Wednesday, July 11, 2007

السلام عليكم
أزيكم يا أصدقائي و يا أعز الناس بجد و الله
أنا عاوز أستشيركم في حاجة أنا عاوز أروح مكان رحلة يعني يوم أو أتنين بس أرتاح فيها و أجدد نشاطي علشان أنا لسه مخنوق و خايف أرجع تاني للحالة اللي كنت عليها المكان ده يكون مش محتاج ناس كتير معايا أو الأحسن أروحه لوحدي أستجم كده بس يوم أو أتنين بالكتير علشان أنا مش عاوز أخد أجازة من الشغل
و طبعا مش غالي قوي يعني مش لازم رحلة أي حاجة أعملها تفوقني كده
أنا بأفكر من فترة مش عارف الأقي حاجة و الروتين ده بعيد عنكم يعني حاجة تشل السليم فما بالكم بي أنا
سلام

10 comments:

saso said...

mmmmmmmmm
يومين او تلاته دي هي اللي رخمة
مش هينفع تروح مكان هادي زي مرسي مطروح تلعب مع السلعوات

طيب كفاية اوي انك تنزل اي حته فاضية حتي لو الكورنيش مادام لوحدك .. مش لازم سفر
اي حته تبقي فيها لوحدك وتقعد تفكر انشالله تكون بلكونة بيتك هتغير كتييييييييييييير من موودك

..
محمد .. عندكم سطح.. كان نفسي يبقي عندي سطح واطلع اقعد فيه لوحدي .. لو عندك روح بدالي واطلع ارقد علي الارض وبص للسما .. منك ليها علي طول فكر اضحك اقرا حاجة او اسمع حاجة ..وتخيل ان مفيش في الدنيا غيرك

البنت الشلبية said...

ازيك يا محمد
شوف انا رأيى لو عندك صحاب فاضيين ممكن تاخد معاك صاحب او اتنين وتنزلو اسكندرية او راس البر وقضى فيهم يومين او حتى يوم ..هيص والعب وريح دماغك معاهم

او انك لو عايزة تبقى لوحدك اوى

يبقى ممكن تسافر يوم مثلا لاسكندرية برده او راس البر وده لانه اقرب ليك ..تصحى الساعة 6 الصبح وتركب البولمن هما تلات ساعات سفر انزل على اى بلاج نضيف أجر شمسية وكرسى ..كفاية تبص للبحر ..ده لوحده بيعمل مود تانى خالص..وبعد الظهر كده انزل هاتلك غدا من اى مطعم موجود ..اسئل الى بيشتغلو فى البلاج عن اقرب مطعم ..اتغدا..وارجع اقعد على البلاج تانى ..لحد المغرب ..وبعد كده خد بعضك والحق اركب اى بولمن او بيجو عشان ترجع بيتك وانت آخر روقان

اخ متنساش القصص والكتب والكاسيت الصغير او لو فى اف ام فى موبايلك تمام اوى ...وانت بكد تكون قضيت يوم فى السريع ,,وغيرت مودك كمان

جرب كده وصدقنى هتنفع

سلام

mariam said...

فعلا يا محمد تغيير الجو حاجه كويسه قوى

و هتخليك تنسى كل المشاكل

و يا ريت تاخد حد من صحابك او اخواتك و تطلع يومين اى مكان

و ابقى قول لنا عملت ايه

~ Bato0ot ~ said...

fekret saso 3gbany l darget bafkar anfezha ana shakhsyan :D
bas momkn eskendrya aw 3en el sokhna

No Fear said...

السلام عليكم
أزيكم جميعا
و شكرا لكم جميعا
ساسو
للأسف السطح مش تحت أيدي
فكرت في الكورنيش عند المنيل بس أنا لما بأروح هناك بأكتئب أكتر فقري بعيد عنك
مقلتيش بتشتغلي أية مش بنسي :)

البنت الشلبية
أنا عاوز أعرف الشلبية دي يعني أية أولا
موضوع أسكندرية ده حلو بس لو كنا في الشتا علشان بعيد عنك بأكرهه الزحمة جدا عارفة لو في الشتا كنت عملت زي ما قلتي كده بالظبط و بعدين لو رحت أسكندرية مش هأقدر منزلش البحر و أنا مش بأعرف أنزل أهبل كده لوحدي يعني لازم أخد حد معايا يعني مش هينفع
علي العموم شكرا

مريم
أنا عارف و الله إن التغيير حلو بس أنا مش عارف أعمل أية؟

Batoot
للأسف مش هينفعوا الأتنين

للعلم يا شباب أخبار النكد مش بتخلص لكن بجد أنا مش عاوز أتكلم معكم في حاجة نكد نفسي تشفوني متفائل مرة و الله أنا عاوز أفرح معكم بأي حاجة أعملها بس مش لاقي

البنت الشلبية said...

محمد انا مسافرة اسبوع مصيف مع العيلة ..تعالى معانا ههههههههههه

سلام اشوفك الاسبوع الجاى ..ولا غيرت رايك وهتيجى معانا؟

الى انت فيه مش نكد ده ملل..اعمل اى حاجة كويسة تشغلك

سلام

البنت الشلبية said...

اه البنت الشلبية ده اسم اغنية جميلة اوى لفيروز

عجبتنى سميت البلوج بيها

سلامز

No Fear said...

السلام عليكم
البنت الشلبية
مصيف سعيد و شكرا علي الدعوة :) كنت هأجي بس زي ما قلتلك مش عاوز أخد أجازة
علي العموم ترجعي بالسلامة و مستنينك و عاوزين كده كم بوست عن المصيف السعيد اللي أنت هتروحيه
عمال بفكر في أي حاجة تشغلني قولي يارب

أنا عارف أغنية فيروز أو اعرف إن في أغنية بالأسم ده لفيروز بس شلبية دي يعني أية بردوا؟؟؟

saso said...

يعني منفعش معاك ولا حل
:(
طيب خلاص يبقي 6 الصبح قبل الشغل .. تمشية لو انت اصلا من القاهرة يبقي من التحرير للزمالك حاجة بتاعة ساعة ونص كده
:)
باعملها كتير .. وبجد بحب اليوم ده اوي
لما تنزل ستة الصبح وانت الوحيد في الشارع اللي نص منور ونص مضلم اللي ماشي بالراحة ومش بتجري وبتتفرج علي كل اللي حواليك.. وكل خطوة بترمي فكرة من افكارك

اه صح بمناسبة الشلبية
:)
الشلبية دي بلد في جنوب البرتغال ايام الاندلس
سكنها جماعة من اهل اليمن وبيتكلموا اللغه العربية
اه صح ابقي اسمع توزيع مارسيل خليفة للغنوة..يمكن يروقك برضه

Islamist Bloke said...

خد مني النصيحة التمام

فسحة يومين فى حدود 150 جنيه

يخت فى العين السخنة

لو مش مصدق..............ادخل عندي و شوف الرحلات البحرية


انا عايز اقول لك نظام الرحلات اية بس مشغول جدا دلوئتى............التفاصيل بالكامل عندي فى المدونة...........تنورنى

والسلام