Friday, July 27, 2007

السلام عليكم و رحمة الله و بركاته
مش عارف ليه يا أصدقائي أنا متفائل هذه الأيام الحمد لله طبعا بالرغم من إن مفيش حاجة أتغيرت عن الأول بل علي العكس الذنوب في زيادة حتي في الأيام الجميلة من الشهر الحرم رجب اللي الذنوب كبيرة فيه للأسف
مش عارف ليه
يمكن يأس يمكن ثقة بالله و إيمان كبير يمكن ده من ربنا و بيمهلني و بعدين هيأخذني أخذ عزيز مقتدر مش عارف
خايف و في نفس الوقت فرحان و قلقان خليط غريب مش عارف سببه أية؟
.
أنا علي فكرة هأقدم في الشغل التاني يوم الأحد إن شاء الله
.
مخنوق قوي من الشغل اللي أنا فيه المجال و الناس بالرغم من إني الحمد لله عملت علاقات جامدة بس أنا مش حابب أكون زي الناس اللي المفروض هأكون زيهم في المستقبل و في نفس الوقت مش عاوز أكون بأتمرد علي نعمة ربنا اللي أنعمها علي
.
في واحد كان متعين معايا في الشغل في الأول كان في بينا منافسة بس بعدين علاقتنا ببعض أتحسنت و كان في منافسة بردوا بس بتعاون للأسف رجع عمل معايا كم حاجة كده مش حلوة و بينت لي إنه قلبه مش أبيض من ناحيتي هو رجع و أتأسف لي و مشكلتي إني بصراحة مش هأعرف أرجعه في قلبي زي الأول مش عارف أعمل أية مش بحب أتعامل مع حد قلبي مش صافي من ناحيته بحس إني بأضحك عليه ماليش دعوة به بس المشكلة إن وشه في وشي بجد طول اليوم
.
في حلم عندي نفسي أحققه نفسي أهاجر مش بسبب أي حاجة نفسي في بداية جديدة مالهاش ماضي هتقولولي مينفعش يكون مفيش ماضي لا إن شاء الله ينفع نفسي في السفر أدعو لي أتوفق في فرصة سفر متقلقوش أنتم كده كده مش بتشفوني و أكيد البلد اللي هأروحها هيكون فيها نت يعني مش هتتحرموا من عبقريتي
.
أة أفتكرت فكرة كده كانت بتخطر علي بالي كنت عاوز أكتب لكم عنها من كم يوم لما شفت فيلم النت لساندرا بلوك
أنا كنت من طلبة جامعة حلوان العريقة المهم كنت رايح جاي في المترو و كنت خلاص أتظبطت بدون تفكير أول أما بنزل الصبح علي اللي هأعمله يعني أمشي كم خطوة في الإتجاه ده و بعدين كده في أتجاه المترو و بعدين من جديد فقديم كنت بتخيل أنهم في يوم يروحوا مغيرين أتجاهات المترو يعني الخط اللي رايح حلوان يكون رايح المرج كده يعني و أنا أروح عامل نفس الخطوات و الطريقة اللي بمشي بيها لحد أما أوصل لشقة تانية و الغريب كمان خزهبلات و الله إن مفتاح الشقة يفتح الشقة التانية اللي هأوصل لها و الناس اللي هأدخل شقتهم يتقبلوني يا خرابي علي الهبل و أبدأ حياة جديدة
.
كفاية عليكم كده النهاردة
حول العالم
متفائل قوي بالزمالك بالرغم مع أنه لسه محتوي علي كم لاعب أكتع و معندهمش دم وبيبلطجوا كمان بس متفائل
.
الليلة دي ضحكت خليك معايا عمرو دياب بس كده
.
فيلم كاست أواي لتو هانكس أتفرجت عليه أمبارح تاني فيلم رهيييييييييييييييب
.
ظبطت الكمبيوتر قولوا يارب ميعلنيش تاني
.
الجو أنتم عارفين
.
ساسو حارقة دمي و مش عاوزة تعمل بوست جديد
.
أة أفتكرت شئ مهم جدا كنت بأتفرج علي ماتش للسعودية في كأس أسيا الأقي المعلق يقول خبر رهيب بصراحة إن المنتخب السعودي مانع الجزيرة رياضة من متابعة أخباره و تقولولي وحدة عربية
كفاية كده
.
لو أفتكرت حاجة تانية هأبقي أقول لكم
لو في حد بيكون زهقان و عاوز يعمل شات
newmido26@hotmail.com

10 comments:

mariam said...

كويس التفاؤل ده
لو السفر فى خير ليك يبقى ربنا يقدم اللى فيه الخير

بس ايه كل الأخبار دى مره واحده
واحده واحده علينا

تحياتى

smraa alnil said...

تسجيل حضور

قريت وهبقي اعلق بالتفصيل عشان نازلة

ازيك انت بجا

No Fear said...

السلام عليكم
مانو
هو مفيش حاجة مضمون فيها الخير بس الواحد بيجتهد و يتمني و يحلم و الباقي علي ربنا يقدم اللي فيه الخير
مفيش واحدة واحدة الحياة بتجري

سمرا
مش محتاجة تسجلي حضور المدونة بتنور لوحدها لما بتدخلي
ترجعي بالسلامة
أكيد زمانك رجعتي إن شاء الله
فين التعليق المفصل
أنا الحمد لله
أنت أخبارك أية و أخبار طارق أية؟
يارب تكونوا بخير دايما

البنت الشلبية said...

معلش اتاخرت فى الرد
طبعا مش هسال اخبارك ايه لكن هقولك ان ربنا يوفقك فى حياتك يارب وتحقق كل الى تتمناه
وعلى فكرة انا حلم حياتى بجد بجد هيا الهجرة
عالم تانى وحياه تانية وناس تانية ياااااااااااااه فكرتنى بحلمى والله
وهيا هتبقى حياه من غير ماضى من خلال تعاملك مع الناس لكن بينك وبين نفسك هيفضا الماضى جواك والزكريات هتفضل مدفياك ومحسساك بالاهل والناس الى انت شوفتهم فى حياتك وحبة بحبة هتعمل ماضى فى البلد الى انت مهاجرلها,,
المهم ربنا يوفقك للخير سواء للسفر او غيره
ومجحرد انك زكرت اسم الزمالك فى البوست فده طبعا يخلينى اقول مفيش منك اتنين

خد بالك من نفسك سلام

smraa alnil said...

ممممممممممممم انا جيت


الظاهر ان المشاور كان طويل اوي

بالنسبة بقي لتعليقي

ابقي قولي ايه اخبار الشغل الجديد

وابقي قولي عملت ايه بالتفصيل
وربنا يوفقك يارب

وبعدين انت مش بتتمردد

نت سبت كل حاجة علي الله وربك اللي بيرزقك

مش معني ان الواحد عايز يبقي احسن يبقي احننا بنتمرد علي النعمة اللي احنا فيها
لو كل واحد فكر كدة يبقي كلنا محلك سر ودة مش اللي ربنا ورسوله امرناا بيه

وبالنسبة لزميلك في الشغل
انت مش مجبر انك تتعامل معاه
عاملوا الناس بقدر معاملتهم بك مع معاملتك انت لهم
فاهم يعني ايه
يعني خليك حذر شوية في معاملتك بالناس

عاملهم زي ماهما بيعاملوك بس بادب مش زي ماهو بيعاملوك

فاهم ولا ايه نظامك

بالنسبة للهجرة

دة مش حرام طالما كان لابتغاء الرزق والعمل

ولو ربك شاء لك الهجرة يبقي هيكون
ان شاء الله
وطبعا مش هنتحرم من عبقريتك

علي فكرةانا كمان خريجة الجامعه المسماه بحلوان

اديني سبب واحد يخليك متفائل للزمالك يا راجل

No Fear said...

السلام عليكم
البنت الشلبية
منورة و لا يهمك كفاية أنك رديتي
شكرا ليكي
مش عارف بداتن أقلق من الزمالك تاني
ربنا يسامحك يا بشير
_
سمرا الجميلة
حمد لله علي السلامة
الشغل حضرتك أتضح أنه لأبناء العاملين بس
المشكلة أني بفكر في الأحسن و مش بعمل له حاجة
ده اللي عملته مع زميلي في الشغل بس هو وشه في وشي بجد يعني هتكون حياة صعبة
تعرفي أول ما لاقيت علاقتي به تحولت كده جريت قدمت في الشغل المذكور سابقا و الحمد لله فشلت
فاهم بس انت بتعامليني علي إني متخلف ليه كده
يارب أسافر بقة بجد خلاص ده إن شاء الله حلي الوحيد يارب يسهله لي
أكيد مش هتتحرموا من عبقريتي أنا لازقة
بس أنت تقريبا تربية رياضية صح يعني لم تركبي المترو مثلي فاتك كتير
الله يسامحه بشير التابعي ضيع التفاؤل مرة تانية
أنا بجد سعيد بتعليقك علي كل كلمة بأكتبها شكرا لك بجد
_
شكرا لكم كلكم أنا بحبكم قوي و الله حاسس إن ربنا هيكرمني بصداقتكم و يفيديني قوي
سلام

david santos said...

The purchase of weapons for Mubarak to the Bush terrorist will be for making peace, or will be for taking the American terrorism for the Egipto?

The great people of the Egipto that is intent.

Of these two cannot come nothing of good.

David Santos (Portuguese)

حــكــايــة said...

أول زيارة ليا هنا , جميلة المدونة

و مع انى مش باقتنع بموضوع الهجرة دا ابدا
بس و انا مالى هو انا اللى هاهاجر

حضرتك ما دمت مقتنع بحاجة يبئا محدش من البشر ليه دعوة و صعب جدا اقتناعك يتغير

ربنا يكتب لك السفر و يجعله خير ليك باذن الله

و مع انى اهلاوية الا انى انا كمان بدأت اتفائل بالزمالك , بعد فترة من الكسل بدؤوا يفوقوا تانى , ربنا يوفقهم و يوفق الأهلى بردو
اهو نقول ربنا يوفق الجميع و خلاص

sasa1989 said...

السلام عليكم اول حاجه انا مبسوط جدا انى بكتب فى المدونه واعذرنى فى كتابتى لان دى اول مره اكتب فى مدونه اول حاجه موضوع انك متفائل يا سيدلى ربنا يدمها نعمه وتتفا ئل على طول اما بالنسبه لموضوع زميلك فى الشغل فانا معاك مش بعرف اتعامل مع واحد قلبه مش صافى وبصراحه بتنرفز من الناس ديه اما موضوع انك تسافر وبدايه جديده طبعا ده مستحيل لا محمد قبل السفر هو هو محمد بعد السفر وفى فصل جامد فى كتاب ديل كارنيجى دع القلق بيتكلم عن موضوع قريب من ده لا انا احاول ابنى مستقبل جديد وانا فمكانى فالغيب مش فلمكان العيب فى بيدى اغير الحاجات اللى مش عجبانى يعنى ابقى رئيس جمهورية نفسى اه قبل منسى مبروك للزمالك وكا الزملكويه يله كفايه كده النهارده سلام عليكم

فى القلب said...

كل سنه و أنت بألف صحه و سعاده
فين جديدك يا عمنا


صوم مقبول و أفطار شهى