Monday, January 08, 2007

بسم الله الرحمن الرحيم
السلام عليكم و رحمة الله و بركاته
أزيكم يا أحلي شباب عرفتها في حياتي
مقدمة
أنا دايما في أيام الشغل بنام في حدود من 10 ل 11 علي نشرة أخبار البي بي سي حصاد اليوم الإخباري
و دلوقتي كنت خلاص هأنام بس مكنتش صليت المغرب و العشا و مش هأكدب عليكم علشان بحس إني مش بخجل منكم و نفسي تساعدوني ساعات بطنش كتير و مش عارف قمت علشان أصلي و لا علشان أكتب البوست ده و مش هأكدب عليكم ممكن مكنتش قمت لو مش في دماغي موضوع البوست ده و الله اعلم و يارب يغفر لي
الموضوع
ليا واحد صاحبي أو مش عارف علي الأقل كنت معتبرة صاحبي أو أتمني أنه يكون صاحبي مش عارف هو ليه حاليا بيعاملني بالطريقة دي
علشان بردو محدش يتوقع منه رد هو ممكن مبيدخلش هنا غير كل قرن و ساعات مش بيدخل المهم بردوا علشان شكلي قدامه مش هأقول علي أسمه
مش عارف هو بيعيد حساباته مع نفسه و لا فجأة عرف إني مش أصلح له كصديق أو لظروف تانية الله أعلم مش عارف بيعاملني معاملة غريبة
أنا معتقدش إني عملت حاجة تزعله
بس اللي مضايقني فعلا إننا كنا واخدين علي الصراحة مع بعض يعني اللي بيزعل بيقول للتاني بس هو المرة دي مفيش كلام و اللي غيظني كمان حاسس أنه كان بيضحك علي الفترة دي أو بيتريق علي في سره مش عارف ليه الإحساس ده عندي
بس بجد مش عارف ليه الناس كده بتحب تخدع ليه مش نكون صرحين مع بعض مش قادر أعرف يعني أنا مش عاوز أتكلم معاك مش أسيبك معلق كده لا ممكن نفترق عادي أو نكون زملاء مع بعض أنا شايف بصراحة أن ده ممكن يحصل
و هنسأل علي بعض و نسلم علي بعض عادي يعني ممكن تكون مش فرحان بصداقتي زي ما انا فرحان
مش هأزعل و علشان ما أكنش بكدب هأزعل بس هأزعل أكتر لما تعاملني كده علشان أنت كده بتخليني أفقد الثقة في الناس كلها بجد
و معتقدش أنا عملتله حاجة تضره في حياته
ليه هو يعمل معايا كده مش عارف
أنا عاوز أقوله بس إن أنا مستعد منه أنه يقول مش هينفع نكون صحاب و عادي و الله ميقلقش بس يقول و لو قال و رجع طلب مني أي حاجة أنا مستعد بجد أنفذ له كل اللي يطلبه علشان مكنش بردوا متجني عليه أنا أتعلمت منه حاجات كتير قوي و ممكن أكون مدين له بالفضل بيعني سعادتي خلال هذه الفترة
ليه الصراحة في حياتنا مش موجودة
حرام و الله كده
بس الحمد لله
نشرة الأخبار
صاحب المدونة دي مش عاوز أقول لكم سعيد بجد هذه الأيام بطريقة مش ممكن الحمد لله علشان أصدقائه من المدونين في زيادة و الحمد لله مش عاوز أكتر من كده بس عاوز اللي دخل هنا مرة يرجع تاني و تالت و تريليوووووووون
نياهههههها الأهلي أتهزق من الإسماعيلي بالتلاتة معلش شيريهان و روني و دودي و هيومان و المراكبي و كل الأهلاوية
الحمد لله حفظت سورتي النازعات و عبس أدعو لي أكمل يارب
مش عارف متفائل قوي السنة دي الحمد لله يارب دايما و يتحقق اللي مستنيه منك يارب
و الله يا جدعان الحياة دي فعلا مش مستهلة نكرهه أي حد خالص علي أية يعني مش عارف
صدق رسول الله حين قال : من أصبح أمانا في سربه معافا في بدنه عنده قوت يومه فكأنما حيزت له الدنيا بحذافيرها صدق رسول الله
الله يسامحكم ضيعتوا مني مقدمة النشرة
- شغال في كورسات حاجات كتير قوي عاوز أخلص كم كبير منها خلال فترة البيات الإجباري اللي في التمهيدي حاليا علي أمل العودة للتمهيد السنة الجاية بقوة إن شاء الله
سلام و تصبحوا علي خير

17 comments:

واحد من الناس said...

بقى فرحان قوي ان الأهلي اتغلب
:(
برده عفوا هذا زمن الأهلي
ماشي يا زملكاوي
لما نشوف المتش الجاي
:)

sarah la tulipe rose said...

اهلي اتغلب احسن -انا مش زمالكاوية انا ماليش في الكورة اصلا الحمد لله
بس عشان اتغروا اوي
حكاية الصديق سيبه فترة يقيم دواخله متعرفش ايه السبب التمس له عذر من اربعين و انت دايما في خانة الثقة برضة

mariam said...

و لا يهمك من صاحبك دة بكره تلاقى صحاب احسن
و مش هعلق على الكوره لأن ماليش فيها
ربنا يوفقك فى الكورسات

يا مراكبي said...

أولا .. أول درجات النجاح هيا الصراحة مع نفسك قبل الصراحة مع الآخرين .. ياما بيحصل للناس إن يسهى عليهم ويفوتهم صلاة .. أو إن الواحد يكون مشغول جدا وييجي وقت النوم ويلاقي إنه لسة ما صلاش العشاء مثلا .. لكن المهم إن الواحد يتحامل على نفسه ويقوم ويصلي قبل ما ينام مهما حصل في الدنيا .. حتى لو كنت في الشارع وما فيش مكان تصلي فيه .. إتيمم وصلي في الشارع .. ما يهمكش الناس .. ماحدش فيهم هاينفعك لما تقابل ربنا

ثانيا موضوع صاحبك ده بقى سمة العصر .. بقى نادر لما تلاقي حد يصارحك ويقول لك حقيقة شعورة .. أغلب الناس دلوقت مايعة في تصرفاتها وبتلعب على كل الحبال علشان لما يشوفوا إيه اللي سالك فيهم يكملوا فيه .. نصيحتي .. إتصل بيه وفاجئه وصارحه وخلي ده طبعك إنت على طول .. إمشي عدل يحتار عدوك فيك

ثالثا .. ربنا يزود أصحابك كمان وكمان .. وبالنسبة للأهلي .. فأنا بصفتي لاعب بولينج أحب أقول للإسماعيلي إن مش مهم تكسب مباراة .. المهم تفضل على المستوى الخرافي ده على طول ..الإسماعيلي لعب بحيوية وسرعة أنا عمري ما شفتها .. لكن كان فيه ده من زمان .. وياترى هايكمل على المستوى ده على طول؟ أشك

مبروك حفظ القرآن والكورسيس اللي بتدرسها .. ربنا يوفقك إن شاء الله

Dr. Tantawy said...

يعيش الزمالك للأبد

الاهلي المصري هيلعب مع اهلي جده على التالت و الرابع في بطوله الموكوسين الدوليه لكره القدم .. و انشاء الله انا كمصري بتمنى الاهلي يكسب و ياخد المركز الثالث .. تاني هههههههه

rony said...

معلش اكيد هاتسمحولى اعلق تعليق طويل شويه المره دى...علشان غالبا هتكون اخر مره
الصديق الوحش الخاين الكداب اللى محمد بيتكلم عليه ده انا ياجماعه...وده رايه فيا وحقه طبعا انه يقوله وحقى برضه انى ارد الاذى عن نفسى وارد على كلامه ولو لاخر مره
هو شايف انى كنت بضحك عليه وبكدب وبتريق عليه فى سرى ومش بعيد شويه كمان اكون بتريق عليه مع اصحابى...ما انا صديقه زباله بقى
وعلى فكره مش اول مره يدور الحوار ده بينا...بالعكس ده تقريبا اسبوعيا بيقولى كده
محمد....انت الوحيد اللى وقفت جنبى بجد وقت محنتى وصدمتى فى اصحابى...وعارف قد ايه الموضوع ده ضايقنى...وعارف قد ايه انا عيطت وكان قدامك ...مش غريب انك تشك فيا انا انى اعمل الموضوع ده...ما علينا طبعا
شايف انى خدعتك وخنتك مع انك برضه بتقول انى علمتك حاجات كتير...وانى كنت سبب فى سعادتك الفتره اللى فاتت بس برضه انا طلعت وحشه وطلعت وحشه اوى كمان
مثلا مأخدتش فى بالك انى مت مثلا اليومين اللى متكلمناش فيهم
او مثلا مافكرتش ان اختى ولدت وانت مسألتش عليا علشان تعرف انا فين
دخلت نت وخرجت اول ماشفتنى
مصر برضه انك تهيينى وكانى معنديش دم مثلا او اكون شلت كرامتى وحطيت مكانها فرده كوتش...انا مش عارفه بجد
طب نفترض انى مش طايقاك ومش عايزه اكلمك ومن الاخر عايزه اقطع علاقتى بيك...هافضل اسال عليك انا ليه...هافضل استحمل النت عندك اللى بيفصل كل خمس ثوانى ليه...هافضل استحملك _زى ما استحملتنى _ وانت متضايق والدنيا سوده فى وشك ليه...هابقى حريصه اننا على طول نعرف كل حاجه عن بعض وانك حتى لو خرجت مع اصحابك ترجع تحكيلى عملتوا ايه وقولتوا ايه ولو شفت فيلم ترجع تقولى عليه
لو انا بجد وحشه كده ومعملتش ابدا اي حاجه كويسه ليك او علشانك طب ليه انت لسه باقى عليا ...ليه لسه لحد اخر مره اتكلمنا بتقولى انى اهم صديق عندك...ولا ده برضه كان كلام
مهو متحاولش تقنعنى انى هاكون وحشه كده وهاتستحملنى
واخر حاجه ودى رد لى سؤالك
انا لو مكنتش صديقه كويسه نوعا ما حتى ولو كنت مش بهتم بيك وبكلامك زى ما بتقول مكنتش هعرف انى المقصوده بالبوست ده
ياجماعه انا مش بدافع عن نفسى علشان هو اختار النهايه بما انى كنت فرانكنشتين ...بس ده لبعدين ليه يعنى لمستقبله
ياريت تفهم ان مش كل الناس وحشه
فيه ناس ممكن تكون كويسه بس احنا بنضيعهم بظننا الوحش فيهم
وعلى كلامك اللى قولته ليه
لازم نتعرف على الناس ويكون فيه طيبه بس بحذر...ده كان كلامك ليا وانا متضايقه وانا بردلك الكلام ده دلوقتى
ياريت بس تفهمه

rony said...

اخر تعقيب ليا فى الموضوع ده علشان شكله قلب بضلمه...حاجه بحبها اوى وكان نفسى انى محسش انها فى حياتى دلوقتى
قصيده لفاروق جويده اسمها....لو اننا لم نفترق
*******
لو اننا لم نفترق
لبقيت نجما فى سمائك ساريا
وتركت عمرى فى لهيبك يحترق
لو اننى سافرت فى قمم السحاب
وعدت نهرا فى ربوعك ينطلق
لكنها الاحلام تنثرنا سرابا فى المدى
وتظل سرا...فى الجوانح يختنق
*******
لو اننا لم نفترق
كانت خطانا فى ذهول تبتعد
وتشدنا اشواقنا
فنعود نمسك بالطريق المرتعد
تلقى بنا اللحظات
فى صخب الزحام كأننا
جسد تناثر فى جسد
جسدان فى جسد نسير....وحولنا
كانت وجوه الناس تجرى كالرياح
فلا نرى منهم احد
**********
مازلت اذكر عندما جاء الرحيل
وصاح فى عينى الارق
وتعثرت انفاسنا بين الضلوع
وعاد يشطرنا القلق
ورايت عمرى فى يديك
رياح صيف عابث
ورماد احلام...وشيئا من ورق
هذا انا
عمرى ورق
حلمى ورق
طفل صغير فى جحيم الموج
حاصره الغرق
ضوئ طريد فى عيون الافق
يطويه الشفق
نجما اضاء الكون يوما ...واحترق
********
لا تسألى العين الحزينه
كيف ادمتها المقل..!؟
لاتسألى النجم البعيد
بأى سر قد افل..!؟
مهما توارى الحلم فى عينى
وآرقنى الاجل
مازلت المح فى رماد العمر
شيئا من الامل
فغدا ستنبت فى جبين الافق
نجمات جديده
وغذا ستورق فى ليالى الحزن
ايام سعيده
وغدا اراك على المدى
شمساً تضئ ظلام ايامى
وان كانت بعيده
لو اننا لم نفترق
حملتك فى ضجر الشوارع فرحتى
والخوف يلقينى على الطرقات
تتمايل الاحلام بين عيوننا
وتغيب فى صمت اللقا نبضاتى
والليل سكير يعانق كأسه
ويطوف منتشياً على الحانات
والضوء يسكب فى العيون بريقه
ويهيم فى خجل على الشرفات
كنا نصلى فى الطريق وحولنا
يتندر الكهان بالضحكات
كنا نعانق فى الظلام دموعنا
والدرب منفطر من العبرات
وتوقف الزمن المسافر فى دمى
وتعثرت فى لوعه خطواتى
والوقت يرتع والدقائق تختفى
فنطارد اللحظات باللحظات
ما كنت اعرف والرحيل يشدنا
انى اودع مهجتى وحياتى
ما كان خوفى من وداع قد مضى
بل كان خوفى من فراق آت
لم يبقى شئ منذ كان وداعنا
غير الجراح تئن فى كلماتى
لو اننا لم نفترق
لبقيت فى زمن الخطيئه توبتى
وجعلت وجهك قبلتى...وصلاتى
*******
احنا يمكن صداقتنا انتهت يامحمد...بس يهمنى انى اسيب ذكرى كويسه لو افتكرتنى فى يوم تفتكرنى بيها
خلى بالك من نفسك

albida said...

يا ساتر يا رب!! اللهم لا شماتة.. ما الزمالك ياما اتهزق.. مش عايزين نتكلم بقى
ههههههههه

وبالنسبة لموضوع صاحبك فانا من رأيى أنه ملوش لازمة تزعلوا من بعض.. لأنك زى ما قلت كنتوا أصحاب مقربين وصرحا مع بعض
يمكن فى حاجة شغلاه او مضايقاه, احنا منقدرش نعرف كل أنسان ظروفه ايه!! حاول تصالحه او أعرف ايه اللى مزعله علشان مفيش حاجة أجمل من الصداقة فى الدنيا دى
أنا اسفة لو كنت بتدخل فى اللى مليش فيه.. بس أنا حبيت أقول رأيى وأنت ليك كل الحق أنك ترفضه او تقبله

manal

Tamer Nabil Moussa said...

الاوا بالنسبة لااهلى

لما تكون طالع على طول الاول ويحصل مرة وتخسر دة مش عيب الفريق هيتعلم من الماتش دة


بالنسبة لصديقك سيبة شوى يمكن عندة مشاكل ماثرة علية ومحروج يكلمك فيها

بكرة الايام تبين

تحياتى

Unknown said...

إخص عليك كدة تشتمت فى الأهلى؟
لن أنسى لك هذا الموقف
وربنا كبير :(
المهم فى حاجة عاوزة انبهك ليها .. إحنا أى نعم اخواتك وإخوانك فى الله وبتحب تفضفض لنا .. بس بالله عليك ما تقولش على التقصير اللى بتعمله ، طبعا كلنا بشر ومش ملايكة وكلنا بنغلط .. بس ربنا سترك ليه تفضح نفسك ، وغير كدة ممكن حد يكون بيحبك ويقرا اللى قولته ويستسهل ويكسل وتاخد إنت ذنبه
مبروك على حفظ السورتين وربنا يزيدك
بالنسبة لصاحبك .. مش عارفة ليه المشكلة لما بتبقى مع الصاحب بتوجع بحد وياما اتوجعت بصراحة
بس عندى وصفة حلوة .. لو الموضوع مضايقك اوى ومش فاهم حاجة وحاسس إنك مغلوب ومظلوم .. إدعى وقول : "ربى إنى مغلوبٌ فأنتصر" .. قولها كتير وإن شاء الله ربنا هيريح بالك ودى وصفة مجربة الحمد لله
والسلام ختام

مـحـمـد مـفـيـد said...

النشره جامده اوي
بس غصب عنك الاهلي اهلي
وهذه كبوه العظماء
:)))

No Fear said...

السلام عليكم
شكرا جدا علي كلامكم
واحد من الناس
شكرا للزيارة
سارة
و الله أنا كمان مستمر علي تشجيع الزمالك علشان غرور الأهلي
مانو
شكرا علي إقتراحك
يا مراكبي
شكرا علي النصيحة
و شكرا علي التهنئة و التشجيع
ربنا يوفقك دايما و تنسي الأهلي
د طنطاوي
زمااااااااااااااااالك
روني
!!!
البيداء
شكرا علي النصائح الجميلة
بس أنت أهلوية و لا أية
تامر
يارب نكون صحاب
شكرا علي النصيحة
هيومان
أنا مشتمتش الأهلي
بس يارب يخسر دايما
أنا لما أتكلمت كنت عاوز النصيحة يعني
و أكيد أنا أشكرك علي نصيحتك الغالية و هأبقي أخد بالي بعد كده و في حاجة مهمة مين عبيط يحبني و ياخد اللي بعمله مثل له ده يكون تاني أفشل إنسان علي الأرض بعدي يعني
الواحد بيتوجع من الصحاب علشان بيكون متعشم فيهم جامد قوي و جرحهم مش بيكون سهل
بس الحمد لله مش هتوصل لدرجة الدعاء عليه يعني
محمد مفيد
ماشي يا عم مبروك المقاولين

Unknown said...

الله أكبر
لا سحر ولا شعوذةةةةةةةة
5-1
يا سلام يا سلام يا سلام

على فكرة الدعوة دى مش دعوة على حد خالص ، بالعكس دى دعوة من القرآن ولما بقولها الموقف بيتحل ومحدش بيتأذى ماتخفش

ومبرووووووووووووووووك للمرة المليون للأهلى اللى مشرفناااااا
:D

يا مراكبي said...

شفت بقى .. الإسماعيلي كان مغلوب من المحلة في الإسماعيلية وإتعادل وكسب بضربة جزاء بالعافية .. يعني مش ثابت في مستواه زي ما أنا دايما بأقول

مش مهم تكسب .. المهم تفضل إزاي على القمة .. ومش مهم برضة تخسر .. المهم إزاي تقوم بسرعة .. والأهلي حديد وخمسة وخميسة

elgharep said...

أخيرا لقيت واحد لسة محافظ على ولائه للزمالك
أحييك
الغريب

saso said...

طيب انا كنت هاكتب كتير لقيت روني زعلانة سكت
المهم اقولك ما شاء الله علي حفظ السورتين وربنا يثبتك .. مالكش دعوة بالاهلي لو سمحت .. كل ما بيسكب بتيجي هنا بيتزا يبقي خلية يكسب

albida said...

طبعا أهلوية!! لو لم أكن أهلوية لودت أن اكون اهلاوية
:) :)

وعلى فكرة ال
nickname
بتاعى بالعربى.. البيدا, مش البيداء خالص.. ملوش علاقة بالصحرا والحاجات دى
:) :)

manal