Monday, October 08, 2007

ما تيجي نتصاحب و نحب بعض
أنا و أنت
أنا عارف أنك من ساعة أما شفتيني
و أنت مش قادرة تنسيني
صح
و أنا كمان بالرغم
مع إني كنت بحبك قوي وبعد كده مكنتش مرتاح لك و مش طايقك
بس بجد خلاص
أتعودت عليكي
و شكلي مش هأقدر أستغني عنك
و شكلك كده نصيبي اللي ربنا قسمه لي
في الدنيا الجميلة دي
انا أقتنعت بكده النهاردة
معرفش ليه قعدت أفتكر
مواقف كتير و فرص كتير عديت علي
مش عارف أية اللي خلاني أسمع أغاني وائل كافوري النهاردة
ما وعدتك بنجوم الليل و ليل و رعد و بعترفلك
أفتركت أول مرة رحت أسكندرية و أنا في أجازة الإنتقال من إعدادي لثانوي فاكر يا أهبل و الجزمة الحمرا و الساعة الجديدة
و أفتكرت أسكندرية كل مرة رحتها بعد كده و مرسي مطروح و كل مرة هبلت فيها
و أفتكرت رحلة الأقصر و أسوان
و أفتكرت فيلم كاميلوت
و أفتكرت يوم السبت اللي فات لما نمت و أنت لوحدك و صحيت فطرت في العشا
و أفتركت مرات رمضان كلها اللي كنت بفطر فيها لوحدي
و أفتكرت رمضان و الجو بتاعه لما كنت في أيام الدراسة بعد الفطار و دخولي أوضتي بعد الفطار و وقوفي في الشباك
و أفتكرت هاني و اللي عمله و الفرصة اللي ضاعت
و أفتركت أبتدائي و أحمد و طارق
و بردوا اللي طارق عمله و ضيعت الفرصة كمان مرة
علشان تعرفي أنه نصيبنا أننا اتكتبنا لبعض و مالناش غير بعض
و أفتكرت و أفتكرت و أفتكرت
و أفتكرت السحور عند محروس يوم الجمعة اللي فاتت
و أفتكرت كلام حسام و حال تامر و عمرو
و معه أفتكرت و أفتكرت
و السواد اللي جوايا زاد و زاد
أنا علي فكرة معفن قوي
و اسود قوي من جوه
يمكن علشان كده ربنا كتبك لي
أوعي تكوني أنت كمان عملتي حاجة علشان كده ربنا بيبتليكي بيا
أوعي ها
أنا أسف سيبتك أمبارح بتصلي التهجد
و دخلت من وراكي فيلم مات ديمون
بس أنت عارفة حالتي كانت عاملة إزاي
بسبب الفطار اللي كنت فيه أمبارح
بتاع يوم الأحد و العربية الحمرا و كده يعني
و كمان النهاردة
عملت ذنب ما يعلم به إلا ربنا في ليلة القدر
بس أنا أسف
و أوعدك منساكيش تاني
و تكوني معايا في كل مكان
و عمرنا ما هنفترق تاني
بحبك يا وحدتي

19 comments:

Monzer said...

هو بالرغم من ان الموضوع باين عليه كبير
ومش سهل
وغويط
طلعت غويط يا معلم
وسهون كده
بس هاشكفك يعنى هاشكفك
وكل كلمة فى الوبست
لازم تترجمها
هاترجم يعنى هاترجم
لاما فى تعليق
او بين ا وبين بعضينا
وانا هابقى أقول فى بوت انت قولتلى ايه ههههههههههههه

تحياتى يا جميل

مـحـمـد مـفـيـد said...

منذر ومحمد جمعه

يا نهار ابيض
ده انتوا طلعتوا مش مشكله والله العظيم

علي العموم يا محمد ليك قعده يا باشا
:)

احمد الجيزاوى said...

اخيران وجت مدونتك
بعد بحث شدشد اوى
عموما
انت ممكن تصاحب اى حد لا اتين الشيطان والوحدة
اياك حول تصاحب حد تانى غير الوحدة
احمد الجيزاوى

فى القلب said...

محمد
وأنا قاعده أقراء البوست كنت فرحانه من اول كلمه
و عماله أقول جوه نفسى هو محمد هيفتكر يعزمنى
و ارد على نفسى و أقول طبعا هيعزمن فى خطوبته مش أحنا أصحاب
و متسنجه كده و مبسوطه و ميه ميه

و فجأه

بالمطرقه
أفوق على أنها الوحده

أيه يا محمد متصلى على النبى كده
و حده أيه الى من قسمتك و نصيبك

بعيد الشر عنك
أن شاء الله وقت وتفتكره و تضحك عليه و أنت وسط اولادك

رفقة عمر said...

عيد سعيد
كل سنه وحضرتك طيب
اعادة الله عليكم هذه الايام بالخير واليمن والبركات

رفقة عمر said...

عيد سعيد
كل سنه وحضرتك طيب
اعادة الله عليكم هذه الايام بالخير واليمن والبركات
ربنا يرزقك الزوجه الصالحه
من تؤانس وحدتك اللهم امين يارب العالمين

nour el 3ozamaa said...

حاج محمد جمعه ازيك يا عم واحشني والله
كل عام وانتم طيبين بمناسبة عيد الفطر المبارك وانشاء الله نصلي صلاة العيد الجاى في المسجد الاقصي وتكون القدس متحرره

تحياتى لكل عظيم وعظيمه


مازن :)

sahr said...

ليه بس كده
يعني في الاخر تطلع كده
بص هو كل شئ نصيب
انفصل عن الوحده دي وخلاص
وكل سنة وانت طيب
عيد سعيد

يا مراكبي said...

يا مسهل

شكلها كده هنسمع أخبار حلوة .. يارب

كل سنة وإنت طيب وياريت تطمنا عليك دايما

mesh2dra said...

السلام عليكم

بص
هما حاجتين الواحد يحاول يبعد عنهم
الوحدة والفراغ

فعلا ربنا يستر لان ممكن تلاقي نفسك فاضي
او عندك بلاوي وقاعد ضارب سقف وبس

الفراغ والوحدة بيخلوا الواحد يعمل حاجات يندم عليها ويستغرب لما يرجع لعقله ...انا ازاى عملت كده

وهما الطريق السريع للجنون:D

********
كل سنة وحضرتك طيب
:) عيد سعيد

سلاماتي

No Fear said...

منذر
كل سنة و أنت طيب
يا بني الكلام ده مختصر حياتي كلها مش هينفع أفضح نفسي كده يعني
دي مواقف كتيرررررررررر مش موقف واحد دي بلاوي مش هينفع لو وقفت علي دماغك
كل سنة و أنت طيب
أنت منوفي
ليه كده بس
شكلك هتبقي رئيس جمهورية أنت أو الحسيني

No Fear said...

محمد مفيد
السلام عليكم
كل سنة وأنت طيب
يا عم أنتم عاملين تقولوا قعدة قعدة طيب أنا قاعد مستني أهوة

No Fear said...

الجيزاوي باشا
السلام عليكم
كل سنة وأنت طيب
و عمرة مقبولة
و حمد لله علي السلامة
منور ياباشا
أنا مش فاهم إزاي مش عارف تلاقي المدونة بتاعتي أسأل أي حد أنا مشهور قوي
:)
كل سنة و أنت طيب

No Fear said...

في القلب
السلام عليكم
كل سنة وأنت طيبة
و عيد سعيد عليكي
شفتي الخدعة هو ده الشغل
الحمد لله علي كل شئ
صلي الله عليه و سلم
قولي يارب قوييييييييييييي

No Fear said...

رفقة العمر
السلام عليكم
كل سنة و أنت بألف خير و في سعادة غن شاء الله
قولي يارب

No Fear said...

مازن
السلام عليكم
مش مصدق
منور ياباشا
كل سنة و أنت طيب
إن شاء الله يتحقق كل اللي بتقوله
مين عظيم و عطيمة دول حد تعرفهم
:)
سلام

No Fear said...

sahr
السلام عليكم
كل سنة و أنت طيب
أنا نفسي أنفصل عنها و أقتلها علشان مترحش لحد تاني بس بجد بتلف تلف و ترجع لي
الحمد لله
فرج ربنا قريب إن شاء الله

No Fear said...

يا مراكبي
السلام عليكم
كل سنة وأنت طيب
المدونة رجعت نورت تاني
كنت مش بتنورني مش عارف ليه
و الله كنت أتمني أفرحك بس أقري البوست تاني
:)
سلام

No Fear said...

mesh2dra
السلام عليكم
كل سنة و أنت طيبة
و عيد سعيد عليكي يارب
هو فعلا ربنا يستر علشان الواحد خلاص
بس الحمد لله علي كل شئ
منورة