Saturday, February 20, 2010

الشئ الناقص

حاولت كتير مكتبش البوست ده
جه علي بالي أكتبه إمبارح بالليل بعد قراءة قصتين اللي قبل القصة الأخيرة اللي قريتها النهاردة الصبح من مجموعة الخطوبة لبهاء طاهر
و فعلا قاومت و مكتبتش و قلت خلاص سخونية القصتين راحت مني بالنوم
لكن صحيت لاقيتها لسه موجودة طنشت بردوا حاولت أدور علي خروجة بالنهار من خروجات النهار اللي مفتقدها محدش يفتكر إني يعني عربيد و مقضيها سهر كل يوم لا هو كل فين و فين بس بتكون الدنيا ليل
و قعدت شوية أتكلم مع محمد فتحي علي الفيس بوك و بسم الله ماشاء الله نكد علي أكتر
:))
قريت في الأهرام عن حفلة عمر خيرت في ساقية الصاوي و رخمت علي أتنين علشان أدعوهم للحفلة و محدش رد و في حل من حلين يا إما أتصل بزيمو و منصو و نروح يا إما هأقرر إني أروح لوحدي و أقعد أتدلع و مرحش و أنزل علي البستان أضرب حجرين التفاح التمام
دلوقتي مشغل محطة أم كلثوم و فيها أغنية فات الميعاد
طبعا المحطة دي بتتديني جو ابن كئيبة من إبتدائي لأني كنت بأبدأ عمل الواجب في الوقت ده تقريبا و تلاقي كل الناس في الفترة دي متفقين ضمنيا علي تشغليها
المهم
الشئ اللي خطر علي بالي كتابته إمبارح بعد الإنتهاء من قراءة قصتين من الخطوبة إن الشئ اللي ناقص حياتي هو الحياة نفسها حياتي ناقصة حياة
طبعا محدش فاهم حاجة طبعا و لا أنا فاهم حاجة بس هو ده اللي حسيته
و تفيد بأية ياندم ياندم و تعمل أيييييييييييييييييييييية
يسلام ياست
ياما كنت أتمني أقابلك بإبتسامة أو بنظرة حب أو كلمة ملامة
.
النهاردة كان في شغل و طبعا علشان أنا مرحتش الخميس و قفلت الموبيل محدش قالي بس أنا عرفت من مصادري و طبعا لم أنسي وعدي لكم في البوست اللي فات و تأكدت من إن بزازة أجازة بكرة و موعدنا يوم الأتنين زي ما قلتلكم
النهاردة يوم كئيب كعادته مش فاهم يعني مش بحب أروح الشغل و مش بحب السبت في البيت مش عارف ممكن أعمل أية
و مش بأعمل أي شئ
يااااااااااااااااااااااااااااااااااااااااااااااااااااااااااااااااااااااااااااااااارب

5 comments:

Sharm said...

اخر سلطنة

زهرة الجنة said...

مودك كالعاده
بس انت قولت من الأخر
حياتك ناقصه حياه
طيب مستني ايه
ممكن تبدأها لسه في وقت

شوف البوست ده في مدونه الحياه
عند خالد كامل اقرأئه كويس وفكر فيه

http://sakayar.blogspot.com/2010/02/blog-post_21.html

رجل تحت الصفر said...

هو حضرتك غيرت الصنف و لا ايه


--------------

متهيألي كده ان الناس العايشين و هما موات كثيييير جدا ، و الانسان اللي يفهم قيمته هيقدر حياته ، و اللي هيقدر حياته هيستغلها صح ، و اللي هيستغلها صح هيحقق أهدافه ، و اللي هيحقق أهدافه يبقى استمتع بحياته، يبقى عاش عاش عاش

يا مراكبي said...

وأنا لسه منتظر أعرف ضربته وألا لأ زي ما قلت إنك هتعمل في البوست اللي فات

:-)

Monzer said...

مافيش حاجة جديدة ليه يا بني آدم