Wednesday, January 31, 2007

بسم الله الرحمن الرحيم
السلام عليكم و رحمة الله و بركاته
من ساعة أما دخلت عالم المدونات بحلم يتبعت لي تاج و بصراحة كنت متأكد من أنه خلاص علي وشك الوصول من شخص معين بس موصلش و ربنا كرمني بالأستاذ أحمد و بعت لي و بعد أما وصل التاجين كمان مش تاج واحد قلت ياريتني ما دعيت بكدع علشان أتضح أنه موضوع صعب بجد بس هأحول السؤال اللي مش هأعرف أجاوبه مش هأعرف هأعمل اية يعني
التاج الأول
أية اللي هيحصل لإيميلك لما تموت؟
أولا عمري ما فكرت في الموضوع ده بس عادي زي اللي بيحصل لحد يعمل إيميل و ما يستخدموش تاني أسألو مواقع الإيميلات
أديت الباسورد لحد قبل كده؟
لأ طبعا عمري
هو في واحد مرة أتزنقت و أستخدمت الكمبيوتر بتاعه و تنح و وقف و أنا بأكتب الباسورد و لما رجعت البيت غيرتها علي طول
لو أة علاقتك بيه أية؟
قلت لأ
أسمك؟
محمد
أسم الدلع اللي مشهور به وسط صحابي؟
أسم العائلة مش هينفع أقوله معلش
عمرك؟
24
برجك؟
العقرب
مجال الدراسة؟
الكيميــــــــــــــــــــــــــــــــــــــــاء
السفر بالنسبة لك؟
حلم كبير
يارب يتحقق و يكون فيه الخير
المود بتاعي؟
كوكتيل
وقت فراغك بتعمل فيه أية؟
هو تقريبا اليومين دول حياتي كلها وقت فراغ
يعني داخل مرحلة إدمان النت و الكمبيوتر
الأكلة المفضلة؟
البفتيك
بس بتعذب بعدها و أقعد أشرب مياه للصبح
الصفات اللي أخدتها من بابا؟
!!!!!!!!
الصفات اللي أخدتها من ماما؟
!!!!!!!
أكتر ست حاجات بكرهها؟
الخيانة
الكذب
الخوف الصفة دي في
الكسل الصفة دي كمان في
التفاهة
التملق هو في كلمة مش مؤدبة بتتقال عليه و الحدق يفهم علشان في بنات هنا
أكتر ست حاجات بتحبها؟
الأيام اللي بأكون فيها سعيد بعلاقتي مع ربنا و الحمد لله كانت كتير و أختفت بس بدأت ترجع تاني الحمد لله
النجاح
الأمل
الصداقة مش موجودة حاليا بس بردوا في مشروع مهم شغال حاليا فيه يارب يستمر
جو الشتا
النسكافيه تفاهة معلش
الشغل بالنسبة لي ؟
أهم شئ في الدنيا
أنا بشتغل حاليا بس مش بحب الشغل اللي أنا فيه بس إن شاء الله بأجتهد فيه علشان ربنا يرزقني بالشغل اللي أحبه إن شاء الله
الكمبيوتر بالنسبة لي ؟
حاليا كل شئ في حياتي الصداقة عالم المدونات حتي الإنحراف عليه
نفسي أستخدمه كمحترف في شغل
التاج التاني
أية الخمس حاجات اللي محدش يعرفها عنك؟
شخصيتي الحقيقية محدش يعرفني خالص حتي أقرب صحابي أنا مع كل مجموعة بشخصية مختلفة أو علشان محدش يقول علي بوشين بجزء من شخصيتي مع كل مجموعة من الأصدقاء بس الشخصية الكاملة محدش يعرفها غير تقريبا واحد
إني عاطفي جدا و حالم جدا
إني ساعات الحمد لله بيكون رأئي صح
إني جدع جدا
إني طيب لدرجة الهبل
أية ده الحمد لله خلصوا
شكرا جدا أستاذ أحمد علي التاجين دول بجد كان نفسي أعمل تاج جدا الحقيقة مكدبش عليك
بأمرر التاجين دول لكل حد يلاقي أسمه في قائمة الإتصال السريع بتاعتي
و اللي وصل له قبل كده خلاص مش مشكلة و
و الزائريت اللي مش موجودين في القائمة ممكن لو عايزين كأني بعته لهم بس بجد هو موضوع صعب جدا
سلام يا أصدقائي

16 comments:

mariam said...

كنت مستنياك ترد على التاج من ساعة ما الاستاذ احمد بعتهولى انا كمان
على العموم بالتوفيق فى المشروع الجديد
و بعدين انت مخدتش حاجه من ماما و بابا و لا ايه؟

تحياتى

مـحـمـد مـفـيـد said...

اتاج رائع

No Fear said...

السلام عليكم
mano
من فترة مشفتكيش
خير مستنية أرد علي التاج ليه


محمد مفيد
ربنا يخليك

mariam said...

لأ كنت مستنيه
ان مفيش بوست جديد من فتره يعنى

Unknown said...

ولا صعب ولا حاجة
زى شكة الدبوس بالظبط
حسيت بحاجة؟؟؟

حبة صراحة معلش
الكيميــــــــــــــــــــــــــــــــــــــــاء
بكرهااااااااااااااااا
خدتها قبل كدة فى أولى ثانوى مانكرش ومن بعدها اصبحت كل علاقتى بيها الاغنية العريقة للمدبع محمود عبد العزيز
الكيمى كيمى كا
وبسسسسسسسس

كلامك قليل ومختصر
بس كدة أحسن من الرغى اللى برغيه
وكما يقولون الرغى للجدعان

معلش رغيت كتير
سلام عليكم

We2am said...

yoooooh..kol el bogers 3mlo el tag dah..gat 3lyya ya3ni :P
bs esh6a wlhy..7'sosan el tamlloq ;D

No Fear said...

السلام عليكم
مانو
و لا يهمك يا ستي ممكن اعملك بوست يوميا بس متزهقيش

إنسانة
الكيمي كيمي كا
وصلت للدرجة دي
هو ساعات بيكون نفسي أرغي بس مش بلاقي حاجة أقولها للأسف
نفسي أكون رغاي

we2am
منورة من زمان منورتنيش هنا
بس مش مرتاح لك أنت عارفة الكلمة و لا أية؟
ياريت تقولي لا حتي لو أة ماشي

شكرا لكم جميعا

saso said...

ايه ده مختصر اوي كده ليه..بقالي اسبوع بافكر اكتب قليل لما اعمل التاج ..لحد ما اجلتة خالص

يعني انا بس اللي رغاية
احلي مافي الموضوع الصفات اللي محدش يعرفها عنك

DoOoOoOdY said...

تاج لذيذ يا محمد واجاباتك جميله

يا مراكبي said...

إيه ده؟ أمال فين الإسترسال اللي كنت بتكتب زيه قبل كده؟

عموما ربنا يوفقك وهأشوفلك كام تاج كده تانيين كمان شوية

No Fear said...

السلام عليكم
saso
منورة
معلش مختصر مرة من نفسكوا علشان متتخنقوش مني
مش فاهم اللي حلو في الخمس حاجات اللي محدش يعرفها عني

ody
شكرا ليكي لذيذ أية بس أنت بتجاملي كويس قوي بس أنا عارف نفسي

حبيبي الأستاذ المراكبي
إن شاء الله هأسترسل في موضوع مهم قوي عاوز أكتبه بس بفكر أكتبه إزاي
ربنا يكرمك كفاية تاجات أنا كنت فاكر ده شئ حلو طلع صعب جدا

سلام

إنسان || Human said...

والله ..انت درست الكميا إزاي صحيح ..كويس ان انت بعقلك.....ويارب تكون عالم كبير في الكميا لو تحب تسافر يعني ,,ماهو مش معقول هاتسافر لسبب أخر

Yasmine Adel Fouad said...

التاج وصلك
هههههههههههههه
اللفه وسعت جدا
حلو اوى انك تحس فعلا ان كل اللى حواليك بيمروا بنفس المرحله معاك فى نفس الوقت

Memo said...

شوف بقه التاج رائع و يا سلام على الجزء بتاع البوفتيك كان مؤسر جدا و قطعت قلبي
ايه يا ابنب الشاعريه دي كلها
تحياتشي

albida said...

اموت وأعرف أنت طولت كلمة الكيمياء دى أوى كده ليه؟... قد كده تعباك؟
هههههههههه

اجاباتك مختصرة وفى المفيد على طول من غير لا لف ولا دوران

وايه حكاية الميه اللى بعد البفتيك دى؟ أنت عندك حساسية من البفتيك؟
هههههههه

ربنا يوفقك فى حياتك يارب وتحقق اللى نفسك فيه

manal

No Fear said...

السلام عليكم
human
و الله يا عم الكيمياء في حد ذاتها ممتعة جدا
لكن المشكلة إنها مجالات الشغل بتاعتها اللي فيها إبتكار و مش شغل روتيني منعدمة غير في مجال الدراسات العليا و طبعا عمك كان بيجيب جيد ببركة دعاء الوالدين و المسلمين جميعا

أنا حرة
تعرفي أنا وصلت معايا كنت بتخض لو دخلت بلوج بتاع حد و مش لاقيته مجاوب البوست بس كنت بدور ألأقيه كاتبة من زمان غالبا إحنا المحيط بتاعنا ضيق شوية

Memo
تحياتشي أنا كمان

albida
بحب الكيمياء بس نفسي في مجال شغل في تشغيل دماغ و يكون في حاجة كده تحسسيني بأهميتي مثلا في فريق بحث طبي ياااه حلم حياتي الموضوع ده
يارب يتحقق
المختصر المفيد هو المطلوب و ربك و الحق مكنتش بألأقي حاجة تتكتب أصلا
البفتيك بعطش جدا بعد أما أكل منه لأني بفتري في أكله و طبعا الخلطة اللي بيكون فيها الليمون و البصل دي بتموتني من العطش
حساسية أية بس

شكرا لكم جميعا