Tuesday, September 23, 2008

فضفضة

السلام عليكم و رحمة الله و بركاته
أزيكم يا شباب أخباركم أية؟
يارب تكونوا بخير
بالرغم من إعجابي الشديد جدا بالبوست اللي فات و كان نفسي أسيبه أطول فترة ممكنة بس صعبتم علي كل اللي يدخل يترعب و بما إني نفسي أكتب و أفضفض لكم و حاولت كتير أمنع نفسي من الكتابة بس طبعا واضح إني مقدرتش
هتسألوني ليه بأمنع نفسي
.
زهقت تعرفوا أنا حاليا في موضوع منتظره جمييييل و هيغير حياتي كلها للأحسن إن شاء الله بس بردوا زي ما تقولوا كده الواحد بقة متكيف من النكد و الخنقة
.
للأسف مش هأقدر أقولكم الموضوع بس هأديكم مثال له و شوفوا مدي نكدي و خنقتي علي نفسي و كأنني صادقت النكد يعني هنفرض واحد مستني شغل و الشغل ده محتاج واسطة جامدة جدا و هو مش معه أي واسطة و هو مستني الشغل تخيلوا بيتخيل نفسه بيشتغل الشغل ده و بيفشل فيه طيب أحلم بإنك تتقبل بالرغم من الظروف الصعبة و ربنا يوفقك و تتفوق لا أنا بأتخيل إني أتقبل بالرغم من صعوبة القبول و الغريب إني أتخيل إني بأفشل مش عارف ليه
.
و كمان كنت بادئ رمضان مش كويس قوي بس أحسن من السنتين تلاتة اللي فاتوا و أستبشرت خير قلت مش مشكلة مش كويس قوي بس أحسن من مفيش و ربنا يكرم و أكون علي أخر رمضان أحسن بس للأسف أديني أهوة منزلتش أصلي العشا و لا التراويح و كان نفسي تكون السنة دي أول سنة أصلي فيها التهجد بس طبعا واضح إنه محصلش
مش عارف في أية و لا أعمل أية و لا أهمد إزاي و لا هأهمد أمتي
فعلا زهقت
.
ده غير بقة موضوع الشغل مش حابب أستمر فيه و مش بأجتهد علشان أغيره علي موضوع الدراسات مش عارف أكمل و لا لا مش أستمر في الشغل بالشهادة و لا أشوف لي مشروع و لا أعمل أية مش عارف ده حتي طلعت في دماغي رحت رايح مغير الشبكة اللي أنا عليها في التليفون بنفس الرقم قال يعني أنا مثلا وزير و لا رجل أعمال ما كنت أشتري خط جديد و خلاص لا فضي بعيد عنكم علي توهان علي مش عارف أعمل أية
زهقتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت

8 comments:

سمر الشافعى said...

اه ياعفرييييييت بقى بتخضنا عليك عشان تقفشنا وتعرف اننا بندخل ومش بنعلق ههههههههه

انا مش فاهمه حاجه من الفضفضه دى غير موضوع رمضان

بس قولى هوا ازاى تحول من فودافون للام نبيل

فى القلب said...

أزيك يا محمد و حشتنى جدا جدا

أولاً الزهق ده عشان مش لاقى نفسك فى الشغل ومش فى مكانك الصحيح
الدراسه عايزه مثابره وبتوسع مدركنا حتى لومش بتفدنا ماديا بس مهم أوى ندرس ونذاكر ديماً وفى أى سن ده بيفرق للسنين ألى لسه جايه أن شاء الله
عارف يا محمد جرب كده تشترك فى جم رياضى وعليك بالعصائر الفرش جرب عصير الطماطم بالعسل حقيقى بيرفع النفسيه

المهم أعمل حاجه معملتهاش قبل كده

وسيبك بقه من القاتل الخفى وده الأسم الحركى لأحلام اليقضه لأنها بتودينا لأماكن مش واقعيه و بتهدر طاقتنا الفكريه وهى سبب رئيسى فى الأحساس بالملل
وعموماً لسه رمضان مخلص أن شالله فيه يوم و سارعو ألى مغفره من ربكم
وبقى طمنى عليك يا محمد

حزيــــــــــــــــــن said...

كلنا زهقانين مين مش زهقان .. هاتلى كده واحد مش زهقان وانا مستعد اقعد جنبه لمدة سنه اصرف عليه ويعملنى
تعرف انا مشغول تقريبا اربعه وعشرين ساعه فى اليوم بس مش عارف مشغول فى ايه وبردو زهقان
انا علقت على البوست اللى فات وهسرقه منك
وهدخل مدونتك التانيه دلوقتى
اى خدمه عشان تعرف انى بسأل مش زى ناس

catroz said...

اكسر الروتييين ..

No Fear said...

سمر الشافعي
السلام عليكم
لا و لله مكنتش أقصد بس بجد ياريت لو حد بيقرا لحد يعلق عنده علشان الناس تحس ببعضها حتي لو كلمة واحدة
إنك تحسي إن في حد معاكي شئ مريح شوية في الجو المقرف اللي إحنا فيه ده

No Fear said...

في القلب
السلام عليكم
حمد لله علي السلامة المدونة نورت
.
الدنيا صعبة قوي بجد
.
الحمد لله
.شكرا علي النصيحة

No Fear said...

حزين
السلام عليكم
أنت الكبير يا باشا و اللي لازم تسأل
:))
و بعدين في الزهق ده مالوش حل يعني قفلت كده خلاص
.
ربنا يحلها من عنده

No Fear said...

catroz
السلام عليكم
أكسر الروتين
ياريت كان سهل و أنا كنت ولعت فيه.
بس مش سهل
ربنا يرحمنا برحمته