Friday, June 29, 2007

.........رسالة إليك
كنت سابقا أكتب هذه الرسائل أو أذكرها في خاطري دون التحدث عنها لأحد خوفا من ضياع ثوابها
لكنني هذه المرة أكتبها لكي يشفق علي إحد الصالحين ليدعو لي مخلصا بالهداية
هذه الرسالة إليك يارب
يارب ما بي من ضعف أمام المعاصي لا يعلم سببه غيرك أنت خالق نفسي و خالق هذا الضعف في نفسي أنا عبدك صاحب المعاصي أعلم أنك تغفر الذنوب لكنني كلما تقدم بي العمر زادت ذنوبي و قلت حسناتي فيكون جزاءك شديدا علي و كلما زاد تضييقك علي زادت نفسي بعدا عن الطاعة و قربت من المعصية بل أستلذت بها و تمتعت كنت سابقا أندم علي المعاصي الأن أبحث عن المعصية بعد المعصية و لا أستحي منك و أنت تراني علي المعصية أنت إلي الأن تغرقني في نعمك و لا تحرمني إلا من القليل الذي يؤثر في نفسي جدا و يجعلني أحزن و أندم و أكتئب و أنا أعلم أن في هذا الخير لكن نفسي الضعيفة تحزن و تضعف أمام شيطانها و تقابل الحسنة منك يارب بالمعصية تلو المعصية و كلما عاهدتك يارب علي العبادة بعد المحن تزيل محنتي و تزيد معصيتي لك
يارب أنت الذي خلقت نفسي علي هذا الضعف و لا أعلم أفي هذا الخير أم أنت كتبتني عندك من عبادك العاصين الضالين إن كان هذا فيارب أكتبني من الصالحين و فرج همومي و كروبي و هذه المرة لن أعاهدك علي الطاعة كما سبق لأنني ضعيف لكن أدعوك أن تعينني علي طاعتك
يارب كفاية معاصي كفاية ذنوب كفاية ضعف أريد أن أستحي منك يارب فأعيني علي نفسي و أهدها لي يارب

11 comments:

يا مراكبي said...
This comment has been removed by the author.
يا مراكبي said...
This comment has been removed by the author.
يا مراكبي said...

قال رسول الله صلى الله عليه وسلم: كل إبن آدم خطاء وخير الخطائين التوابون

توابون أي متعددوا التوبة .. متجددوا التوبة .. يخطئون ويتوبون وهكذا

وقال تعالى: قل ياعبادي الذين أسرفوا على أنفسهم لا تقنطوا من رحمة الله .. إن الله يغفر الذنوب جميعا .. إنه هو الغفور الرحيم

الزمر53

mariam said...

اخيرا بوست جديد

اكيد كلنا بنغلط
لكن الأعتراف بالخطأ هو بداية التوبه
و بما انك تتألم كده يبقى اكيد ربنا هيسامحك ان شاء الله

تحياتى

No Fear said...

السلام عليكم
المهندس أحمد و الدكتورة مريم
و الله العظيم عارف كل اللي قلتوه و أكتر و الحمد لله
بس بأضعف المشكلة إني لحظات ضعفي بتزيد و تكبر قوتها مع زيادة نعم ربنا علي و الغريب إني بأكون فاكر نعم ربنا دي و أنا بأعمل الذنوب بس ضعفي كبير للأسف

saso said...

يارب
يهديك ويهدينا جميعا ويخلينا اقوي

مادام انت شايف الخطا وعارفه مش هيتكرر ان شاء الله
ربنا معاك ومعانا
:)

مـحـمـد مـفـيـد said...

كلنا ذو خطأ وليس عيباً ان يخطئ المرء ولكن العيب ان يتمادي في الخطاً

~ Bato0ot ~ said...

ya rab ehdena w eghfrlna kolna

خليك فى البيت said...

ندعوكم لزيارة مدونة خليك فى البيت والمشاركة فى الحملة

smraa alnil said...

اعذرني علي عدم قراءة البوست
بس انا جاية بس عشان اعرف انت ليه قلت عندي اني كويس اني قفلت المدونة

ارجوك تقولي


بجد انت مش عارف تعليقك عمل فيا

ليه كدة بس

ومش تخاف مش في حد هيشتمك

smraa alnil said...

مش عارفة اقولك ايه

صدقني انا مش زعلانة منك ومش هشتم يا سيدي

بس صدقني برضه انا زي ما انا ومش اتغيرت
ولا يا سيدي بقيت نجمة شباك ولا حاجة
ومش ذنبي ان التعليقات عندي كتير
بدليل ان تلات اربع اللي بيعلق عندي مش حضروا اللقاءات اللي فاتت
انا بس اتغيرت في حاجة
ان الشئ اللي بحس بيه بقيت اكتب عنه بطريقة مختلفة

مثلا يعني

بعد اللقاء التالت حسيت ان في ناس زي مانت قلت
وفي ناس جايزة تظبط
وجاية عشان تتمنظر زي مانت قلت
وربنا يعلم اني كنت جاية عشان اشوف الناس واخرج من عزلتي وكنت بتصرف بتلقائية جدا
ولما حسيت بدة كان رد فعلي صعب اني قلت المدونة كلها وبقي صعب علي اي حد انه يدخلهاولما حسيت اني صعب اني ابعد
كتبت اللي حصل في هيئة قصيدة اسمها وشوش

بقول فيها ان كل واحد منا بكذا وش

لما ارتبطت كتبت احاسيسي من غير مهنة ولا حاجة واعلنت للناس اني ارتبط
شاركتكم معايا زي ما شاركتكم في عيد ميلاد خويا وظروفي الخاصة

ولما اتخطبت اعلنت علي نفسي وفي ناس اتهمتني اني جريئة عشان نشرت صوري
بس حبيت تشوفوا فرحتي
لاني مجازا بحس انكم بتفرحوا لفرحي وبتزعلوا لزعلي

ومش عشان انا نججمة شباك بقيت مجبرةاني اكتب كل بوست كل فترة
لا

انا كل يوم بتعرض لمشكلة ما
وكل يوم عندي ضغوط صعبة
قت ما بحس بالخنقة بكتب وبقول

وانا عندي اشعار من وانا في اولي اعدادي

يعني اقلها كنت كل فترة احط موضوع من القديم ومش هتفرق معايا
بس انا عمري ما كتبت حاجة الا وانا حساها

كل الحكاية اني اتوقفت علي التدوين لفترة
لان جالي كومنتات ضايقتني جدا وبقت تشتم فيا شتايم لا يصح انها تتقال لواحدة بنت
وكان الحل اني امسحها واكتفي بكدة
لكني فوجئت ان الشخص دة راح لخطيبي في المدونة وكاتبله كومنت برضه عليا
واتهامات مش حلوة
مش قدرت استحمل الصدمة والكلام
وكرهت الدنيا ونفسي
جايز اكون كدة بهرب او ضعيفة
جايز
بس حيت اني عايزة اعمل كدة

صدقني انا لو كنت نجمة شباك او عايزة اكون زعيمة
كنت عملت حاجات كتير
واشتركت في حاجات اكتر
ولبيت دعاوي اكتر واكتر
اقلها
بعد اللقاء التالت
حسيت ان اللقاء فاشل نوعا ما واقتحرت من غير وعي ولا دراسة اننا بدل ما نتقابل نروح دارات اياتام ونزور الاطفال
وصدقني لما حسيت ان الضوء اتسلط عليا من غير وعي مني
اكتفيت اني اعمل الموضوع في الخفاء وفي ناس اتهمتني باني بعمل فرقعه عشان اتشهر وخلاص

بس انا مش حابة كدة
عايزة اكون في الضلمة زي مانا
واكبر دليل اني لسة محتفظة بالبلوج بتاعي اسود زي ماهو
مش بينوره غير الخط اللي بكتب بيه احساسي

انا مش اتغيرت
ولا هتغير

انا بس دايما تعبانة في حياتي

وبكتب لنفسي ولبس
مش عشان مجبرة

وبالنسبة للمواشيع الوطنية

دة لاني دايما بربط مشكلتنا الوطن
الحب بالوطن
الحياة بالوطن
وفعلا انا مهمومة بمشاكل بلدي والوطن كله
عشان كدة بطريقة لا ردايى مني
كل ما بكتب موضوع بلاقي نفسي بكتب عن الوطن

بالنسب للمواضيع العاطفية

ودة لاني بطبعي رومانسية

اسفة علي التطويل
بس انا فعلا مش تغيرت زي مانت فاكر

ووالله كمان انا مش عايزة اكون نجمة شباك ولا هكون

اتمني اني اكون وضحت وجهه نظري