Friday, October 30, 2009

حكاوي

مش عارف أبدأ منين
نبدأ إني مني نفسي أكتب و أحكي لكم عن حاجات كتير زي زمان تفهمومها متفهموهاش مش مشكلة بس أفضفض ليكم
حادثة سرقة بالشغل
أكتشفوا يوم الأربعاء قبل اللي فات حادثة سرقة في المصنع من عمال المخازن بالشركة إنهم بيطلعوا منتجات الشركة لحسابهم و طبعا كانت أيام سودا في المصنع و كمية إستقالات رهيبة من بلد الأتنين اللي عرفوا إنهم بيعملوا كده و مدير المخازن أعلن مسئوليته السياسة عن الحادث و قدم إستقالته إسوة بالسيد محمد منصور شيفورليه اللي إستقال من الوزارة بسبب حادثة العياط اللي حصلت قبل اليوم اللي قبل عيد ميلادي مش باقولكم
:)
و طبعا تم عمل جرد كامل علي المخزن و أكتشفوا منتجات ناقصة و منتجات زيادة طبعا النقص مشكلة و الزيادة مشكلة بردوا و طبعا لما سألوا العيال قالوا كنا بناخد حاجات زيادة من الإنتاج و طبعا بما إني من الإنتاج كان هيصيبنا من الحب جانب بس الحمد لله مفيش حاجة لحد دلوقتي و الحمد لله أنا بعيد عن تسليم المنتجات للمخازن
المشكلة بقة كان في مرة مشرف التعبئة مش موجود و حصل موقف كده مرتبط بالموضوع ده و العبد لله أكتشفه قبل السرقة بكتير بس أنا مبلغتش حد كنت متخيل إنها شئ بسيط مش سرقة و خفت علي العمال اللي معايا لو بلغت عنهم كانوا هيرحوا ورا الشمس و لما أكتشفوا العيال اللي تبسرق طبعا قلبي وقع في رجلي و من ساعتها قررت مش هأغطي علي حاجة أبدا بعد كده أنا مالي ياعم و فعلا ياشباب الصح صح و الغلط غلط
.
اليومين اللي فاتوا دول غريبين ساعات باكون فرحان و مبسوط و مطنش و منفض للحياة و ساعات باكتئب لوحدي كده لله في لله
نفسي كده أحدد موقفي
طبعا نفسي مكتئبش بس يعني أثبت علي حال و يارب يكون حال كويس
و الشغل اليومين دول في قرف شوية زيادة عن اللي كان موجود و مديري يارب يصدق المرة دي و يقدم إستقالته بسبب الضغط الرهيب من إدارة الجودة علينا
يسلام لو بزازة إستقال الأمور هتبقي عنب
:)
الجميل في الشغل ده الخبرة العملية و الإدارية و المواقف اللي الواحد بيكون فيها و صباح المكانة في الشغل يعني
بس أنا مش عاوز كده و مش هأستمر علي كده و ربنا يكرم
.
عيد ميلادي عدي و خلص و وأتممت السنة 27 و بدأت ال 28
الزمالك الله يحرقهم
السمكات بتاعتي كلها ماتت و بقي معايا واحد بس من النوع جوبي فقط
نفسي مانمش كتير
و نفسي و لا بلاش
يلا كفاية عليكم كده و إلي اللقاء في فضفضة جديدة

3 comments:

مـحـمـد مـفـيـد said...

وحستني مدونتك وكلامك فيها والله
عوداً حميداً

No Fear said...

السلام عليكم
أزيك مفيد باشا
الله يكرمك ياسيدي
منورررررررررر
ياميسر الحال
دعواتك
تخيل في ناس بتقول علي البوست ده مش حلو
تخيل
قال مش حلو قال
أنت أية رأيك؟

Hager Za3bal said...

قبل اي حاجه
كل سنه وانت طيب :)
ويارب السنه دي تكون احسن من كووووول السنين اللي فاتوا .. ان شاء الله :)

ربنا معاك في الشغل .. وربنا يستر ومتنولش من الحب جانب .. وان شاء الله بزازه هيستقيل :))))


الزمالك متجبش سيرته عشان ميجيلكش الضغط بس :))

السمك مات ليه :(
اكيد انت اهملته :(((((

بالنسبه للنوم ماما كانت دايما بتقولي:
وما اطال النوم عمرا ولا قصر في الاعمار طول السهر ..

ربنا يحققلك كل اللي بتتمناه :)

تحياتي :)