكريمه

حبيت احساس الرضا ومحاولة التعايش والتغلب على الظروف

الله يقويك

عابره

No Fear said...

عابره
و عليكم السلام
تشرفت بزياتك للمدونة

فعلا أنت حظك كويس إنك دخلتي علي المدونة في الظروف دي لو كنتي دخلتي أيام السواد و الإكتئاب كنتي قريتي مالايحد عقباه
ربنا يهدينا و يقوينا دايما

شكرا لزيارتك و أتمني تتكرر

Anonymous said...

السلام عليكم
واضح من المحاوله انك مريت بظروف سيئه
واسمح لي انى تصفحت المدونه بشكل سريع
ولاحظت انك تارك نفسك للتذبذب
اتمنى لك الثبات فى محالة التعايش وصدقنى حقاً الرضا كنز لا يفنى

حاول تتمتع بما هو متاح لك

واشكرك على ترحيبك وسعة صدرك لتعليقي

عابره