كنت قاعد مستني 2010 تخلص علشان كنت قرفت منها علي الأخر و كنتس مستني 2011 بفارغ الصبر
بدأت 2011 من سؤال علي الفيس بوك حد هنا من أسكندرية ليه ليه لقينا تفجير كنيسة القديسين بيني و بينكم أتشائمت قلت ياريتك يا2010 كنتي أستمريتي
بعدها بشوية كمان لقينا الشهيد سيد بلال قلت كملت
بعد بشوية بن علي هرب بن علي هرب شعب تونس العظيم
بدأت تندع شوية أهيه
هب 25 يناير و التنحي و أيام في جنة التحرير
هب حبة قلق و إنفلات أمني و بلطجة
هب نزلت شغل بعد خمس شهور تقريبا في البيت
طبعا الشغل تعبان و ظروفه مش و لا بد
بعد كده فرقه و وحده من جديد
عروسة جديدة هتنورنا علي شهر 12
مش عارف أنت غريبة أوي يا 2011 بتخلي كل الناس حواليا فرحانة و الطبيعي و المفروض و اللي نفسي فيه أفرح معهم لفرحتهم بس مش عاوزاني أفرح مش عارف أعملك أية؟
أفراح عامة كتير و أحزان شخصية كتير مخليناني مش عارف أفرح بالأفراح العامة
يارب أفرجها في الكم شهر اللي فاضلين منها
1 comment:
اولا
كل سنه و انت طيب
و رمضان كريم
***
لو اللى خوالينك مش عاوزينك تفرح سيبك منهم ... مش بيخسروا حاجه .. انت اللى بتخسر ايام من عمرك مكشر و مش بتضحك ..
و مش محتاجه اقولك ان زاى العمر بيجرى و الايام بتجرى .. متضيعش ايام من عمرك تانى ..
مشكلتنا اننا بنبنى السعاده على الناس التانيه
انا هبقى سعيد لو لفلان ده معايا
طيب و لو فلان ده مش معايا .. يعنى كده ابقى تعيس ؟؟!!!
مممممم
انت ممكن تبقى وحيد ... و ممكن تبقى حاسس انك وحيد و انت مش وحيد
ف الحالتين .. لو وحيد فعلا ... فكر فى ان فى ناس كتيييييير اوى زيك ... ساعتها مش هتبقى وحيد :D
طيب .. ممكن متبقاش وحيد خالص على فكرة و فى كتير حواليك
بس انت مش عاوز دول كلهم .. انت عاو شخص معين ... فا تحس انك وحيد ..
حاول تاخد بالك من الناس اللى بيحبوك و انسى اللى بينسوك ...
معادله بسبطه اوى .. مش عارفه ليه مبنعرفش نطبقها
:)
اوعى تعيش ف غربه جوا نفسك
Post a Comment